داۋاز مېڭىش قىيىنلىق دەرىجىسى ئاجايىپ يۇقىرى ماھارەت ھېسابلىنىدۇ، ئادەتتىكى ئادەملەرمۇ ناھايىتى تەستە ماڭالايدۇ، لېكىن گىرمانىيەدىكى بىر ھايۋاناتلار باغچىسىدا مۇشۇنداق ماھارەتلىك بىر شىمپەنزە بار، ئۇنىڭ ھەجىمىمۇ يوغان بولۇپ، كىدوگو ئىسىملىك بۇ شىمپەنزە شۇنداقتىمۇ بۇ ماھارەتنى ئىگەللىۋالغان ھەمدە ھايۋاناتلار باغچىسىدىكى داڭلىق «داۋاز شاھى»بولغان.
ئەنگلىيە «كۈندىلىك پوچتا گېزىتى»نىڭ 12-ئاينىڭ 31-كۈنىدىكى خەۋىرى، كۈمۈش رەڭلىك بۇ شىمپەنزە بۇ يىل 12ياشقا كىرگەن بولۇپ، باغچىدىكى بىر چىشى شىمپەنزە تۇغماس بولغانلىقى ئۈچۈن، بۇ يىل 3-ئاينىڭ ئاخىرىدا بۇ شىمپەنزىنى دانىيەدىن ئەكەلدۈرگەن، لېكىن گىرمانىيە باغچىسىغا كەلگەندىن كېيىن ئۇ جىمغۇرلىشىپ، دانىيەدىكى باغچىنى سېغىنغاندەك قىلغان، ھېچقانداق بىر ئىشقا قىزىقمىغان يەنە كېلىپ مۇھىتقىمۇ ماسلىشالمىغان.
ئۇنى قىزغىن ھەم تېتىك قىلىش ئۈچۈن، باغچا خادىملىرى ئۇنىڭ پائالىيەت رايونىغا بىر پولات سىمنى تارتىپ بەرگەن، ئويلاپ باقمىغان يەردىن شىمپەنزە يامىشىپ چىقىپ، ئۈستىدە ئاستا ماڭغان، بۇنىڭدىن باغچا خادىملىرى ھەيران قالغان. شىمپەنزىمۇ تېتىكلىشىپ، مۇھىتقا كۆنۈپ قالغان.