جۇڭگو ئاخبارات تورى تاماشا قانىلى مۇخبىرنىڭ 12-ئاينىڭ 16-كۈنىدىكى خەۋىرىگە ئاساسلانغاندا، 12-ئاينىڭ 15-كۈنى كەچتە ياۋ چېن مەلۇم بىر داڭلىق ماركىنىڭ ئوبراز ئەلچىسى بولۇش سۈپىتى بىلەن شاڭخەيدىكى مەلۇم بىر تەبرىكلەش مۇراسىمىغا قاتناشتى. بۇ قېتىملىق زىياپەتكە قاتنىشىش-ياۋ چېڭنىڭ توي قىلغاندىن كېيىنكى تۇنجى مۇراسىمغا قاتنىشىشى بولۇپ، پۈتۈن مەيدان قىزىپ كەتتى. تاراتقۇلارنىڭ زىيارىتىگە نىسبەتەن، بۇ لاتاپەتلىك چولپان ئىللىق كۈلۈمسىرەپ تۇرۇپ، ئۆزىنىڭ بەك بەختلىك ئىكەنلىكىنى، يولدىشىنىڭ ئۆزىگە بەك كۆڭۈل بۆلىدىغانلىقىنى ئېيتقان. شۇ كۈنى ئۇچىسىغا قارا رەڭلىك ئىشتان بىلەن ئاق رەڭلىك مايكا كىيگەن بۇ نازىنىن چولپان ھامىلىدارلىقنى ئاشكارىلاپ قويغان ئىدى. چۈنكى بۇ كىيىملەردىن قورسىقىنىڭ ئازراق يوغىناپ قالغانلىقىنى بىر قاراپلا بىلىۋالغىلى بولاتتى، بۇ ھال تاراتقۇلارنىڭ ئۆتكۈز كۆزلىرىدىن قېچىپ قۇتۇلالمىدى.