ئاسىيا كىندىكى تورى خەۋىرى، شىنجاڭ ئۇيغۇر ئاپتونوم رايونى 2013-يىللىق ئادەتتىكى ئالىي مەكتەپلەر سەنئەت تۈرىدىكى كەسىپلەرگە ئوقۇغۇچى قوبۇل قىلىش خىزمىتى باشلاندى. گۈزەل سەنئەت تۈرى، مۇزىكا تۈرى قاتارلىق كەسىپلەرنىڭ ھەممىسىنىڭ تىزىملاش ۋاقتى 12-ئاينىڭ 15-كۈنىگىچە داۋاملىشىدۇ، مۇددەتنى ئۆتكۈزىۋەتسە تىزىملاشقا بولمايدۇ.
ئىگىلەشلەرگە ئاساسلانغاندا، ئادەتتىكى ئالىي مەكتەپلەر سەنئەت تۈرىدىكى كەسىپلەرگە تىزىملاتقان بارلىق ئوقۇغۇچىلار تونۇشتۇرۇش خېتى بىلەن ئىككىنچى ئەۋلاد كىملىكنى ئېلىپ شۇ يەردىكى ئوقۇغۇچى قوبۇل قىلىش نەق مەيدانىغا بېرىپ ئېلىكتورونلۇق سۈرەتكە چۈشىدىكەن(چوقۇم ئىمتىھانغا قاتناشقۇچى نەق مەيدانغا بېرىپ) ھەمدە بىر تۇتاش ئىمتىھانغا تىزىملىتىش كىنىشكىسى تارقىتىپ بېرىلىدىكەن. بىر تۇتاش ئىمتىھانغا مۇناسىۋەتلىك تەپسىلاتلارنى بىلمەكچى بولسىڭىز www.xjzs.edu.cnتور بېكىتىگە كىرىپ تەكشۈرۈڭ!