تۇيۇقسىز پەيدا بولغان بىر پارچە ئوچۇق خەت

2012-يىلى 7-ئاينىڭ 14-كۈنى، ئۆزىنى ئالىن مېيساگى دەپ ئاتىۋالغان بىر دوختۇر مايكول جېكسوننىڭ ئاپىسى ۋە ئۇنىڭ ئۈچ پەرزەنتى بىللە تۇرىدىغان كاتتا داچىغا كېلىپ، مايكول جېكسوننىڭ ئاپىسى كازىرىياننىڭ سالامەتلىك ئەھۋالىنى تەكشۈرمەكچى بولغان. تەكشۈرگەندىن كېيىن كازىرىياننىڭ قان بېسىمىنىڭ تۆۋەنلىكىنى ئەسلىدىكى پىلان بويىچە ماشىنا بىلەن يېڭى مېكسىكا ئىشتاتىغا بارسا بولمايدىغانلىقىنى چوقۇم ئايروپىلان بىلەن بېرىشى كېرەكلىكىنى ئېيتقان.

دوختۇرنىڭ كۆرسەتمىسى بويىچە كازىرىيان قىزى راببىت، نەۋرە قىزى سىتاسىي بىروۋېن ۋە شەخسىي ياردەمچىسى بىلەن بىرگە ئايرودرومغا بارغان، ئەمما ئۇزۇن ئۆتمەي ئۇ باشقىلار تەرىپىدىن بىر مېھمانخانىغا ئېلىپ كېلىنگەن. تېلېفون ئۇلانمايدىغان، تېلېۋىزور بۇزۇق مېھمانخانىدا ئۇنىڭ قىزى جېننىي جېكسون ساقلاپ تۇرغان بولۇپ، كازىرىيان كىرىشىگە ئۇنىڭ قول تېلېفونىنى ئېلىۋېلىپ:‹مۇشۇ يەردە ياخشى دەم ئال›دېگەن. يەنە بىر مېھمانخانىغا كازىرىيان بىلەن بىرگە كەلگەن جېكسوننىڭ ئۈچ بالىسى ۋە كازىرىياننىڭ شەخسىي ياردەمچىسىنى سولاپ قويغان.

شۇنىڭ بىلەن ياردەمچى بىلەن بالىلار ئۆزلىرىنىڭ ئالدىنىپ تۇتقۇن قىلىنغانلىقىنى بايقاپ بىخەتەرلىكىدىن قاتتىق ئەنسىرىگەن ھەمدە مومىسى كازىرىيان بىلەن ئىككى كۈن ئالاقىلىشەلمىگەن. ئۈچىنچى كۈنى مايكول جېكسوننىڭ بەش قېرىندىشى بىرلىكتە ئىمزا قويغان ئوچۇق خەت تاراتقۇلار تەرىپىدىن ئاشكارىلانغان. بۇ خەت مايكول جېكسوندىن قالغان مىراسنى باشقۇرغۇچى جوھان برانكا بىلەن جوھان مىچالېغا يېزىلغان. شۇنىڭ بىلەن مايكول جېكسون مال-مۈلكىنى تالىشىش ‹كۈرىشى› باشلانغان.