شىنجاڭ ئۇيغۇر ئاپتونوم رايونى يېقىنقى ئۈچ يىلدا خەتەرلىك سۇ ئامبارلىرىدىكى خەتەرنى تۈگىتىش، پۇختىلاش قۇرۇلۇشىغا 400 مىليون يۈەن مەبلەغ ئاجرىتىپ، 138 خەتەرلىك سۇ ئامبىرىنى پۇختىلىدى.

　　مۇناسىۋەتلىك تارماقلار قۇرۇلۇشنى باشقۇرۇش، نازارەت قىلىشنى كۈچەيتىپ، قۇرۇلۇش قىلغۇچىلار بىلەن قۇرۇلۇش باشقۇرغۇچىلار ئۆزئارا مەسئۇلىيەتنامە ئىمزالاش، ئالاقىدارمەسئۇل كىشى كاپالەتپۇلى تاپشۇرۇش، خەۋپ– خەتەر رەنىسىنى يولغا قويۇش قاتارلىق شەكىللەر ئارقىلىق، خەتەرلىك سۇ ئامبارلىرىنى پۇختىلاش قۇرۇلۇشىنىڭ قەدىمىنى تېزلەتتى. بۇنىڭ بىلەن، ئۈچ يىلدا 138 خەتەرلىك سۇ ئامبىرىدىكى خەتەر تۈگىتىلىپ ۋە پۇختىلىنىپ، دېھقان – چارۋىچىلار بۇ قۇرۇلۇشتىن ئەمەلىي نەپكە ئېرىشتى.(مۇخبىر مۇھەممەدنىياز خەۋىرى)