مەركىزىي تېلېۋىزىيە ئىستانسىسىنىڭ مىكروبلوگى

مەملىكەت خەۋەرلىرى ۋە خەلقئارا خەۋەرلەرنى بىۋاسىتە ئاڭلىتىشتا خاتالىق كۆرۈلدى
خەلق تورىنىڭ 8 – دېكابىر بېيجىڭدىن بەرگەن تېلېگراممىسى بېيجىڭ ۋاقتى بۈگۈن كەچتە كۆرسىتىلىدىغان «مەملىكەت خەۋەرلىرى ۋە خەلقئارا خەۋەرلەر» پروگراممىسىدا بىۋاسىتە ئاڭلىتىش خاتالىقى كۆرۈلدى. ئالدىنقى خەۋەرنى ئاڭلىتىش ئاياقلاشماي تۇرۇپلا، ئاڭلاتقۇچى سۈرەتنى ئاڭلىتىش بۆلۈمىگە ئالماشتۇرۇۋەتتى، ئاساسلىق ئاڭلاتقۇچى لى شىنمىڭ كېيىنكى خەۋەرنى ئاڭلىتىشقا باشلىدى، شۇنىڭ بىلەن ئىككى خەۋەر بىراقلا ئاڭلىتىلىپ، «ئارىلاشما ئاۋاز» كېلىپ چىقتى.
مەركىزىي تېلېۋىزىيە ئىستانسىسى ئۆزىنىڭ مىكروبلوگى ھېساباتىدا سائەت 21 دىن توققۇز مىنۇت ئۆتكەندە بىر كەچۈرۈم سوراش بلوگى ئېلان قىلدى: [كەچۈرۈڭلار] بۈگۈن كەچتىكى «مەملىكەت خەۋەرلىرى ۋە خەلقئارا خەۋەرلەر» ئاڭلاتقۇچى كىشىنىڭ خاتا كوماندىسى سەۋەبلىك، سۈرەتلەر ئالمىشىپ قېلىش خاتالىقى كۆرۈلدى، شۇڭا تاماشىبىن دوستلاردىن كەچۈرۈم سورايمىز.
مەركىزىي تېلېۋىزىيە ئىستانسىسىنىڭ ئالاھىدە تەكلىپلىك باھالىغۇچىسى ياڭيۈ ئۆزىنىڭ بلوگىغا مۇنداق دەپ يازدى: بۇگۈن كەچ «مەملىكەت خەۋەرلىرى ۋە خەلقئارا خەۋەرلەر» دە سۈرەت ئالمىشىپ قېلىش خاتالىقى كۆرۈلدى. مەركىزىي تېلېۋىزىيە ئىستانسىسى ۋاقتىدا كەچۈرۈم سورىدى. خەۋەرلەرنى ئۇلاپ ئاڭلىتىشقا قويۇلۇدىغان ئۆلچەم بەك يۇقىرى، بېسىم كۈچى پۈتكۈل جەمئىيەتنىڭ يۇقىرى تەلىپىدىن كېلىدۇ. ئەمەلىيەتتە گېزىتلەردىمۇ «خاتالىق» دەيدىغان بىر ستون بار بولۇپ، سەمىمىيلىك بىلەن خاتالىقىنى تۈزىتىدۇ ۋە كەچۈرۈم سورايدۇ. «مەملىكەت خەۋەرلىرى ۋە خەلقئارا خەۋەرلەر» - جۇڭگودىكى تەسىر كۈچى ئەڭ زور بولغان تېلېۋىزىيە خەۋەر پروگراممىسى. ئەلۋەتتە بۇ پروگراممىدىمۇ بەزىدە خاتالىق كۆرۈلىدۇ. پەقەت تۈزەتسىلا ھەممە ئىش يەنىلا ياخشىلىنىپ كېتىدۇ.