مۇخبىرنڭ ئاپتونوم رايونلۇق يېزا ئىگىلىك ماشىنىلىرى ئىدارىسىدىن ئىگىلىشىچە، بۇلتۇر ئاپتونوم رايونىمىزنىڭ يېزا ئىگىلىكىنى ماشىنىلاشتۇرۇش قەدىمى تېز بولغان. مەركەزنىڭ يېزا ئىگىلىك ماشىنىلىرىنى سېتىۋېلىش تولۇقلىما مەبلىغى بىلەن قوللىشى ئارقىسىدا، ئاپتونوم رايونىمىزدىكى دېھقان – چارۋىچىلارنىڭ يېزا ئىگىلىك ماشىنىلىرىنى سېتىۋېلىش قىزغىنلىقى يۇقىرى بولغان. ھازىر، ئاپتونوم رايونىمىزدىكىتۈرلۈك يېزا ئىگىلىكماشىنا – سايمانلىرى1 مىليوندىن ئېشىپ، يېزا ئىگىلىكىنىڭ ماشىنىلىشىشىغا پۇختا ئاساس سېلىنغان.

　　بۇ يىل دۆلەت شىنجاڭنىڭ يېزا ئىگىلىكىنى زامانىۋىلاشتۇرۇشنى قوللاش سالمىقىنى يەنىمۇ زورايتىپ، تۇنجى تۈركۈمدە ئورۇنلاشتۇرۇلغان 590 مىليون يۈەن تولۇقلىما ياردەم پۇلىنى ۋىلايەت، ئوبلاستلارغا چۈشۈرۈپ بەرگەن. بۇ يىللىق ئاساسلىق ۋەزىپە يېزا ئىگىلىكىنى ماشىنىلاشتۇرۇشنى ئەۋزەللىككە، ئۆزگىچىلىككە قاراپ تەرەققىي قىلدۇرۇش، يېزا ئىگىلىك ماشىنىلىرى تولۇقلىمىسىنى ئۆزگىچە باغ – ئورمانچىلىق، چارۋىچىلىق، ئەسلىھەلىك يېزا ئىگىلىكى، ئۆزگىچە ئىقتىسادىي زىرائەتلەرنى تېرىش، سۇ مەھسۇلاتلىرى باقمىچىلىقى، تېجەپ سۇغىرىش، يېزا ئىگىلىك مەھسۇلاتلىرىنىپىششىقلاش قاتارلىق ساھەلەرگە كېڭەيتىش ئىكەن. (مۇخبىر مەدىنە تاھىر خەۋىرى)