ئىسمى: جوۋ شىيڭچې
ئىنگىلىزچە ئىسمى: Stephen Chow
تۇغۇلغان جايى: جۇڭگو شىياڭگاڭ
مىللىتى: خەنزۇ
تۇغۇلغان ۋاقتى: 1962-يىلى6-ئاينىڭ 22-كۈنى
كەسپى: ئارتىس، رىژىسور

جوۋ شىيڭچې 1962-يىلى 6-ئاينىڭ 22-كۈنى شىياڭگاڭدىكى نامراتلار مەھەللىسىدە تۇغۇلغان.داڭلىق ئارتىس سىمسىز تېلۋىزىيە ئارتىس تەربىيلەش سىنىپى 11 -قارارىنى پۈتتۈرگەن.دەسلەپتە ۋاقىتلىق ئارتىس بولۇپ ئىشلىگەن.1983-يىلىدىن باشلاپ 5 يىل بالىلار پىروگىراممىسىغا رىياسەتچىلىك قىلىپ ئالقىشقا ئېرىشكەن

1987-يىلى «ئۇ جاھانكەزدى ئەزىمەت »كۆپ قىسىملىق تېلىۋىزىيە تىياتىرى، «تەڭداشسىز پالۋان»فىلىمىدە رول ئېلىپ ئۆزىنىڭ كومىدىيىدىكى خاسلىقىنى نامايەن قىلغان.1988 -يىلى تەكلىپ بىلەن «ئاۋانگارت چېقىن»فىلىمىدا رول ئېلىپ، 25-نۆۋەتلىك تەيۋەن ئالتۇن ئات « ئەڭ ياخشى يانداش ئەر ئارتىس» مۇكاپاتىغا ئېرىشكەن.1990-يىلى ئۇ باش رول ئالغان«قىمار ئىلاھى» فىلىمى شۇ يىلقى ئەڭ يۇقىرىقى بېلەت رېكورتىنى ياراتقان. شۇنىڭدىن باشلاپ ئىشلىگەن بىر قاتار فىلىملىرى ئەڭ يۇقىرى بېلەت رېكورتىنى ساقلاپ كەڭ تاماشىبىنلارنىڭ قىزغىن ئالقىشىغا ئېرىشكەن.1994-يىلى «غەرىپكە ساياھەت»تۈرىدىكى ئىككى فىلىمىدە «ئەڭ ياخشى ئەر باش ئارتىس» مۇكاپاتىغا ئېرىشكەن