شىنخۇا ئاگېنتلىقى، رىياد، 9 – يانۋار تېلېگراممىسى. سەئۇدى ئەرەبىستان ئىچكى ئىشلار مىنستىرلىقى 9 – يانۋار ‹‹بازا›› تەشكىلاتىنىڭ چېگرا سىرتىدىكى سەئۇدى ئەرەبىستانلىق 47 گۇماندارىنىڭ تېزىملىكىنى ئېلان قىلدى ھەم خەلقئارا جىنايى ئىشلار ساقچى تەشكىلاتىدىن بۇ گۇماندارلارنى تۇتۇشقا ياردەملىشىشنى تەلەپ قىلدى.
    سەئۇدى ئەرەبىستان ئىچكى ئىشلار مىنستىرلىقىنىڭ باياناتچىسى شۇ كۈنى رىيادتا ئۆتكۈزۈلگەن ئاخبارات ئېلان قىلىش يىغىنىدا مۇنداق دېدى: گۇماندارلارنىڭ تېزىملىكى خەلقئارا جىنايى ئىشلار ساقچى تەشكىلاتىغا تاپشۇرۇلدى، ھۆكۈمەت چېگرا سىرتىدا ھەرىكەت قىلىۋاتقان بۇ گۇماندارلارنىڭ سەئۇدى ئەرەبىستاننىڭ چەت ئەللەردىكى ئەلچىلەر ئۆمىكىگە ئۆزىنى مەلۇم قىلىشىنى ئۈمىد قىلىدۇ.
    سەئۇدى ئەرەبىستاننىڭ ھۆكۈمەت ئاپپاراتلىرى ۋە غەرب دۆلەتلىرىنىڭ سەئۇدى ئەرەبىستاندىكى ئورگانلىرى 2003 – يىلىدىن 2006 – يىلىغىچە ئارقا – ئارقىدىن ‹‹بازا›› تەشكىلاتىنىڭ ھۇجۇمىغا ئۇچرىغان، سەئۇدى ئەرەبىستانى ھۆكۈمىتى ‹‹بازا›› تەشكىلاتىغا زەربە بېرىش سالمىقىنى زورايتقان، بۇنىڭ بىلەن بۇ تەشكىلاتنىڭ نۇرغۇن ئەزاسى يەمەن قاتارلىق دۆلەتلەرگە قېچىپ كېتىشكە مەجبۇر بولغان.
    سەئۇدى ئەرەبىستان ھۆكۈمىتى بۇنىڭدىن بۇرۇن ‹‹بازا›› تەشكىلاتىنىڭ چېگرا سىرتىدىكى سەئۇدى ئەرەبىستانلىق گۇماندارلىرىنىڭ تىزىملىكىنى تۆت قېتىم ئېلان قىلغانىدى.