مۇخبىرنىڭ 14 – فېۋرال ئاپتونوم رايونلۇق ئورمانچىلىق نازارىتىدىن ئىگىلىشىچە ، يېقىندا، ماناس دەرياسى دۆلەتلىك ئورمانچىلىق ئىدارىسى نەم يەرلەرنى قوغداش مەركىزىنىڭ تەستىقى بىلەن دۆلەتنىڭ نەم يەر باغچا قۇرۇلۇشى سىناق نۇقتا دائىرىسىگە كىرگەن . بۇنىڭ بىلەن ئاپتونوم رايونىمىزدا دۆلەتنىڭ نەم يەر باغچا قۇرۇلۇشى سىناق نۇقتا دائىرىسىگە كىرگۈزۈلگەن ئورۇن ئۈچكە يەتكەن .

　　بۇ نەم يەر باغچىسىنىڭ يرىك پىلاندىكى ئومۇمىي كۆلىمى 47.02 كۋادىرات كىلومېتىر كېلىدىكەن . يىرىك پىلان دائىرىسى بەيۈكېڭ سۇ ئامبىرى ، شىنخۇپىڭ سۇئامبىرى ، ماناس دەرياسى قەدىمىي يولى ۋەليۇفۇ دەرياسى ، موخې ئۆستىڭى قاتارلىق قىسمەن رايونلارنى ئۆزئىچىگە ئالىدىكەن .

　　بۇ قۇرۇلۇشنىڭ پۈتۈپچىقىش ۋاقتى سەككىز يىل بولۇپ ، 2011 – يىلىدىن 2018– يىلىغىچە ئۈچ باسقۇچقا بۆلۈنۈپ ئېلىپ بېرىلىدىكەن، 371 مىليون 337 مىڭ 600 يۈەن مەبلەغ سېلىنىدىكەن .

　　ئاساسلىق قۇرۇلۇش مەزمۇنى نەم يەرلەرنى قوغداش ۋەئەسلىگە كەلتۈرۈش ، پەن – تېخنىكىلىق نازارەت قىلىپ تەكشۈرۈش ، پەننى ئومۇملاشتۇرۇش تەشۋىقاتى ، مۇۋاپىق پايدىلنىش ۋە جەمئىيەت ئورتاق باشقۇرۇش قاتارلىق بەش جەھەتنى ئۆز ئىچىگە ئالىدىكەن .

　　ئىگىلىنىشىچە ،بۇنىڭدىن بۇرۇن سايرام ، ئۈرۈمچى سايئوپۇكۆلى دۆلەتنىڭ نەم يەر باغچىلىرى تىزىملىكىگە كىرگۈزۈلگەن .