«بەك ياخشى بولدى، سۇ تەپتىش ئاپتوموبىلى سۇ تەپتىشلىكى بويىچە قانۇن ئىجرا قىلىش ئىقتىدارىمىزنى ئۆستۈرۈپلا قالماي، سۇبايلىقىنى قوغداشقا تۈرتكە بولۇشتا پائالرول ئويناپ، خىزمەت ئاكتىپلىقىمىزنى يەنىمۇ قوزغايدىغان بولدى»، دېدى قۇمۇل ۋىلايەتلىك سۇ تەپتىشلىكى،سۇ بايلىقىنى باشقۇرۇش مەركىزىنىڭ مۇدىرى گاۋ پىڭ يېقىندا ئۆتكۈزۈلگەن ئاپتونوم رايوننىڭ تۇنجى تۈركۈمدىكى سۇ تەپتىش ئاپتوموبىلىنى تارقىتىش مۇراسىمىدا ئاپتونوم رايون رەئىسىنىڭ ياردەمچىسى، سۇچىلىق نازارىتىنىڭ نازىرى ۋاڭ شىجياڭنىڭ قولىدىن ئاپتوموبىل ئاچقۇچىنى ئېلىپ.

　　ئاپتونوم رايونلۇق سۇچىلىق نازارىتى سۇ تەپتىش باش ئەترىتىنىڭ باشلىقىليۇ خۇڭشياڭ مۇنداق دېدى: ئاپتونوم رايونىمىزدا دەريا – ئېقىنكۆپ، سۇ بايلىقى تارقاق، سۇ تەپتىشلىكى بويىچە قانۇن ئىجرا قىلىش قىيىن بولۇپلا قالماي، سۇ تەپتىش ئەترىتىنىڭ ئۈسكۈنىلىرى ناچار، قانۇن ئىجراسىنى كاپالەتلەندۈرۈش ئىقتىدارىمىزدا يېتەرسىزلىك ساقلانغانىدى. بۇنىڭغا قارىتا سۇچىلىق مىنىستىرلىقى مەركەزنىڭ مەبلەغ نورمىسى بەلگىلەپ ياردەم بېرىش ئۇسۇلى بويىچە، ئاپتونوم رايونىمىزنىڭ سۇ تەپتىشلىكى ئۇل مۇئەسسەسە قۇرۇلۇشىغا مەدەت بېرىشنى قارار قىلدى. (شى چياۋمېي خەۋىرى)