شىنخۇا ئاگېنتلىقى،تېگۇسىگالپا،15-فېۋرال تېلىگىراممىسى:

گوندۇراس ھۆكۈمەت ئەمەلدارىنىڭ 15-فېۋرال ئېيتىشىچە،مەزكۇر دۆلەتنىڭ ئوتتۇرا قىسمىدىكى كوماياۋا شەھىرىدىكى بىر تۈرمىدە 14-فېۋرال كەچتە چوڭ ئوت ئاپىتى يۈز بېرىپ،تەخمىنەن 200 ئادەم قازا قىلغان.

كوماياۋا ئوت ئۆچۈرۈش تارمىقى ئەمەلدارىنىڭ ئېيتىشىچە،ئوت ئاپىتى يۈز بەرگەندە نۇرغۇن جىنايەتچىلەر تۈرمىگە سولانغان بولغاچقا قېچىپ كېتەلمىگەن.شۇ جايلىق قۇتقۇزغۇچى خادىملار تۈرمىگە كىرگەن ۋاقىتتا ئوت مەيدانىنىڭ <كۆيۈپ كەتكەن جەسەتلەر بىلەن تولغانلىقى> نى كۆرگەن.ئوت ئۆچۈرۈش ئوتتىن مۇداپىئەلىنىش تارمىقى بۇ قېتىملىق ئوت ئاپىتىدە قازا قىلغۇچىلارنىڭ سانىنى سىتاتىستىكىلىماقتا،قازا قىلغۇچىلارنىڭ سانى 200 دىن ئېشىشى مۇمكىن ئىكەن.