داڭلىق فىزىكا ئالىمى ستېفىن خاۋكىڭ ئىنىشتىيىندىن كېيىنكى ئەڭ كۆزگە كۆرۈنگەن فىزىكا ئالىملىرىنىڭ بىرى، ئۇ كائىناتنىڭ كېلىپ چىقىش مەنبەسى قاتارلىق نۇرغۇن سىرلارنى يەشكەن. ئۇ ئۆزىنىڭ 8-يانۋاردىكى 70 ياشلىق تۇغۇلغان كۈنىنىڭ ئالدىدا ئىنسانلار كەلگۈسىدە مارسقا كۆچۈپ، ئەڭ ئاخىرىدا ئالەمنى بوي سۇندۇرىدۇ، دەپ ئالدىن بىشارەت بەردى.

ئەنگلىيە «كۈندىلىك پوچتا گېزىتى» تورىنىڭ 7-يانۋاردىكى خەۋىرىدە، تۇغۇلغان كۈنىنىڭ ھارپىسىدا، بۇ ئالىم ئەنگلىيە رادىيو شىركىتىنىڭ پىروگراممىسىغا قاتنىشىپ، ئاڭلىغۇچىلارنىڭ سوئالىغا جاۋاب بەرگەن. خاۋكىڭ كەلگۈسى 1000 يىل ئىچىدە، يەر شارىنىڭ مەلۇم چوڭ ئاپەت سەۋەبلىك ۋەيران بولىدىغانلىقى، مەسىلەن: بۇنىڭ يادرو ئۇرۇشى ياكى پارنىك گازىنىڭ تەسىرىدىن بولۇشى مۇمكىنلىقىنى ئېيتقان. بۇنىڭ بىلەن ئۇ ئىنسانلارنىڭ چوقۇم باشقا پىلانىتقا كۆچۈشى كېرەكلىكىنى تەكىتلىگەن. خاۋكىڭ «ئەگەر يەر شارى ۋەيران بولسا، ئىنسانلار چوقۇم مارس ياكى قۇياش سىستېمىسىدىكى باشقا پىلانىتلاردا ياشىشى كېرەك، ئەمما بۇ يېقىنقى يۈز يىلدا يۈز بەرمەيدۇ» دېگەن.