رۇسىيە زۇڭلىسى پۇتىن8-دېكابىر ئامېرىكىنىڭ دۆلەت ئىشلىرى كاتىپى ھىلارى كىلىنتوننىڭ يېقىندا رۇسىيە دۆلەت دۇماسى سايلىمى دېموكراتىك سايلام بولمىدى دېگەن سۆزىگە كۈچلۈك ئىنكاس قايتۇرۇپ مۇنداق دېدى: ھىلارى كىلىنتوننىڭ سۆزى رۇسىيە ئۆكتىچىلىرىگە مەلۇم سىگنال چىقارغانلىق، رۇسىيە ئامېرىكىنىڭ سۆزىنى ئاڭلايدىغان كىشىلەرنى جازالاشنى كۈچەيتىدۇ. ھىلارى كىلىنتون 5-دېكابىر بونىندا ئافغانىستان مەسىلىسى خەلقئارا يىغىنغا قاتناشقان مەزگىلدە رۇسىيە دۆلەت دۇماسى سايلىمى توغرىسىدا توختىلىپ مۇنداق دېدى: سايلام دېموكراتىك سايلام بولمىدى ۋە كۆز بويامچىلىق قىلىندى. ئۇ مۇنداق دېدى: رۇسىيە خەلقنىڭ ساداسىغا قۇلاق سالىدىغان كىشىلەر ئۇلارغا رەھبەرلىك قىلىشى كېرەك، رۇسىيەلىكلەرنىڭ سايلام بېلىتىنى قايتىدىن تەكشۈرۈشنى تەلەپ قىلىش ھوقۇقى بار. ئۇ 6-دېكابىر ۋېلنىستا ياۋروپا بىخەتەرلىك تەشكىلاتىغا ئەزا دۆلەتلەر دىپلوماتىيە مىنىستىرلىرى كېڭىشىنىڭ يىغىنىغا قاتناشقان مەزگىلدە رۇسىيە دۆلەت دۇماسىنىڭ سايلىمىنى يەنە بىر قېتىم ئەيىبلىدى.