رەسىمدىكى ئىران ئوڭۇشلۇق قويۇپ بەرگەن «ئىزدەنگۈچى 3-نومۇر» ناملىق ئۆزى ياسىغان ئالەم بوشلۇقى راكىتاسى. بۇ ئالەم بوشلۇقى راكىتاسىغا ئالەم كېمىسى قاچىلانغان. ئىران 2008-يىلى تۇنجى قېتىم ئالەم بوشلۇقى ۋە سۈنئىي ھەمراھ مەركىزىنى قۇرغاندىن بۇيان، ئارقا-ئارقىدىن «ئىزدەنگۈچى 1-نومۇر»،«ئىزدەنگۈچى 2-نومۇر» ئالەم راكىتالىرىنى ئوڭۇشلۇق قويۇپ بەردى.
 

«ئىزدەنگۈچى 3-نومۇر» ناملىق ئالەم بوشلۇقى راكىتاسى
خەلقئارادىكى ھەرقايسى ئاخبارات ۋاستىلىرىنىڭ خەۋىرىگە قارىغاندا، ئىران 30-يانۋار، پات يىقىندا ئىران ئىنقىلابىنىڭ 32 يىللىقىنى تەبىرىكلەپ راكىتا ۋە سۈنئىي ھەمراھ قويۇپ بېرىدىغانلىقنى ئېلان قىلدى.
خەۋەردە يەنە: 2-ئاينىڭ 11-كۈنى ئىران ئىنقىلابىنىڭ 32 يىللىقى، ئىران بۇ كۈندە ئۆزىنىڭ ئەڭ يېڭى تېخنىكىسىنى نامايەن قىلىدۇ،« Safir 1-B »تىپلىق ۋە «ئىزدەنگۈچى 4-نومۇر»ناملىق ئىككى راكىتا،‹ Rasad› ۋە‹Fajr›دىن ئىبارەت ئىككى سۈنئىي ھەمراھنى قويۇپ بېرىدۇ، دېيىلدى.
 

ئىراننىڭ ‹سۇمۇرغ› ناملىق ئالەم بوشلۇقى راكىتاسى