جۇڭگو ئۇيغۇرچە رادىيو تورى 18-سېنتەبىر خەۋىرى:

نەچچە ئاي ئىلگىرى سۇرىيەنىڭ جەنۇبىدىكى دەرئا ئۆلكىسىنىڭ دەرئا شەھىرىدە كۆپ قىتىم كەڭ كۆلەملىك نامايىش يۈز بەرگەنىدى، كېيىن ھۆكۈمەت بۇ شەھەرگە قىسىم ئەۋەتىپ ۋەزىيەتنى كونترول قىلغان. شىنخۇا ئاگېنىتلىقى مۇخبىرى زىيارەت داۋامىدا دەرئا شەھىرىدىكى خەلقنىڭ تۇرمۇشى ۋە جەمئىيەت تەرتىپىنىڭ ئەسلىگە كەلگەنلىكىنى كۆردى. ھازىر بىر قىسىم مۇھىم يول بۆلەكلىرىدە يەنىلا تولۇق قوراللانغان ئەسكەرلەر بار ئىكەن، بىر قىسىم جايلاردا قالايمىقانچىلىقنىڭ ئىزىنى كۆرگىلى بولىدىكەن.

نەچچە ئايدىن بۇيان، سۇرىيەدىكى ھەرقايسى ئۆلكىلەر ئارقا-ئارقىدىن نامايىش بولدى، دەرئا شەھىرى سۈرىيەدىكى ئېتىراز بىلدۈرۈش دولقۇنىنىڭ مەركىزىگە ئايلاندى.