تۆت كۈن ئۆتكۈزۈلىدىغان كامبودژانىڭ تۇنجى نۆۋەتلىك خەلقئارا سانائەت ماشىنىسى ۋە توقۇلما بۇيۇم ئەسلىھەلىرى كۆرگەزمىسى تۈنۈگۈن فنوم پېندا باشلاندى. 10 نەچچە دۆلەت ۋە رايوندىن كەلگەن 150 شىركەت بۇ قېتىمقى كۆرگەزمىگە قاتناشتى. كامبودژا سودا مىنىستىرلىقىنىڭ دۆلەت ئىشلىرى كاتىپى ماتتۇلا مۇنداق دېدى: كىيىم-كېچەك ئىشلەش، ئېكىسپورت قىلىش - كامبودژانىڭ ئاساسلىق ئىگىلىكى. 2011-يىلىنىڭ ئالدىنقى يېرىمىدا، كامبودژانىڭ كىيىم-كېچەك ئومۇمىي ئېكسپورت مىقدارى 1 مىليارد 933 مىليون ئامېرىكا دوللىرىغا يېتىپ، ئوخشاش مەزگىلدىكىدىن %45.42 ئۆسكەن.