كورېيە بىرلەشمە ئاگېنتلىقىنىڭ 5 – يانۋاردىكى خەۋىرىدە، كورېيەنىڭ سابىق زۇڭتۇڭى، 83 ياشلىق كىم يوڭسامنىڭ 5 مىليارد ۋون(تەخمىنەن 30 مىليون يۈەن) قىممىتىدىكى مۈلۈكىنى جەمئىيەتكە ئىئانە قىلىدىغانلىقى ئېيتىلدى. كىم يوڭسام كورېيە زۇڭتۇڭى لى ميوڭباكتىن كېيىن شەخسىي مۈلۈكىنى جەمئىيەتكە ئىئانە قىلىدىغانلىقىنى جاكارلىغان ئىككىنچى زۇڭتۇڭ بولۇپ قالدى.
   كىم يوڭسامنىڭ شەخسىي مال مۈلۈكى، ئاساسلىقى، پايتەخت سېئۇلدىكى تەخمىنەن 1 مىليارد 500 مىليون ۋون قىممىتىدىكى ئۆيى ۋە تۇغۇلغان يۇرتى كوجېدىكى زېمىنىنى ئۆز ئىچىگە ئالىدىكەن. كىم يوڭسام سېئۇلدىكى ئۆيى ۋە كوجېدىكى زېمىنىنى ‹‹كىم يوڭسام دېموكراتىيە مەركىزى››گە ئىئانە قىلىدىكەن. كوجېدىكى قەدىمىي جايىنى شۇ جايدىكى ھۆكۈمەتكە ئىئانە قىلىدىكەن. ئىگىلىنىشىچە، كىم يوڭسام بۇنىڭدىن ئىلگىرى مۈلۈكىنى ئىئانە قىلىدىغانلىقىنى ئېيتقان ھەم بۇلتۇر ئالاقىدار تارماقلارنى زېمىنىنىڭ قىممىتىنى ھېسابلاشقا تەكلىپ قىلغان.
   كىم يوڭسام 1993 – يىلىدىن 1998 – يىلىغىچە كورېيەنىڭ 14 – نۆۋەتلىك زۇڭتۇڭى بولغان، كورېيە سىياسىي سەھنىسىدە زور ئىناۋەت تىكلىگەن.