جۇڭگو ئاخبارات تورىنىڭ 12-ئاپرېل خەۋىرى: چەتئەل ئاخباراتلىرىنىڭ خەۋىرىگە ئاساسلانغاندا، لىۋىيە توپىلاڭچىلىرى 8-ئاينىڭ 11-كۈنى مۇھىم نېفىت بازىرى برېگانىڭ قىسمەن رايونلىرىنى ئىشغال قىلغانلىقىنى جاكارلىغان، بىرلا ۋاقىتتا غەربىي سەپتىكى قىسىملارمۇ زاۋىيەھكە قاراپ ئىلگىرلەپ، پايتەخت تىرىپولى بىلەن بولغان ئارىلىقى ئۇدا يېقىنلىغان.

ھازىرغا قەدەر، توپىلاڭچىلار لىۋىيەنىڭ كۆپ قىسىم رايونلىرى ئىگىلىگەن، ئەمما ئىچكى ئىختىلاپ ۋە ئۇرۇش تەجرىبىسىنىڭ كەمچىل بولۇش تۈپەيلىدىن ئىلگىرلىشى نىسبەتەن ئاستا بولۇپ كەلگەن. 11-ئاۋغۇستتىكى جەڭ غەلبىسى ھۆكۈمەت ئارمىيىسى بىلەن تىركىشىشتىكى ئۇزۇن مۇددەتلىك قاتماللىقنى بۇزىدىغانلىقىنى مۆلچەرلەنمەكتە.

توپىلاڭچىلارنىڭ باياناتچىسى بىلدۈرۈشىچە، ئۇلارنىڭ برېگانىڭ شەرقىي قىسىمىدىكى تۇرالغۇ رايونىنى ئىشغال قىلغان، ئەمما قازافى قىسىملىرى يەنىلا غەربىي رايونىنى كونترول قىلىپ تۇرغان، غەربىي رايونىدا سانائەت ئەسلىھەلىرى بار ئىكەن.

توپىلاڭچىلارنىڭ سۆزى تېخى ئىسپاتلانمىغان. توپىلاڭچىلارنىڭ شەھەرلەرنى ئىشغال قىلغانلىقىنى ئارقىمۇ ئارقا جاكارلىشىغا قارىتا قازافى ھۆكۈمىتى ئىزچىل ئىنكار قىلىپ كەلگەن.

غەربىي قىسىمدىكى تاغلىق رايوندا، توپىلاڭچىلار زاۋىيەھكە 25 كىلومېتىر كېلىدىغان بىر كەنتكە يېتىپ كەلگەنلىكىنى ئېيتقان. زاۋىيەھ بىلەن تىرىپولىنىڭ ئارىلىقى 50 كىلومېتىر كەلمەيدۇ ھەمدە تۇنىسقا تۇتۇشىدىغان ئاساسلىق يول ئۈستىدە.

روسىيە پىرىزدېنتى مېدىۋىدېۋ شۇ جاي ۋاقتى 12-ئاۋغۇست ئىپادە بىلدۈرۈپ، روسىيەنىڭ ب د ت قارارى رامكىسى ئىچىدە ش ئا ئە ت نىڭ لىۋىيەگە ھەربىي ئارىلىشىش ھەرىكىتىنى قوللايدىغانلىقىنى بىلدۈرگەن.

روسىيە ئاخبارات تورىنىڭ خەۋىرىگە ئاساسلانغاندا، كېرمىل سارىيى تورىدا 12-ئاۋغۇست مېدىۋىدېۋنىڭ پىرىزدېنت پەرمانى ئېلان قىلىنغان بولۇپ، ئىنسانپەرۋەرلىك قۇتقۇزۇشتا ئىشلىتىدىغان ئايروپىلانلاردىن باشقا ھەر قانداق لىۋىيە ئايروپىلانىنىڭ روسىيە ھاۋا تەۋەلىكىگە كىرىشىنى چەكلىگەن ھەمدە يەرلىك دائىرىلەرگە لىۋىيە كېمىلىرىدىكى قوراللىق خادىملار ۋە قورال جەھەتتە تەكشۈرۈش ھوقۇقىنى بەرگەن.

روسىيە پىرىزدېنتىنىڭ بۇيرۇقىدا روسىيە كارخانىلىرىنىڭ لىۋىيە رەھبىرى قازافى ۋە جەمەتىدىكى باشقا ئەزالىرىنىڭ مال-مۈلكىگە چېتىلىدىغان ھەر قانداق سودىنى قىلىشىنى چەكلىگەن.