ئۇسلۇبلار بلوگى قانداق بلوگ؟…

بىزدە بلوگلار ناھايىتى كۆپ، ئەمما بىر كەسپىيلەشكەن بلوگ ناھايىتى ئاز. ئۇسلۇبلار بلوگى بولسا، مەخسۇس ئۇيغۇرچە ئۆزلەشتۈرۈلگەن ھەر خىل WordPress ئۇسلۇبلىرىنى يىغىپ، تارقىتىدىغان؛ ھاجەتمەنلەر ئۈچۈن ئۇسلۇب ئۆزلەشتۈرۈپ بېرىش، ئوڭشاپ بېرىش، ئىقتىدار قوشۇپ بېرىش، WordPress ھەققىدە مەسلىھەت ۋە ياردەم، زۆرۈر تېپىلسا ھەقلىق مۇلازىمەت قىلىش قاتارلىق مۇلازىمەتلەرنى ئۆز ئۈستىگە ئالغان كەسپىيلەشكەن ئۇسلۇب بلوگى.

ئۇسلۇبلار بلوگى نېمىشقا قۇرۇلدى؟…

WordPressنىڭ بىزدە ئۇمۇملىشىشىغا ئەگىشىپ، نۇرغۇنلىغان يېڭى ھەۋەسكارلار ئاجايىب بىر خىل قىزغىنلىقتا ئۇيغۇر بلوگگېرلار قوشۇنىغا قوشۇلماقتا. ئەمما، بىر قىسىم بلوگگېرلار ئۆزى ياقتۇرغۇدەك ئۇسلۇب تاپالماي ياكى يارىغۇدەك ئۇسلۇب تاپسىمۇ ئۇيغۇرچە كۆرسۈتۈشتە، ئۆزلەشتۈرۈشتە قېينالماقتا. گەرچە،بىزدە ئۇيغۇربەگ تور تۇرايى، پرېستان بلوگى، ئەلشات ئۇسلۇب قانىلىدەك ئۇسلۇب تارقىتىپ كېلىۋاتقان بلوگلار بار بولغان، يەنە بەزى بلوگگېرلار بولسا، ئۆزلىرى ئۇسلۇب ئۆزلەشتۈرۈپ تارقاتقان بولسىمۇ، ئاشۇ ئۇسلۇبلارنى يىغىپ، تورداشلارغا قولايلىق يارىتىپ بېرىدىغان مۇھىت ھازىرلانمىغان. شۇڭا، ئاشۇ بلوگگېرلارنىڭ ئۇسلۇب تېپىشىغا قولايلىق يارىتىپ بېرىش ئۈچۈن؛ ئاشۇ بلوگگېرلارنىڭ ئۆزلەشتۈرگەن ئۇسلۇبلىرىنى تارقىتىشقا مۇھىت ھازىرلاپ بېرىش ئۈچۈن مەزكۇر بلوگ قۇرۇلدى.

مەزكۇر بلوگنى كىملەر قۇردى؟…

مەزكۇر بلوگ – نۆۋەتتە ئۇيغۇر بلوگچىلىقى ئۈچۈن توختىماي ئىزدىنىۋاتقان، ھەمدە بۇ ساھەدە بەلگىلىك نەتىجە يارىتىۋاتقان بلوگگېرلاردىن ئۇيغۇربەگ تور تۇرايىدىن ئۇيغۇربەگ ۋە پرېستان، ئەلشات بلوگىدىن ئەلشات قاتارلىق بلوگگېرلار ھەمكارلىشىپ قۇردى. ئەمما، بلوگىمىز ئۇسلۇب ئۆزلەشتۈرۈپ تارقىتىش ئويى بار ياكى ئۆزلەشتۈرگەن ئۇسلۇبىدىن كىرىم قىلىشنى خالايدىغان تورداشلارغا يازما يوللاش مۇھىتى ھەم ھازىرلاپ بەرگۈسى.

مەزكۇر بلوگدىكى ئۇسلۇبلار نەدىن كەلدى؟…

مەزكۇر بلوگدىكى ئۇسلۇبلار- بلوگ ئاپتورلىرىنىڭ تەڭشىگەن ئۇسلۇبلىرىدىن، شۇنداقلا تورداشلار خالىسانە تەمىنلىگەن ئۇسلۇبلاردىن تەركىپ تاپىدۇ.

بىزمۇ مەزكۇر بلوگدا ئۇسلۇب ئېلان قىلالامدۇق؟…

شۇنداق، سىز ئۆزىڭىز ئۆزلەشتۈرگەن ۋە ياكى ئىجاد قىلغان ئۇسلۇبلىرىڭىز تارقاتماقچى بولسىڭىز، بلوگ ئاپتورلىق ھوقۇقىغا ئېرىشىپ ياكى بلوگىمىز تەمىنلىگەن قېلىپ بۇيىچە مەزمۇن تولدۇرۇپ،ئۇسلۇبنى بىزگە يوللاپ بەرسىڭىز  بولىدۇ. ياكى، ھەقلىق تارقاتماقچى بولسىڭىز، شۇنىڭ باھاسى ۋە ئۇسلۇب ئۇچۇرلىرىنى تۇلۇق توشقۇزۇپ بەرسىڭىز، سىز ئۈچۈن ئېلان قىلىپ بىرىمىز. بۇنىڭ ئۈچۈن سىزدىن ھىچقانداق ھەق تەلەپ قىلمايمىز.

نېمىشقا ئۇسلۇب بىر بلوگ ئۈچۈن مۇھىم بولىدۇ؟…

بلوگ بىلەن بلوگ ئۇسلۇبىنىڭ مۇناسىۋىتى خۇددىي ئادەم بىلەن كېيىمنىڭ مۇناسىۋىتىگە ئوخشايدۇ. يەنى، بلوگنىڭ ئۇسلۇبىدىن بلوگ ئاپتورىنىڭ سالاھىيىتىنى مىجەز-خاراكتىرىنى، قىزىقىشىنى بىلىۋالغىلى بولىدۇ،  گەرچە، بۇ گەپ مۇتلەق قىلىپ ئېيتىلغان بولسىمۇ، ئەمما، ئۇسلۇبمۇ بىر بلوگ ئۈچۈن ياخشى ئويلاشمىسا بولمايدىغان ئامىل. يەنى، بىر بلوگنىڭ خاراكتىرى چۇقۇم ئۇسلۇب بىلەن ماسلىشىشى كېرەك، يازغۇچى-شائىرلارنىڭ ئىشلىتىدىغان ئۇسلۇبى بىلەن مۇزىكانت-ناخشىچىلارنىڭ ئۇسلۇبى ئوخشاشمايدۇ. بۇنىڭدەك مىساللار ناھايىتى نۇرغۇن.

نېمىشقا ھەقسىز ئۇسلۇب تارقىتىمىز؟…

بەزەن ئۇسلۇبلار – مەيلى قۇرۇلما جەھەتتىن بولسۇن، مەيلى ئىقتىدار جەھەتتىن بولسۇن بىر قەدەم ئاددىي، ئۆزلەشتۈرۈشكە كەتكەن ۋاقىت بىر قەدەر ئاز، شۇڭلاشقا بۇنداق ئۇسلۇبلارنى ھەقسىز تارقىتىمىز. ئەمما، ھەقسىز تارقاتقان ئۇسلۇبلارنىڭ ھەممىسىنىڭ ‹‹ناچار›› بوپ كېتىشى مۇمكىن ئەمەس، چۈنكى بىزمۇ ئاشۇ ئۇسلۇب دېڭىزىدىن ئىزدەپ يۈرۈپ، ئىقتىدار كۈچلۈك، ئامال بار بىزنىڭ توربەت ئۆلچىمىمىز ۋە گۈزەللىك قارىشىمىزغا ياقىدىغان ئۇسلۇبلارنى تاللاپ چىقىمىز.

نېمىشقا ھەقلىق ئۇسلۇب تارقىتىمىز؟…

شۇنداق، بەزى قېيىنلىق دەرىجىسى يۇقىرى ئۇسلۇبلارنى ئۆزلەشتۈرۈش داۋامىدا بىزنىڭ كۆپ ۋاقتىمىز شۇنداقلا كۆپ زېھنىمىز كېتىشى مۇمكىن. بىزمۇ مەكتەپتە ئوقۇۋاتقان ستۇدېنت، بىز ئۈچۈن ئۇسلۇب ئۆزلەشتۈرۈشكە كەتكەن ۋاقىتنى ئۆگىنىشگە ئىشلىتىش ھەم مۇھىم، شۇڭلاشقا، ھىچ بولمىسا كەتكەن ۋاقتىمىز ئۈچۈن بولسىمۇ ئازراق كىرىم قىلىشنى مەقسەت قىلىمىز. شۇنىڭ ئۈچۈن بەزى ئۇسلۇبلارنى تاللاپ ياكى بىۋاستە ھەقلىق ئۇسلۇبلارنىڭ ئاپتورى بىلەن كۆرۈشۈپ ئۇلاردىن تارقىتىش ھوقۇقىنى سېتىۋالغاندىن كېيىن، ئۆزلەشتۈرۈپ ئامال بار ئەرزان باھادا تەمىنلەيمىز.

بۇيرۇتقان ئۇسلۇب ئىگىلىرىگە قانداق مەجبۇرىيىتىمىز بار؟…

بلوگىمىزدا ئۇسلۇب بۇيرۇتقانلار- يەنى ئۆزى تاپقان ياكى بىز تەۋسىيە ئۇسلۇبلارنى بىزگە ئۆزلەشتۈرۈپ بېرىشكە ھاۋالە قىلغاندىن كېيىن، مۇناسىۋەتلىك ھەقنى تۆلىگەندىن كېيىن، بەلگىلەنگەن مۇددەت ئىچىدە ئۇسلۇبنى پۈتتۈرۈپ تەييار قىلىپ بېرىمىز. ئۇسلۇب ئىگىسى – مەزكۇر ئۇسلۇبنىڭ بارلىق ھوقۇقىغا ئىگە، يەنى بۇيرۇتقان ئۇسلۇبنى ساقلاش ياكى تارقىتىش ھوقۇقىغا ئىگە، بىز بۇ ئۇسلۇبلارنى ئىككىنچى بىر كىشىگە تارقاتمايمىز ياكى ئۆتكۈزۈپ بەرمەيمىز، ئەمما، باشقا تورداشلار ئوخشاش ئۇسلۇبنى ئۆزى ياكى باشقىلارغا تەرجىمە قىلغۇزۇپ ئىشلەتسە بۇ ئىشقا بىز ئارا تۇرالمايمىز.

ھەقلىق ئۇسلۇب سېتىۋالغانلارنىڭ قانداق مەجبۇرىيىتى بار؟…

بلوگىمىزدىن ھەقلىق ئۇسلۇب سېتىۋالغانلار بىزنىڭ رۇخسىتىمىزسىز ھەقلىق ئۇسلۇبلارنى باشقىلارغا تارقىتىشىغا ۋە سېتىۋېتىشىگە بولمايدۇ، بلوگىمىز پەقەت ئۇسلۇبنىڭ ئىشلىتىش ھوقۇقىنىلا بېرىدۇ. ناۋادا، تارقىتىش ھوقۇقىنى تەلەپ قىلسا، سۈلىھلىشىپ باھادا كىلىشكەندىن كېيىن، ئۇسلۇبنىڭ تارقىتىش ھوقۇقىنى ئۆتكۈزۈپ بېرىدۇ. بلوگىمىز ئۇ ئۇسلۇبنى باشقا بىر كىشىگە داۋاملىق ساتمايدۇ.

ئۇسلۇبلار بلوگىدىن چۈشۈرگەن ياكى سېتىۋالغان ئۇسلۇبلارغا نىسبەتەن بىزنىڭ قانداق ھوقۇقىمىز بار؟…

ھىچقانداق ھوقۇقىمىز يوق. ئۇسلۇبلار بلوگىدىن ئۇسلۇب چۈشۈرگەندىن كېيىن، تورداشلار ئۆزىنىڭ ئىھتىياجىغا ئاساسەن ئۇسلۇبقا ئۆزگەرتىش كىرگۈزسە بولىدۇ، ئەمما، ئۇسلۇب ئاستىدىكى ئاپتور ھوقۇقى ھەمدە ئۆزلەشتۈرگۈچىگە ئائىت مەزمۇنلارنى ئۆچۈرۈۋېتىشىگە، شۇنداق ئۆزگەرتىۋېتىشىگە بولمايدۇ. بلوگىمىزدىكى مۇناسىۋەتلىك ئاپتورلارنىڭ رۇخسىتىسىز ئۆزىنىڭ نامىدا باشقا مەنبەلەردە ھەم ئېلان قىلىۋەتسە بولمايدۇ.

كامالىي ئىھتىرام بىلەن:

ئۇسلۇبلار بلوگى باشقۇرۇش ھەيئىتى

ئاخخردا بىزنى قوللاپ ئۇسلۇبلار بلوگىنىڭ تىخىمۇ گۈللەپ تەرەققى قىلىشىغا بىر كىشىلىك تۆھپىسىنى قوشۇشنى ئويلايدىغان دوستلارنىڭ تۆۋەندىكى ئىلان تەشۋىقات رەسىملىرىنى بلوگىغا قويۇش ئارقىلىق بىزنى قوللاپ بىرىشىنى سەمىمى ئۈمىد قىلىمىز.