مۇشۇ تور ساھەسىدە يۈرگەنلەرنىڭ كۆپىنچىسى ئوبدان بىلىدۇ، ئۇيغۇر ئىسىملىرىنىڭ ئىسىم بىلەن فامىلە ئارلىقىدا بىر دانە چىكىت بار، بۇ چىكىت بىزنىڭ كۆپ ئىشلىرىمىزغا توسالغۇ بولىۋاتىدۇ، توردىلا ئەمەس بەلكى جەمىيەتتىمۇ ھەرقانداق ئىشلىرىمىزغا ھەقىقەتەن توسالغۇ بولىۋاتىدۇ، شەخسەن ئۆزۈممۇ بۇ مەسىلىگە تولا يولۇققان ئىدىم، تۈنۈگۈن بىرسى توردىن بانكا كارتامغا پۇل سىلىپ بىرىدىغان ئىش چىقىپ پۇل سىلىپ بەرمەكچى بولۇپ ئىسمىمنى يازغاندا يەنە ئاشۇ چىكىت مەسىلىسىدىن بۇ پۇلنى سىلىشقا ئامال بولمىدى، ئاچچىقىم كىلىپ بىر ئىتىشاي دەپ بۇ مەسىلىنىمۇ ھەل قىلىۋەتتىم، بەلكىم بۇ 100% ھەل قىلىش ئۇسۇلى ئەمەستۇ، لىكىن مەن مۇشۇ ئۇسۇلىم بويىچە ئاشۇ بانكىدا پۇل سالالمىغان ئەھۋالنى ئوڭشاپ مۇۋەپپىقىيەتلىك سالالىدۇق، مانا مۇشۇ ئۇسۇلنى دوستلىرىمىزغىمۇ دەپ بەرسەم مۇشۇ مەسىلىگە يولۇقۇۋاتقان دوستلىرىمىزغا ئازراقمۇ بولسا پايدىسى بولۇپ قالار دىگەن ئۈمىدتە بۇ يازمىنى يىزىپ ئولتۇرۇپتىمەن،

قىنى ئۇنداقتا نەخ گەپكە كىلەيلى:

مىنىڭ قارىشىمچە بىزنىڭ كىملىكلىرىمىزنىڭ ھەممىسىينىڭ ئاساسەن دىگۈدەك چىكىت ئاستىغا قويۇلماي ئوتتۇرغا قويۇلغان، لىكىن بىز ئادەتتە كۇنۇپكا تاختىسىدا چىكىتنى ئوتتۇرغا ئەكىلەلمەيمىز، ئەكىسچە بىز قويغان چىكىت ئاستىدىراق بولىدۇ، ئاندىن بىز ئاستىغا قويۇلغان چىكىتلىك ئىسىمنى سىستىمىلارغا ۋە تورلاردا ئىشلەتسەك خاتالىق ئۇچۇرى چىقىۋالىدۇ، شۇڭا بىز ئاشۇ چىكىتنى ئەسلى كىملىكتىكى بويىچە ئوتتۇرغا قويغىنىمىزدا بۇ ئۆتكەللەردىن مۇۋەپپىقىيەتلىك ئۆتەلەيمىز،

خوش ئۇنداقتا مۇشۇ ئوتتۇرغا كىلىدىغان چىكىتنى بىز قانداق قىلىپ چىقىرىمىز، مانا بۇ بۈگۈنكى سۆزلىمەكچى بولغان مەسىلە،

بۇنى چىقىرىش ئۈچۈن بىز بىردانە خەنزۇچە خەت بىسىش قۇرالىغا ئىھـىياجلىق بولىمىز، يەنى ئادەتتىكى 搜狗 （sogou) ياكى QQ نىڭ خەنزۇچە خەت بىسىش قۇرالىندىن پايدىلىنىمىز، ئادەتتىكى ئەھۋالدا بۇ قۇراللار قاچىلاقلىق بولىدۇ،

ئەمدى بىز ctrl+shift كۇنۇپكىسىنى باسىمىز باسساق خەنزۇچە خەت بىسىش ھالىتىگە كىلىدۇ، ئاندىن كىيىن بىز ctrl+shift+k بۇ 3 كۇنۇپكىنى بىراقلا باسىمىز، ياكى ئاشۇ خەت بىسىش قۇرالىنىڭ كۆرۈنۈپ تۇرغان كىچىك خەت تاللاش تەڭشەش رايۇنىنىڭ ئۈستىگە مائۇسنى ئەكىلىپ رەسىمدىكى يەرنى تاللايمىز.

、ئاندىن مۇنداق بىر كۇنۇپكا تاختىسى پەيدا بولىدۇ، بۇنىڭ ھەممىسى ھەرىپ ۋە بەلگىلەر.

مۇشۇ كۇنۇپكا تاختىسىدىكى 9 نۇمۇرلۇك كۇنۇپكىنى مائۇس ياكى كۇنۇپكا تاختىسى ئارقىلىق باسسىڭىز بولىدۇ، باسسىڭىز دەل ئاشۇ بىزنى ساراسىمىگە سالغان ئوتتۇرغا كىلىدىغان چىكىت چىقىدۇ، ئەمدى سىز خەنزۇچە ئىسمىڭىزنى توردا خاتىرجەم ئىشلەتسىڭىز بولىدۇ، چۈنكى مەن مۇشۇنداق قىلىپ مۇۋەپپىقىيەت قازاندىم، شۇڭا دوستلىرىمىزغا بۇنى يوللىدىم. قىنى سىناپ بىقىڭلار چوقۇم غەلبە قازىنىپ تەس ئىشلىرىڭلار ئاسان بولۇپ كىتىدۇ،

بۇنىڭ يەنە بىرخىل ئاسان ئۇسۇلىمۇ باركەن، سىزخەنزۇچە يىزىقنى تاللاپ تۇرۇپ tabكۇنۇپكىسىنىڭ ئۈستىدىكى يەنى 1نىڭ يېنىدىكى كۇنۇپكىنى باسسڭىز دەل ئوتتۇردىكى چىكىت چىقىدىكەن.

يازمىنى كۆچۈرسىڭىز مەنبەنى ئەسكەرتىڭ، بۇ كۆچۈرۈلمە يازما ئەمەس، ئەلشات ئۆزى يازغان يازما.

ئەگەر بۇ يازمىمىزدىن سىزگە ئازراق ئوڭۇشلۇق ۋە ياردىمىم تەگكەن بولسا مەن شۇنىڭدىن خۇشال، ئاخىردا دوستلارنىڭ كەمىنىنى قوللاپ ئىلانلارنى بىر قىتىم چىكىپ قويۇشىنى سەمىمى ئۈمىد قىلىمەن ھى ھى ھى! قىلىنلىق بىلەن دەۋەردىمغۇ، دوستلارنى ئۆز كۆرۈپ.