بۈگۈن جۇمە، كومپىيۇتىر ئالدىدا بەك ئالدىراش بولۇپ كىتىپ نامازغا سەل كىچىكىپ قاپتىمەن، جەينىمازنى كۆتۈرۈپلا چوڭ بازار مەسجىدكە باردىم ،بارسام سىرتىدىن يەنە چوڭ بازار مەسجىدنىڭ يىنىدا بىر بوش يەر بار، شۇ يەردىن ئورۇن تىگىپتۇ، بۇ بوش ئورۇننىڭ ئالدى تۆمۇر توساق بىلەن ئىتىۋىتىلگەن، شۇ يەردە ئولتۇردۇم، سۈننەتنى ئوقۇپ بولۇپ پەرىز ئارلىقىدىكى خۇتبىنى تىڭشاپ ئولتۇراتتۇق، لىكىن تازا ئىنىق ئاڭلىغىلى بولمايتى، ئالدىمدا چوڭ بازارنىڭ كەررىفورنىڭ ئالدىغا كىلىپ كىتىدىغان ماشىنىلارنىڭ توختاش ئىشلىرىغا مەسئۇل ئىككى ئامانلىق قوغدىغۇچىنىڭ ئالدىمزدا كىشىلەرنى ئۆتكىلى قويماي ھەممىسىنى بىر چەتكە ھەيدەۋاتقانلىقىنى كۆردۈميۇ ئەممە تازا دىققەت قىلماپتىمەن، بىر ۋاقىتتا خىلى يىراقتا تۇرغان ئامانلىق قوغدىغۇچى بالا يەنە بىر بالىغا ئۈنلۈك ۋارقىردى، ئوقۇل بالا بولغانكىن جاڭ جۇڭ گەپ قىلىپ ئاۋۇ ياقتىن كەلگەن ئادەملەرنى توسۇپ ئۆتكىلى قويما دەپ ئۇ بالىغا بۇيرۇق چۈشۈردى، شۇ ۋاقىتتىلا بۇ ئىككى دوستىمىزنىڭ نىمە ئىش قىلىۋاتقانلىقىنى بىلدىم، ئەمەلىيەتتە ئۇ كىشىلەر ئۆتىۋەرسە بولاتتى، چۈنكى ئالدىمىزدا توساق بار ئىدى، لىكىن بۇ ئىككى دوستىمىز دىنىمىزنى كاپىر بىلەن مۇسۇلماننى پەرىقلىق ئايرىپ تۇردىغان بۇ ئۇلۇغ نامىزىمىزنى ھۆرمەتلەپ شۇ كىشىلەرنىڭ ھەممىسىنى ئالدىمىزدىن ئۆتۈشكە روخسەت قىلماي تاكى بىز پەرىزنى ئوقۇپ نامازدىن قايتقۇچە ئىككى دوستىمىز ئالدىمىزدىن ئادەم ئۆتۈشكە روخسەت قىلمىدى، خەنزۇلار بولسا ،ئا، دەپ ھەيران قىلىشتى، گەرچە ئۇ ئىككى دوستىمىز ناماز ئوقۇمىسىمۇ يەنىلا بىزنىڭ بۇ ئۇلۇغ دىنىمىزگە ھۆرمەت قىلىپ نامىزىمىزنىڭ ياخشى ئادا بولۇشىغا پۇرسەت يارىتىپ بەردى، بىلىشىمچە ئۇ بالىلارنى چوڭ بازار ئامانلىق قوغداش ھەيئىتىدىن ئاشۇنداق قىل دەپ بۇيرىمىغان، شۇنداق تۇرۇپ ئۇلار ئۇلۇغ نامىزىمىز ئۈچۈن ئازراق بولسىمۇ كۈچ چىقاردى ،نىمىلا بولمىسۇن ئۇمۇ بىر مۇسۇلماننىڭ پەرزەنتى ياكى ئەۋلادى، نىمىلا بولمىسۇن بىز مىللەتداش، پەرىز ناماز ئوقۇلغىچە شۇلارنىڭ شۇ ئىشىدىن شۇنداق سۆيۈنۈپ خۇشال بولۇپ شۇلارنىڭ ئاشۇ ئىشلىرىغا قاراپ ئولتۇرۇپتىمەن، شۇ ۋاقىتتا شۇ قىرىندىشىمىزنىڭ كۆڭلىگە ئىنساب تىلەپ ئاللاھدىن ھىدايەت ئاتا قىلىشى ئۈچۈن بىر دۇئا قىلىپ قويىمەن دەپ كۆڭلۈمگە پۈتكەن ئىدىم، ئەپسۇس پەرىزدىن كىيىن سوغۇق يەردە دەسسەپ تۇرۇپ پۇتۇم توڭۇپ پەرىز تۈگەپ بولىشىغىلا تىزلا دۇئا قىلىپ ئورنۇمدىن تۇرۇپ كىتىپتىمەن، ئاللاھ خالىسا شۇ قىرىندىشىمىز ئۈچۈن بىر دۇئا قىلىمەن، نامازدىن قايتىپ چىقىپ شۇ دوستۇمنىڭ چىرايىغا سۆيۈنگەن شۇلاردىن خۇشال بولغان مەنادا نەچچە قاراپ ئۆتۈپ كەتتىم، ئۇبالىمۇ ماڭا قاراپ ئۆزىدىن سۆيۈنگىنىمنى بىلدى دەپ قارىدىم. بۇ بىر كىچىككىنە ئىش، بۇنىڭدىن باشقا دىنىمىز ئۈچۈن خىزمەت قىلىۋاتقان كۆپ قىرىنداشلىرىمىز بار شۇلارغىمۇ دۇئا قىلىمىز، شۇ قىرىنداشلىرىمىزنىڭ ئىشلىرىغا ئاسانلىق ساق سالامەتلىك ئائىلىسىگە بەركەت تىلەيمىز. ئاللاھ رەھمەت قىلسۇن! ئامىن!