پاتىخ مۇسلىموفنىڭ قوراللىق گۇرۇپپىسى نىلقا ناھىيىسىنىڭ شىمالىدىكى شەرىقتىن غەرىپكە سوزۇلغان كۆك قامىر تېغىنىڭ كۈنگەي تەرىپىدىكى تۈزلەڭلىككە جايلاشقان ئۇلاستاي قىشلىقىغا بېرىپ ، ئەكبەر باتۇر ، سىيېت باتۇر ، غېنى باتۇر ( غېنى ئۇغرى ) ئىۋان شۇتۇۋ ، مولداجان ، ناۋان قاتارلىق ئەزىمەتلەر بىلەن بىرلىشىپ ، قوراللىق كۈرەشنى باشلىدى . ئۇلار ھەركەت باشلاشتىن ئىلگىرى ئۇلاستاي ۋە ئۇنىڭ ئەتراپىدىكى قىشلاقلاردا ئاممىغا تەشۋىق قىلىپ ، ئۇلارنى قوراللىق كۈرەش قىلىشقا تەشكىللىدى . نىلقا پارتىزانلىرىغا پاتىخ مۇسلىمۇۋ ، ئەكبەر ، غېنىلار باشچىلىق قىلدى . ئىنقىلابىي ھەركەتنىڭ باشلانغانلىقىنى بىلگەن گۇمىنداڭ تەرەپ ئۇلارنى تۇتۇش ئۈچۈن ئۇلاستايغا 30 ئەسكەر ئەۋەتتى . 1944 - يىلى 10 - ئاينىڭ 10 - كىنى ( رۇزا ھىيت نامىزى كۇنى ) پارتىزانلار تۇنجى قىتىم گومىنداڭ ئەسكەرلىرىگە قارشى جەڭ قىلىپ ، ئۇلارنى تارمار قىلدى . بۇ جەڭدىن كېيىن خەلقنىڭ قوراللىق كۈرەش قىزغىنلىقى تېخىمۇ يۇقىرى كۆتۈرۈلدى . ئىككىنجى قېتىملىق ئاساسلىق جەڭ نىلقا ناھىيە بازىرىغا ھۇجۇم قىلىش جېڭى بولدى . بۇ جەڭدە 500 گە يىقىن ئاتلىق پارتىزان قاتناشتى . پارتىزانلار 10 - ئاينىڭ 23 - كۇنى نىلقا ناھىيە بازىرىنى ئازات قىلدى . گۇمىنداڭ داھىرلىرى چۆچۈپ كېتىپ ، غۇلجىدىكى ھەربىي كۈچلىرىنى كۆپلەپ يۆتكەپ ، ئارقا - ئارقىدىن نىلقىغا ئەۋەتىپ ، نىلقا ناھىيەسىگە توت تەرەپتىن ھۇجۇم قىلدى . نىلقا ناھىيە بازىرىنى تارتىۋالدى . ئەنە شۇنداق جىددى جەڭ بولۇۋاتقان كۈنلەردە غۇلجىدىن ئادەم كېلىپ 11 - ئاينىڭ 6 - كۈنى غۇلجىغا بېرىپ ، 11- ئاينىڭ 7 - كۈنى شەھەرگە ھۇجۇم قىلىشنى ئۇقتۇردى . شۇ كۇنى 1000 دىن ئارتۇق ئاتلىق پارتىزان ( 350 چە پارتىزاندا ھەر خىل قورال ياراق بار ) مازاردىكى گۇمىنداڭ قىسىملىرىنى ئوققا تۇتۇپ يول ئېچىپ ، تاغ يولى بىلەن غۇلجىغا قاراپ ئاتلاندى . 11 - ئاينىڭ 7 - كۇنى شەرقتىن نىلقا پارتىزانلىرى ، غەرىپتىن قورغاس پارتىزانلىرى غۇلجا شەھەردىكى قوزغۇلاڭغا تەييارلىق كۆرۈپ قويغان خەلق ئاممىسى بىلەن بىرلىكتە ئۈچ كۈن جەڭ قىلىپ ، غۇلجا شەھىرىنىڭ ئاساسلىق قىسمىنى گومىنداڭدىن ئازات قىلدى . غۇلجا شەھىرىدىكى ھەرەمباغ ، ئايدۇرۇمىغا قېچىپ كىرىۋالغان گومىنداڭ قۇشۇنلىرى 1945 - يىلى 1 - ئاينىڭ 29 - كۈنى ئاخىرى تارمار بولۇپ ، غۇلجا شەھىرى تولۇق ئازات بولدى . نىلقا تاغلىرىدىن باشلانغان ئىنقىلاب ئىلى ، ئالتاي ، تارباغاتاي ۋېلايەتلىرىگە كىڭىيىپ . 1945-يىلى9-ئاينىڭ 16 - كۇنىگە كەلگەندە ، بۇ ئۈچ ۋېلايەتنىڭ 27 ناھىيىسى تولۇق ئازات بولدى . ئالمىزار تورى (تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
