مۇھەببەت ۋە تۇققاندارچىلىق(2)

-سەن ئۆزۈڭنىڭ ئۇنى ھەقىقەتەن ياخشى كۆرىدىغانلىقىڭنى ،بۇ دۇنيادا ئۆزۈڭنىڭ ئۇنى ئەڭ ياخشى كۆرىدىغان ئادەم ئىكەنلىكىڭنى جەزىملەشتۈرەلەمسەن؟
يىگىت قىلچە ئىككىلەنمەيلا جاۋاپ بەردى:
-ئەلۋەتتە.
دانىشمەن دېدى:
-سىنى تەبرىكلەيمەن!سېنىڭ ئۇنىڭغا بولغان مۇھەببىتىڭ يېتىلگەن ،ئاقىلانە،سەمىمىي ۋە چوڭقۇر مۇھەببەت ئىكەن.
يىگىت ئەجەپلقنىپ سورىدى:
-شۇنداقمۇ؟
دانىشمەن سۆزىنى داۋام ئەتتى.
-ئۇ بۇ دۇنيادىكى ئەڭ چىرايلىق قىز بولمىسىمۇ،لېكىن سىن ئۇنى شۇنداق ياخشى كۆرىدىكەنسەن.بۇ سېنىڭ ياخشى كۆرىدىغىنىڭ ئۇنىڭ ياشلىقى ۋە ھۆسىن جامالى ئەمەسلىكىنى چۈشەندۈرۈپ بىرىدۇ.بىلىشىڭ كېرەككى،گۈل ھامان سۇلىدۇ،ھەر قانداق گۈزەلمۇ قېرىيدۇ،سېنىڭ ئۇنىڭغا بولغان مۇھەببىتىڭ بۇ يۈزەكى نەرسىلەردىن ،ۋاقىت-زاماندىن ھالقىپ كېتىپتۇ.سەن ئۇنىڭ ئۆزىنى،ئۇنىڭ خاس قەلبىنى ياخشى كۆرىدىكەنسەن.
يىگىت ئۆزىنى باسالماي دېدى:
-شۇنداق،مەن ھەقىقەتەن ئۇنىڭ پاكلىقى ،ئاقكۆڭۈللىكى ،سەبىيلىكىنى ياخشى كۆرىمەن.
دانىشمەن كۈلۈپ قويۇپ شۇنداق دېدى:
-ۋاقىتنىڭ سىنىقى سېنىڭ مۇھەببىتىڭ ئۈچۈن ھېچ گەپ ئەمەس.
يىگىت سورىدى:
-نېمىشقا ھازىر ئىككىمىز بىللە ئۆتىۋاتقاندىن بۇيان بىزدە ئىلگىرىكىدەك قايناق مۇھەببەت قالمايدۇ،بەلكى بىر-بىرىمىزگە ئىجىل بوپقالىمىز؟
دانىشمەن دېدى:
-بۇ شۇنىڭ ئۈچۈنكى ،ھازىر سەن قەلبىڭدە مۇھەببەتنى تۇققاندارچىلىق مېھرىگە ئايلاندۇرۋالدىڭ.
يىگىت بېشىنى سىلاپ تۇرۇپ دېدى:
-تۇققاندارچىلىق مېھرىگە؟!
دانىشمەن سۆزىنى داۋام ئەتتى:
-مۇھەببەت مەلۇم دەرىجىگە يەتكەندە،ئۇ تۇققاندارچىلىق مېھرىگە ئايلىنىپ قالىدۇ.سەن ئۇنى ھاياتىڭنىڭ مۇھىم بىر قىسمى دەپ بىلىسەن،شۇنىڭ بىلەن قەلبىڭدە كەڭ قورساقلىق ۋە چۈشنىش كۆپىيىدۇ.چۈنكى،تۇققاندارچىلىق مېھرىنى سەن بۇ دۇنياغا كۆز ئاچقان چاغدىن باشلاپلا ،سىنىڭ دىلىڭغا سالغان ،سەن تۇققاندارچىلىق مېھرىدىن باشقىنى تاپالمايسەن،سەن تۇققاندارچىلىق مېھرىگە ماسلىشىشىڭ،ئۇنى شەرىتسىز قوبۇل قىلىشىڭ،ئۇنىڭغا مەسئۇل بولۇشۇڭ،ئۇنىڭغا ياخشى مۇئامىلە قىلىشىڭ كېرەك.
يىگىت سەل ئويلېنىۋىلىپ بېشىنى لىڭىشتتى ۋە دېدى:
-تۇققاندارچىلىق مېھرى ھەقىقەتەن مۇشۇنداق بولىدۇ.
دانىشمەن كۈلۈپ قويۇپ دېدى:
-مۇھەببەت بىر-بىرىنى ياقتۇرۇپ قېلىشتىن باشلىنىدۇ،كۆڭلى چۈشكەنلىكى ئۈچۈن مۇھەببەتلىشىدۇ،بىر-بىرىدىن ئايرىلالمىغانلىقى ئۈچۈن توي قىلىدۇ.بىر-بىرىگە كەڭ قورساق بولغاندا،بىر-بىرىنى چۈشەنگەندە،بىر-بىرىگە ئادەتلەنگەندە ۋە ماسلاشقاندا،ئاندىن مەڭگۈ قول تۇتۇشۇپ ،مەڭگۈ بىللە ئۆتكىلى بولىدۇ.

مەنبە:«ھاياتلىق ژۇرنىلى

(تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.)