دەريانىڭ كۆز يېشى  ئاقارغان تاڭلارنىڭ ئەسنەشلىرىدە ، ئۇيقۇسىز دەريا. ئەللەيگە قانمىغان بوۋاقتەك، تاشلارغا ئۇرۇلۇپ ئىزغا ئەگىشىپ، ياشلىق كۆزلىرىدە، ئىزدەپ كەتتى بىر تال يوپۇرماقنى، غازاڭ پەسلى، ئۇ غازاڭ ئەمەس بەلكى. دەريا باغرىغا چېكىلگەن نەقىش، قىرغاققا ئۇرۇلۇپ، يىلتىزغا يامىشىپ، جىمجىت، سىڭمەكتە تۇپراقنىڭ بىنەملىرىگە. ئېزىقىپ كەتتى، تۇمانلارنىڭ غۇۋالىقىدا، نەشە چېكىۋالغان قۇش، خىروئىن ئۇرۇۋالغان قۇش. ئەسلى ئۇ يوپۇرماق ئەمەس، دەريانىڭ كۆز يېشى، قېنى، تومۇرى ئىدى ئەسلى. تومۇز پەسلى كۆكتىن تامچىغان، بۇلۇتنىڭ ئەمەس ،كۆك، ئاينىڭ ئەمەس. ئۇ دەل دەريانىڭ كۆز يېشى ئىدى ئەسلى. باھار پەسلىدىكى توپان بالاسى. گۈلدۈرماما، كۆمتۈرۈلگەن زىمىن، ئۇ دەريانىڭ ئېچىنىشلىق نالىسى. ئۇنىڭ قورسىقى ئاچتى، ئۇسسىدى ھاردى. چارچاشتىن خامۇشلۇق كېسىلى بولدى، سەۋرنىڭمۇ چېكى بار . تېشىپ قەھرى ،تولدى پەيمانى، ئەمما ،يوقتۇر ئەس-يادى. يۈرىكىگە .قېنىغا قىيمىغان دەريا، قەتلى قىلدى بىر جاننى، دېڭىزنىڭ بالىسى تاشتىن ھالقىغان. بۇ ئۇدۇم ئەمەس ئىدى ئەسلى. ( لىرىكا خاتىرلىرىدىن) (تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
