ئەنگلىيە ‹‹ شەھەر گېزىتى ›› نىڭ 20-يانۋاردىكى خەۋىرىگە قارىغاندا، يېقىندا بىر ئەر نەچچە قۇر دۇبۇلغا ۋە ساۋۇت لايىھەلەپ كىشىلەرنىڭ دىققىتىنى تارتقان، بۇ دۇبۇلغا ۋە ساۋۇتلار ئوخشىمىغان پاسوندا ياسالغان بولۇپ، نەپىس ۋە يالتىراق. خەۋەر قىلىنىشىچە، بۇ دۇبۇلغا ۋە ساۋۇتلار ئادەملەر ئۈچۈن ياسالغان بولماستىن بەلكى مۈشۈكلەر ئۈچۈن ئالاھىدە لايىھەلەنگەن ئىكەن. am5ئاقيول تور بىكىتى

    لايىھەلىگۈچى جېف مۈشۈكلەرگە دۇبۇلغا ۋە ساۋۇت لايىھەلەشنىڭ ئىنتايىن ئۆزگىچە بولىدىغانلىقىنى كۆزدە تۇتۇپ، ئۆزىنىڭ دۇبۇلغا ۋە ساۋۇتقا بولغان كەسپىي بىلىملىرى، شۇنداقلا ئۈنچە-مەرۋايىتقا بولغان ئالاھىدە چۈشەنچىسىگە تايىنىپ گۈزەل دۇبۇلغا ۋە ساۋۇتلارنى لايىھەلەپ چىققان. ئۇنىڭ بۇ ئەسەرلىرىنىڭ بازار باھاسى ئىنتايىن قىممەت بولۇپ، بىر يۈرۈشىنىڭ باھاسى تەخمىنەن 2 مىليون 500 مىڭ ئامېرىكا دوللىرى ( تەخمىنەن 15 مىليون 500 مىڭ يۈەن خەلق پۇلى) ئەتراپىدا ئىكەن. گەرچە بۇ دۇبۇلغا ۋە ساۋۇتلار مۈشۈكلەر ئۈچۈن مەخسۇس لايىھەلەنگەن بولسىمۇ ئەمما جېف كىشلەرنىڭ بۇ دۇبۇلغا ۋە ساۋۇتلارنى ئەرمەك ھايۋانلىرىغا كىيدۇرمەسلىكنى تەۋسىيە قىلىدىكەن. ئۇنىڭ ئىيتىشىچە، بۇ كىيىملەرنى كىيىش ھايۋانلار ئۈچۈن بەكمۇ خەتەرلىك بولۇپ، ئۇلارنى زەخمىلەندۈرۈپ قويۇشى مۇمكىن ئىكەن. am5ئاقيول تور بىكىتى