ئەسسالامۇئەلەيكۇم  بىرزات ئەپەندى.ياخشىمۇسىز.

ئانامنىڭ قان بېسمى  يۇقىرى،  مېڭىگە قان  يىتىشمەيدىكەن،شۇڭا مېڭىنى  قۇۋۋەتلەيدىغان يېمەكلىكلەردىن قايسىلارنى ئىستىمال قىلسا بۇلىدۇ؟ مۇشۇنىڭغا قارىتا  تەكلىپ  پىكىرلىرىڭىز  بولسا  ئايىمىغايسڭز.

بولسا  تىزرەك  جاۋاپ  بىرىۋەتسىڭىز.

ۋەئەلەيكۇم ئەسسالام

يۇقۇرى قان بېسىم بىمارلىرى ئىستىمال قىلىشقا ماس كىلىدىغان، ياقىدىغان يېمەكلىكلەردىن:

كەرەپشە (چىڭسەي) – كەرەپشىنىڭ قان بېسىمنى تۆۋەنلىتىش، تېنىچلاندۇرۇش، سۈيدۈك ھەيدەش تەسىرى بار.

سامساق – ھەر كۈنى ئەتتىگەندە ئاچ قورساققا شىكەر بىلەن سىركە (ياكى ئاچچىقسۇ) گە چىلىغان سامساقتىن 1~2 چىش يەپ سۈيىنى ئىچىپ بەرسە قان بېسىمنى چۈشۈرىدۇ. (گېمىروي كېسىلى بارلار كۆپ ئىستىمال قىلماسلىق كېرەك)

پەمىدۇر – پەمىدۇرنىڭ قىزىتما قايتۇرۇش، قاننى سوۋۇتۇش، قان بېسىمنى چۈشۈرۈش قاتارلىق تەسىرلىرى بار.

ئۆسۈملۈك مايلىرى – كىچا مېيى، زاراڭزا مېيى، پۇرچاق مېيى

مور – يۇقۇرى قان بېسىم، يۈرەك-مېڭە قان تومۇرلاردا نۆكچە پەيدا بولۇشنىڭ ئالدىنى ئىلىش ۋە داۋالاش رولى بار.

ئاچچىقسۇ (ياكى سىركە)سىركە قاندىكى ماينى تۆۋەنلىتىش، قان تومۇرلارنى ئاسراش قاتارلىق رولى بار.

ھەسەل – كۈندە ئەتتىگىنى بىر قوشۇق ھەسەلنى ئىلىمان قايناق سۇدا ئىرىتىپ ئاچ قورساققا ئىچىپ بەرسە قان تومۇر قېتىشىشنىڭ ئالدىنى ئالىدۇ، بەدەننىڭ ئوزۇقلۇق بىلەن تەمىنلىنىشىنى ئىلگىرى سۈرىدۇ. كەچتە ئۇخلاشتىن ئاۋۋال ئىچىشنى ئادەت قىلسا يۇقۇرى قان بېسىم بىمارلىرىغا مەنپەئەت قىلىدۇ. ئۇنىڭدىن باشقا باشپىياز، سەۋزە ، تاۋۇز ، ئالما،ئاپلىسىن، تۇرۇپ، پالەك، چىلان قاتارلىقلار يۇقۇرى قان بېسىم بىمارلىرىنىڭ ئىستىمال قىلىشغا ماس كىلىدىغان يېمەكلىكلىرىدۇر.

مېڭىنى قۇۋۋەتلەشكە :

يۇقۇرى قان بېسىمنى ئاساس قىلىپ تۇرۇپ كۆرسەتمە بىرەي:

1.لاچىندانە، گاۋزىبان، ئۇستىقۇددۇس، قىزىلگۈل، سۇمبۇل، پىننە، ياڭاق پاسىلى، بەدىيان، زەپە قاتارلىقلاردىن مۇۋاپىق مىقداردا ئىلىپ چايلىق تەڭشەپ چاي دەملەپ ئىچىپ بەرسە يۈرەك-مېڭىنىڭ قۇۋۋىتىنى ئاشۇرىدۇ، ئەقلىي قابىلىيەتنى ئاشۇرىدۇ. ئۇيقۇ سۈپىتىنى ياخشىلايدۇ. بۇ چايلىقنى زىيادە چارچايدىغان، ئەقلىي ئەمگەك بىلەن كۆپ شۇغۇللىنىدىغانلار ئىچىپ بەرسە ئۈنۈمى ياخشى.

2.ئانار سۈيى، ئەنجۈر، بادام مېغىزى، ياڭاق مېغىزى، پىستە مېغىزى، ئۈرۈك مېغىزى ۋە باشقا يۆل مېۋىلەر.

3.ئۇچار قۇش گۆشلىرى مېڭىنى ئالاھىدە قۇۋۋەتلەيدۇ، لىكىن كۆپ ئىستىمال قىلىنسا يۇقۇرى قان بېسىم بىمارلىرىغا زەرەر قىلىشى مومكىن.

4.ھەسەل – جىگدە ھەسىلى، بادام چېچىگى ھەسىلى …قاتارلىقلار مېڭىگە قۇۋۋەت بىرىدۇ.

تامام