بىخۇتلۇقنىڭ زېيىنىنى ئاز تارتتۇقمۇ؟


مۇھەممەد تۇرسۇن (بىرزات)  
ﻳﯜﺭﯛﻛﯜﻡ ﺋﯧﻐﯩﭗ ﻛﻪﺗﺘﻰ. 16 ﻳﺎﺷﻠﯩﻖ ﺑﯩﺮ ﻗﯩﺰ ﻗﺎﻥ ﺭﺍﻛﻰ ﺳﻪﯞﻩﺑﻠﯩﻚ ﮬﺎﻳﺎﺗﻠﯩﻖ ﺋﺎﻟﯩﻤﯩﺪﯨﻦ ﻣﻪﯕﮕﯜﮔﻪ ﻛﯚﺯ ﻳﯘﻣﺪﻯ. ﻛﯧﺴﻪﻟﻠﯩﻜﻜﻪ ﺋﯩﻨﯩﻖ ﺩﯨﺌﺎﮔﻨﻮﺱ ﻗﻮﻳﯘﻟﻐﺎﻧﺪﯨﻦ ﻛﯩﻴﯩﻦ ﺋﺎﺭﺍﻥ 3 ﻛﯜﻥ ﻳﺎﺷﺎﭘﺘﯘ. ﯞﻩﻗﻪﻧﯩﯔ ﺋﺎﻟﺪﯨﺪﺍ ﺋﺎﺗﺎ ﺋﺎﻧﯩﺴﻰ ﻧﯧﻤﻪ ﺋﯩﺶ ﻗﯩﭙﺘﯘ ﺩﻩﭖ ﺳﻮﺭﯨﻤﺎﯕﻼﺭ. ﻣﻪﻥ ﮬﺎﺯﯨﺮ ﺩﻩﭖ ﺑﯧﺮﯨﻤﻪﻥ.

ﻛﯧﺴﻪﻟﻨﯩﯔ ﺑﺎﺷﻠﯩﻨﯩﺸﻰ: ﺩﻩﺳﻠﻪﭘﺘﻪ ﻗﯩﺰﻧﯩﯔ ﭘﯘﺗﻰ ﺋﺎﻏﺮﯨﭗ، ﻛﯚﯕﻠﻰ ﺑﯩﺌﺎﺭﺍﻡ ﺑﻮﻟﯘﭖ ﻣﻪﻛﺘﻪﭘﺘﯩﻦ ﻗﺎﻳﺘﯩﭗ ﻛﯩﻠﯩﺪﯗ. ﮬﺎﺟﯩﻢ (ﺩﺍﺩﯨﺴﻰ) ﺑﯘ ﺩﯦﮕﻪﻥ ﺋﺎﻧﭽﯩﻜﻰ ﺋﯩﺶ ﺑﻮﻟﺴﺎ ﻛﯩﺮﻩﻙ ﺩﻩﭖ ﻛﺎﺭﻯ ﺑﻮﻟﻤﺎﻳﺪﯗ. ﺋﺎﺭﯨﺪﯨﻦ ﺑﯩﺮﻩﺭ ﺋﺎﻱ ﺋﯚﺗﯩﺪﯗ. ﻗﯩﺰ ﻛﯜﻧﺪﻩ ﻣﻪﻛﺘﻪﭘﺘﯩﻦ ﻗﺎﻳﺘﯩﭗ ﻛﯩﻠﯩﭙﻼ ﭘﯘﺗﯩﻨﯩﯔ ﺋﺎﻏﺮﯨﭗ ﺟﺎﻥ ﻗﺎﻟﻤﺎﻳﯟﺍﺗﻘﺎﻧﻠﯩﻘﯩﺪﯨﻦ ﻗﺎﻗﺸﺎﻳﺪﯗ. بەزىدە تۇرۇپلا بۇرنى قانايدۇ. ﺋﺎﺧﯩﺮﻯ ﮬﺎﺟﯩﻢ ﻗﯩﺰﯨﻨﻰ ﺑﯩﺮ ﺷﻪﺧﺴﯩﻴﻠﻪﺭ ﺋﯩﮕﯩﺪﺍﺭﭼﯩﻠﯩﻘﯩﺪﯨﻜﻰ ﺩﻭﺧﺘﯘﺭﺧﺎﻧﯩﺪﺍ ﺗﻪﻛﺸﯜﺭﺗﯩﺪﯗ. ﺩﻭﺧﺘﯘﺭ ﺩﯨﺌﺎﮔﻨﻮﺳﻰ ﺋﺎﺩﻩﺗﺘﯩﻜﻰ ﺭﯦﻤﺎﺗﯩﺰﯨﻢ ، 4-5 ﻛﯜﻥ ﺋﺎﺳﻤﺎ ﺋﻮﻛﯘﻝ ﺳﺎﻟﺪﯗﺭﯞﻩﺗﺴﻪ ﻳﺎﺧﺸﻰ ﺑﻮﭖ ﻛﯧﺘﯩﺪﯗ ﺩﻩﻳﺪﯗ. ﺋﺎﺳﻤﺎ ﺋﺎﺳﺘﯘﺭﻟﯩﺪﯗ. 3 ﻛﯜﻥ ﺋﯚﺗﻜﻪﻧﺪﻩ ﺋﻪﮬﯟﺍﻟﺪﺍ ﺗﯧﺨﯩﻤﯘ ﺋﯧﻐﯩﺮﻟﯩﺸﯩﺶ ﻛﯚﺭﯨﻠﯩﺪﯗ. ﺷﯘﻧﯩﯔ ﺑﯩﻠﻪﻥ ﮬﺎﺟﯩﻢ ﺩﻭﺧﺘﯘﺭ ﺩﻭﺭﯨﺴﻰ ﻗﯩﺰﯨﻤﻐﺎ ﻳﺎﻗﻤﯩﺪﻯ ﺩﻩﭖ ﺑﯩﺮ ﺗﯧﯟﯨﭙﻘﺎ ﻛﯚﺭﺳﯩﺘﯩﺪﯗ. ﺗﯧﯟﯨﭙﻤﯘ ﺗﻮﻣﯘﺭﯨﻨﻰ ﺗﯘﺗﻘﺎﻥ ﺑﻮﻟﯘﭖ ﻣﻪﻧﺪﻩ ﺑﯩﺮ ﺋﻮﻛﯘﻝ ﺑﺎﺭ ، 100 ﻛﻮﻳﻠﯘﻕ، ﺑﯩﺮ ﺋﯘﺭﯗﭖ ﻗﻮﻳﺴﺎﻡ ﮬﻪﺭﮔﯩﺰ ﭘﯘﺕ ﺋﺎﻏﺮﯨﻘﻰ ﺗﺎﺭﺗﻤﺎﻳﺪﯗ ﺩﻩﭖ ﺋﺎﻣﯩﺮﯨﻜﯩﺪﺍ ﺋﯩﺸﻠﻪﻧﮕﻪﻥ، ﮬﺎﺟﯩﻼﺭ ﻗﺎﻳﺘﺎﺷﯩﺪﺍ ﺳﻪﺋﯘﺩﯨﻴﺪﯨﻦ ﺋﺎﻟﻐﺎﭺ ﻛﯩﻠﯩﺪﯨﻐﺎﻥ، 35 ﻛﻮﻳﻼﺭ ﺋﻪﺗﺮﺍﭘﯩﺪﯨﻜﻰ ﺑﯩﺮ ﺋﻮﻛﯘﻟﻨﻰ ﺋﯘ ﻗﯩﺰﻏﺎ ﺋﯘﺭﯨﺪﯗ. 2 ﻛﯜﻧﺪﯨﻦ ﻛﯩﻴﯩﻦ ﺋﯘ ﻗﯩﺰﻧﯩﯔ ﺑﻪﻟﻨﯩﯔ ﺗﯚﯞﯨﻨﻰ ﮬﻪﺭﻛﻪﺗﺘﯩﻦ ﻗﺎﻟﯩﺪﯗ. ﺑﯘ ﺋﯩﺸﺘﯩﻦ ﻛﯩﻴﯩﻦ ﮬﺎﺟﯩﻢ ﻣﯘﻧﺪﺍﻕ ﺋﻮﻳﻼﻳﺪﯗ:
ﺩﻭﺧﺘﯘﺭ ﺩﻭﺭﯨﺴﯩﻤﯘ ﻳﺎﻗﻤﯩﺴﺎ ، ﺗﯧﯟﯨﭙﻨﯩﯖﻤﯘ ﻳﺎﻗﻤﯩﺴﺎ ....ﺑﯘ ﺩﻩﻝ ﻛﻮﻧﯩﻠﯩﻘﺘﯩﻦ ﺑﻮﻻﭘﺘﯘ. ﺋﺎﭘﻼ ﻧﯧﻤﯩﺸﻘﯩﻤﯘ ﺑﺎﺷﺘﯩﻼ ﻛﻮﻧﯩﻠﯩﻖ ﻗﯩﻠﻤﯩﻐﺎﻧﺪﯨﻤﻪﻥ ﺩﻩﭖ ﻗﯩﺰﯨﻨﻰ ﺩﺍﺧﺎﻧﻨﯩﯔ ﺋﯚﻳﯩﮕﻪ ﺋﺎﭘﯩﺮﯨﭙﺘﯘ. ﺩﺍﺧﺎﻥ ﺑﯘ ﻗﯩﺰﺩﺍ 3000 ﺟﯩﻦ ﺑﺎﺭ ﺋﯩﻜﻪﻥ. ﮬﯩﻠﯩﻤﯘ ﻏﻪﻳﺮﯨﺘﻰ ﺑﺎﺭ ﺋﯩﻜﻪﻥ ﻗﯩﺰﯨﯖﻨﯩﯔ، ﻣﯘﺷﯘ ﻛﻪﻣﮕﯩﭽﻪ ﺳﺎﻕ ﻳﺎﺷﺎﭘﺘﯘ. ﺑﯩﺮ ﺋﺎﻱ ﺋﻮﻗﯘﻳﻤﻪﻥ. ﺑﯩﺮ ﺟﯩﻨﻐﺎ ﺋﻮﻗﯘﺷﯘﻡ ﺑﯩﺮ ﻛﻮﻱ. ﻛﯩﻠﯩﺸﺘﯘﻕ ﺋﻪﻣﺴﻪ ﺩﯦﻴﯩﺸﯩﭗ ﮔﻪﭘﻨﻰ ﺗﯜﮔﯜﺗﯩﺸﯩﭙﺘﯘ.
ﺋﯩﺶ ﺩﯦﻴﯩﺸﻜﻪﻧﺪﻩﻙ ﺑﻮﭘﺘﯘ. ﺑﯩﺮ ﺋﺎﻳﻤﯘ ﺋﯚﺗﯜﭘﺘﯘ، ﮬﺎﺟﯩﻢ ﺳﻪﯞﺭﯨﭽﺎﻧﻠﯩﻖ ﺑﯩﻠﻪﻥ ﻛﯜﺗﯜﭘﺘﯘ. ﻗﯩﺰ ﺳﺎﻗﺎﻳﻤﺎﻗﺘﺎ ﻳﻮﻕ، ﺋﻪﻛﺴﯩﭽﻪ ﺑﻪﻟﻨﯩﯔ ﺗﯚﯞﯨﻨﯩﺪﻩ ﺳﯧﺰﯨﻤﻨﻰ ﻳﻮﻗﯩﺘﯩﭙﺘﯘ. ﺑﯘ ﺋﯩﺸﻼﺭﻧﯩﯔ ﺗﻪﭘﺴﯩﻼﺗﯩﻨﻰ ﺋﯘ ﻗﯩﺰﻧﯩﯔ ﯞﺍﭘﺎﺗﯩﺪﯨﻦ ﻛﯩﻴﯩﻦ ﺋﯘﻗﺘﯘﻡ ﺗﯧﺨﻰ.
ﺩﯗﻛﻜﺎﻧﺪﺍ ﺋﻮﻟﺘﯘﺭﺳﺎﻡ ﭼﯩﺮﺍﻳﯩﺪﯨﻦ ﺳﻪﻝ ﺟﯩﺪﺩﯨﻠﯩﻜﻰ ﭼﯩﻘﯩﭗ ﺗﯘﺭﻏﺎﻥ ﮬﺎﺟﯩﻢ ﻛﯩﺮﯨﭗ ﻛﻪﻟﺪﻯ. ﺳﺎﻻﻣﺪﯨﻦ ﻛﯩﻴﯩﻨﻼ ﺋﺎﻟﺪﯨﺮﺍﭖ ﺳﯚﺯﻟﯩﮕﯩﻠﻰ ﺗﯘﺭﺩﻯ. ﻗﯩﺰﯨﻨﯩﯔ ﺋﻪﮬﯟﺍﻟﯩﻨﻰ ﺑﯩﺮ ﻗﯘﺭ ﺋﯧﻴﺘﻘﺎﻧﺪﯨﻦ ﻛﯩﻴﯩﻦ ﺋﯚﻳﮕﻪ ﺑﯩﺮﯨﭗ ﻗﯩﺰﯨﻨﻰ ﻛﯚﺭﯛﭖ ﻗﻮﻳﯘﺷﯘﻣﻨﻰ، ﺗﻮﻣﯘﺭﯨﻨﻰ ﺗﯘﺗﯘﭖ ﺑﯧﻘﯩﺸﯩﻤﻨﻰ ﺗﻪﻟﻪﭖ ﻗﯩﻠﯩﭗ ﺗﯘﺭﯨﯟﺍﻟﺪﻯ.
ﻣﺎﻗﯘﻝ ﺩﻩﭖ ﺑﺎﺭﺳﺎﻡ ﺋﯧﻐﯩﺮ ﺗﯧﻨﯩﭗ ﻳﺎﺗﻘﺎﻥ ﺑﯩﺮ ﮔﻪﯞﺩﯨﻨﻰ ﻛﯚﺭﺩﯛﻡ. ﺗﻮﻣﯘﺭﯨﻨﻰ ﺗﯘﺗﯘﭘﻼ ﺋﯧﺸﻨﯩﯔ ﭼﺎﺗﺎﻗﻠﯩﻘﯩﻨﻰ ﺑﯩﻠﺪﯨﻢ. ( ﮬﺎﺟﯩﻢ ﻣﺎﯕﺎ ﻗﯩﺰﯨﻨﯩﯔ ﺑﻪﻟﻨﯩﯔ ﺗﯚﯞﯨﻨﻰ ﺳﯧﺰﯨﻤﯩﻨﻰ ﻳﻮﻗﺎﺗﻘﺎﻧﻠﯩﻘﯩﻨﻰ ﺋﯧﻴﺘﻤﯩﻐﺎﻥ ﺋﯩﺪﻯ. ﭘﻪﻗﻪﺗﻼ ﭘﯘﺗﻰ ﺋﺎﻏﺮﯨﻴﺪﯗ ﺷﯘ ﺩﯦﮕﻪﻥ). - ﻳﯜﺭﻩﻙ ﺗﻮﻣﯘﺭ ﺋﺎﺟﺎﻳﯩﭗ ﺳﻪﻛﺮﻩﯞﺍﺗﺎﺗﺘﻰ. ﻣﻪﻥ ﺑﯘﻧﺪﺍﻕ ﺗﻮﻣﯘﺭﻧﻰ ﺋﻪﺯﻩﻟﺪﯨﻦ ﺗﯘﺗﯘﭘﻤﯘ ﺑﺎﻗﻤﯩﻐﺎﻥ. ﭘﻪﻗﻪﺗﻼ ﮬﯧﻜﯩﻢ ﺋﯩﺒﻨﻰ ﺳﯩﻨﺎﻧﯩﯔ :ﺗﻮﻣﯘﺭ ﻳﯩﻼﻧﺪﻩﻙ، ﭘﺎﻗﯩﺪﻩﻙ ﺳﻪﻛﺮﯨﺴﻪ ﺑﯩﻤﺎﺭﻧﯩﯔ ﺋﺎﺋﯩﻠﯩﺴﯩﺪﯨﻜﯩﻠﻪﺭ ﺋﯘﻧﯩﯔ ﺋﺎﺧﯩﺮﻩﺗﻠﯩﻜﻰ ﺋﯜﭼﯜﻥ ﺗﻪﻳﻴﺎﺭﻟﯩﻖ ﻗﯩﻠﯩﭗ ﻗﻮﻳﺴﯘﻥ ﺩﯦﮕﻪﻥ ﺋﯜﮔﯜﺗﻰ ﻗﺎﻧﺪﺍﻕ ﻳﺎﺩﯨﻤﻐﺎ ﻳﻪﺗﺘﯩﻜﯩﻦ ﻳﯜﺭﯛﻛﯜﻡ ﺋﻪﻧﺴﯩﺰ ﺳﯧﻠﯩﭗ ﻛﻪﺗﺘﻰ. ﻗﯩﺰﻏﺎ ﻗﺎﺭﯨﺴﺎﻡ ﺷﯘﻧﺪﺍﻕ ﭘﺎﻛﯩﺰ، ﻟﯩﻜﯩﻦ ﻛﯧﺴﻪﻟﻠﯩﻚ ﺋﺎﺳﺎﺭﯨﺘﯩﻦ ﺭﻩﯕﮕﻰ ﺳﺎﺭﻏﺎﻳﻐﺎﻥ ﺳﻮﻟﻐﯘﻥ ﺑﯩﺮ ﻏﯘﻧﭽﻪ ﮬﺎﻳﺎﺗﻘﺎ ﺗﻪﻟﻤﯜﺭﯛﭖ ﻳﺎﺗﺎﺗﺘﻰ. ﺋﯩﭽﯩﻢ ﺳﯧﺮﯨﻠﻐﺎﻧﺪﻩﻙ ﺑﻮﻟﺪﻯ.
ﺳﯩﺮﯨﺘﻘﺎ ﭼﯩﻘﯩﭗ ﺩﺍﺩﯨﺴﯩﻐﺎ ﭼﻮﯓ ﺩﻭﺧﺘﯘﺭﻏﺎﻧﯩﻼﺭﻏﺎ ﺋﺎﭘﯩﺮﯨﭗ ﺗﻪﻛﺸﯜﺭﺗﺴﯩﻠﻪ، ﻛﯧﭽﯩﻜﺘﯜﺭﯛﺷﻜﻪ ﺑﻮﻟﻤﺎﻳﺪﯗ ، ﺩﯦﺴﻪﻡ. ﺩﻭﺧﺘﯘﺭﻏﺎ ﺋﺎﭘﺎﺭﻏﺎﻥ ﻗﺎﻥ ﺗﻪﻛﺸﯜﺭﯛﭖ ﺭﯦﻤﺎﺗﯩﺰﯨﻤﻜﻪﻥ ﺩﯦﺪﻯ. ﺩﻩﭖ ﻛﯩﻴﯩﻨﻜﻰ ﺋﻪﮬﯟﺍﻟﻼﺭﻧﻰ ﺑﯩﺮ ﻗﯘﺭ ﺑﺎﻳﺎﻥ ﻗﯩﻠﺪﻯ. ﺋﯘﻧﺪﺍﻕ ﺑﻮﻟﺴﺎ ﺩﻭﺧﺘﯘﺭ ﺋﻪﺳﺘﺎﻳﺪﯨﻞ ﺑﻮﻟﻤﺎﭘﺘﯘ، ﺗﯧﯟﯨﭙﻤﯘ ﻣﻪﺳﺌﯘﻟﯩﻴﻪﺗﺴﯩﺰﻟﯩﻚ ﻗﯩﭙﺘﯘ، ﺩﺍﺧﺎﻥ ﻛﺎﺯﺯﺍﺑﻠﯩﻖ ﻗﯩﭙﺘﯘ. ﻣﯧﻨﯩﯔ ﺑﯘ ﻛﯧﺴﻪﻟﮕﻪ ﻛﯜﭼﯜﻡ ﻳﻪﺗﻤﻪﻳﺪﯨﻜﻪﻥ. ﻣﻪﻥ ﻗﺎﻳﺘﺎﻱ ﺩﯦﺴﻪﻡ ﺋﯘ ﻛﯩﺸﻰ : ﺋﯘﻛﺎﻡ ﺋﻪﻣﺪﻯ، ﺳﯩﻠﻰ ﺗﯧﯟﯨﭙﻠﯩﻘﻨﻰ ﺧﻮﺗﻪﻧﺪﻩ ﺋﯜﮔﻪﻧﮕﻪﻥ ، ﺋﺎﺯﯨﺮﺍﻕ ﺑﻮﻟﺴﯩﻤﯘ ﺩﻭﺭﺍ ﻗﯩﻠﯩﭗ ﺑﻪﺭﺳﯩﻠﻪ! ﺩﻩﭖ ﺗﯘﺭﯨﯟﺍﻟﺪﻯ. ﻣﻪﻥ ﻗﻪﺗﺌﯩﻲ ﺭﻩﺕ ﻗﯩﻠﯩﭗ ﺋﻪﮔﻪﺭ ﺑﯘ ﻗﻪﺷﻘﻪﺭﺩﯨﻜﻰ ﺩﻭﺧﺘﯘﺭ -ﺗﯧﯟﯨﭙﻼﺭﻧﯩﯔ ﺩﻭﺭﯨﺴﻰ ﻳﺎﻗﻤﯩﺪﻯ ﺩﻩﭖ ﻗﺎﺭﯨﺴﯩﻠﯩﺮﻯ ، ﺧﻮﺗﻪﻧﻨﯩﯔ ﺩﻭﺭﯨﻠﯩﺮﯨﻨﻰ ﺋﯩﺸﻠﻪﺗﻜﯜﻟﯩﺮﻯ ﺑﻮﻟﺴﺎ ﻣﻪﻥ ﭘﯩﺸﻘﻪﺩﻩﻡ ﺗﯧﯟﯨﭙﻼﺭﺩﯨﻦ ﺑﯩﺮ -ﺋﯩﻜﻜﯩﻨﯩﯔ ﺋﺎﺩﺭﯨﺴﯩﻨﻰ ﺋﯧﻴﺘﯩﭗ ﺑﯩﺮﻩﻱ. ﺋﺎﭘﯩﺮﯨﭗ ﺑﺎﻗﺴﯩﻼ، ﻟﯩﻜﯩﻦ ﺋﻪﻣﺪﻯ ﺳﻪﻝ ﻗﺎﺭﺍﺷﻘﺎ ﻗﻪﺗﺌﯩﻲ ﺑﻮﻟﻤﺎﻳﺪﯗ، ﭘﯘﺷﺎﻳﻤﺎﻥ ﻗﯩﻠﻐﺎﻧﻨﯩﯔ ﭘﺎﻳﺪﯨﺴﻰ ﻳﻮﻕ ﮬﺎﺟﯩﻤﻜﺎ. ﺩﻩﭘﻼ ﮔﻪﭘﻨﻰ ﺋﯜﺯﯛﭖ ﭼﯩﻘﯩﭗ ﻛﻪﺗﺘﯩﻢ.
4-5 ﻛﯜﻧﺪﯨﻦ ﻛﯩﻴﯩﻦ ﻣﻪﮬﻪﻟﻠﯩﺪﻩ ﺋﺎﭘﺘﯘﺑﯘﺱ ﺳﺎﻗﻼﭖ ﺗﯘﺭﺳﺎﻡ ﮬﺎﺟﯩﻤﻨﯩﯔ ﺋﯚﻳﻰ ﺋﺎﻟﺪﯨﺪﺍ ﺑﯧﺸﯩﻐﺎ ﺋﺎﻕ ﺑﺎﻏﻠﯩﻐﺎﻥ ﻣﯘﺳﯩﺒﻪﺗﺪﺍﺭﻻﺭﻧﻰ ﻛﯚﺭﯛﭖ ﻳﯜﺭﯛﻛﯜﻡ ﻗﺎﺭﺕ ﻗﯩﻠﯩﭗ ﻗﺎﻟﺪﻯ. ﺑﯩﺮﺳﯩﺪﯨﻦ ﻧﯧﻤﻪ ﺋﯩﺶ ﺑﻮﻟﻐﺎﻧﻠﯩﻘﯩﻨﻰ ﺳﻮﺭﯨﺴﺎﻡ ، 3 ﻛﯘﻥ ﺋﺎﯞﯞﺍﻝ ﻛﯩﺮﺍﻣﺒﺎﻍ ( ﻗﻪﺷﻘﻪﺭ ﯞﯨﻼﻳﻪﺗﻠﯩﻚ 1- ﺩﻭﺧﺘﯘﺭﺧﺎﻧﺎ ) ﻗﺎ ﺋﺎﭘﺎﺭﺳﺎ ﺩﻭﺧﺘﯘﺭﻻﺭ ﺗﻪﻛﺸﯜﺭﯛﺵ ﺋﺎﺭﻗﯩﻠﯩﻖ ﺋﯘ ﻗﯩﺰﻧﯩﯔ ﻗﺎﻥ ﺭﺍﻛﯩﻨﯩﯔ ﺋﺎﺧﯩﺮﻗﻰ ﺑﺎﺳﻘﯘﭼﯩﻐﺎ ﺑﯩﺮﯨﭗ ﻗﺎﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﺑﯩﻤﺎﺭﻧﻰ ﺋﯚﯨﻴﯩﮕﻪ ﺋﻪﻛﯩﺘﯩﺸﻨﻰ ﺋﯧﻴﺘﯩﭙﺘﯘ. 3-ﻛﯜﻧﻰ ﻛﯚﺯ ﻳﯘﻣﯘﭘﺘﯘ.
ﺋﯩﻨﻨﺎ ﻟﯩﻠﻼﮬﻰ ﯞﻩ ﺋﯩﻨﻨﺎ ﺋﯩﻠﻪﻳﮭﻰ ﺭﺍﺟﯩﺌﯘﻥ ﺩﯦﺪﯨﻢ ﺩﯗﺋﺎﻏﺎ ﻗﻮﻝ ﻛﯚﺗﯜﺭﯛﭖ.
ﮬﯩﻠﯩﻘﻰ ﻗﯩﺰﻧﯩﯔ ﻛﯧﺴﻪﻟﻠﯩﻚ ﭼﯩﺮﻣﯩﻐﺎﻥ ﺋﺎﺟﯩﺰ ﺟﯩﺴﻤﻰ ﻛﯚﺯ ﺋﺎﻟﺪﯨﻤﺪﺍ ....ﻳﯜﺭﯛﻛﯜﻡ ﺋﯩﺮﯨﭗ ﻛﯧﺘﯩﯟﺍﺗﻘﺎﻧﺪﻩﻙ. ﺩﺍﺩﯨﺴﯩﻨﯩﯔ ﺑﯩﭙﻪﺭﯞﺍ ﺗﯘﺭﻗﻰ ... ﮬﻪﻱ ﺋﺎﻟﻼﮬﻨﯩﯔ ﺋﻮﺭﯗﻧﻼﺷﺘﯘﺭﺷﻰ ﻣﯘﺷﯘ ﺑﻮﻟﺴﺎ ﻛﯩﺮﻩﻙ ﺩﻩﭖ ﺋﯚﺯﯛﻣﮕﻪ ﮬﺎﻱ ﺑﻪﺭﺩﯨﻢ. ﺑﺎﺷﻘﯩﺴﯩﻨﻰ ﺋﻮﻳﻼﺷﻘﺎ ﻛﺎﻟﻼﻡ ﻣﺎﻏﺪﯗﺭﯨﺪﯨﻦ ﻛﻪﺗﻜﻪﻥ ﺋﯩﺪﻯ.



[Birzat بۇنى 2009-06-30 10:09 PM دە تەھرىرلىدى]
يازما مەنبەسى: بېكەت ئەسىرى
نەقىل ئۇقتۇرۇشى: بارلىق نەقىللەر | بۇ يازمىنى نەقىل ئالىمەن
خەتكۈش: قان راكى

مۇناسىۋەتلىك يازمىلار:
ئىنكاس: 9 | نەقىل: 0 | كۆرۈلگىنى: -
回复قايتۇرماmuhabbat[2010-08-05 03:02 PM | del]
سـزدېن اللا رازې بولسۈن
回复قايتۇرماozdiyar[2010-05-29 07:27 PM | del]
بىرزات ھېكىم سلىنىڭ خەلقىمىزگە تىخىمۇ كۆپ پايدىلىق بىلىملەرنى يوللاپ تۇرۇشلىرىنى ئۈمۈد قىلىمەن .قوللىرىغا دەرىت بەرمىسۇن رەخمەت سېلىنڭ پايدىلىق يازمىلىرىنى كۆرگەندىن كېيىن مېنىڭ تۇرمۇش بىلىملىرىم كۆپەيدى .ئاللاغا ئامانەت.
回复قايتۇرماozdiyar[2010-05-29 07:24 PM | del]
مەن بۇ بۇنى كۆرگەنددىن كېين خۇددى كىنو ئەكس ئەتكەن كۈرۈنۇشتەك كۆزئالدىمدا نامايەن بولغاندەك ھىس قىلىدىم .جەمىيتىزدە تىببى ساۋادى كەمچىل كىشلەر يەنىلا بار ئىكەن .قارىغۇلارچە ئىش قلىماسلىقمىزلازىم. بەك ئەپسۇس ياتقان يېرى جەننەتتە بولغاي .ئاللاغا ئامانەت
回复قايتۇرماhadiqa[2010-05-17 04:23 PM | del]
可怜的孩子
回复قايتۇرماzergk[2009-07-05 06:26 PM | del]
ئاپلا ،سىڭلىممۇ پۇتۇم ئاغرىۋاتىدۇ دېگىلى خېلى بولغان...
回复قايتۇرماriyasatqi321[2009-07-02 07:54 PM | del]
ھەي بەك ئېچىنىشىق بوپتۇ.
回复قايتۇرماxarwana[2009-07-01 11:08 PM | del]
بەزى ئاتا ئانىلار دائىىم مۇشۇنداق ئىشلاردا بەكمۇ بىپەرۋا كىلىدىكەن
回复قايتۇرماxahruk[2009-07-01 03:25 PM | del]
ھەي بەك ئېچىنىشىق بوپتۇ.
回复قايتۇرمامەدىنە[2009-07-01 02:31 PM | del]
بەك ئېچىنىشلىق ئىش بولۇپتۇ. ئارىمىزدا شونداق مەسئۈلىيەتسىز دادىلارمو خىلى كوپ .دادىلار ھۇشيار، پاراسەتلىك بولىشى كىرەك . شۇندىلا .......
ئىنكاس يوللاش
ئىسىم:
پارول: مېھمانلار پارول تولدۇرمىسىمۇ بولىدۇ.
مەزمۇن:
تەستىق كود: تەستىق نومۇر
تاللاش:
گەرچە تىزىملاتمايمۇ ئىنكاس يازغىلى بولسىمۇ ، پىكىر ھوقۇقىنى قوغداش سەۋەبىدىن تىزىملىتىۋېلىشىڭىزنى تەۋسىيە قىلىمىز.