مۇزدەك قەشقەر چۈلىسى ئىچىپ باققانما؟؟

قەشقەردە بۇ ئىچىملىكنى ئاساسلىقى خۇۋەينى ئۈرۈكنىڭ گۈلىسىدە تەييار قىلىپ ئىستىمال قىلىدۇ. ھازىر يۇقۇرى قان بېسىم، قان قويۇقلۇققا ئوخشاش ھەرخىل پاراغەت كېسەللىكلىرىنىڭ كۆپىيشىگە ئەگىشىپ ئائىللەردە ئۈرۈك گۈلىسىگە چىلان، شاپتۇل قېقى قوشۇپ چۈلە شەربىتى تەييار قىلىپ ئىچىش ئومۇملاشماقتا.



چۈلە شەربىتىگە كېتەرلىك خۇرۇچلار: خۈۋەينى ئۈرۈك گۈلىسى 500 گىرام، چىلان 100 گىرام، شاپتۇل قېقى 50 گىرام، چىلاشقۇدەك قايناقسۇ.



تەييارلاش ئۇسسۇلى: قۇرۇق مېۋىلەرنى پاكىز يۇيۇپ، سىرلىق قاچىغا سېلىپ، چىلاشقۇدەك قايناق سۇنى قۇيۇپ، بىر كېچە تۇرغۇزۇپ تەمى چىققاندىن كېيىن سۈيىنى يەنە بىر قاچىغا قۇيۇۋىلىپ ئۈستىگە يەنە يېرىم چىلاشقۇدەك قايناق سۇ قۇيۇپ ، تەمىنى تولۇق چىقىرىپ ئىككى قېتىملىق چۈلە سۈيىنى بىرلەشتۈرۈپ ، توڭلاتقۇدا قويۇپ ئۇسسىغاندا ئىستېمال قىلساق بولىدۇ. چۈلە قىلىنغان مېۋىلەرنى تاشلىۋەتمەي يېسە بولىدۇ.

شىپالىق تەسرى: سەپرانىڭ تېزلىكىنى پەسەيتىپ ئۇسسۇزلۇقنى قاندۇرىدۇ. قان بېسىمى يۇقۇرى، سەپرا - ئاسان چېچىلىدىغان  كىشىلەرنىڭ ئىستىمال قىلىشىغا ماس كىلىدۇ.

ئەسكەرتىش: دىئابىت بىمارلىرى ئىستىمال قىلماسلىقى كېرەك.

تەييارلىغۇچى: مۇھەممەت تۇرسۇن (بىرزات)