ھامىلدارلىق مەزگىلىدە سېزىكلىك ئالامەتلىرى كۆرۇلمەيدىغان ئەھۋاللارمۇ ب

ئادەتتە ئاياللاردا ھامىلدارلىق مەزگىلىدە سېزىكلىك ئالامەتلىرى كۆرۇلمەيدىغان ئەھۋاللارمۇ بولامدۇ؟
توي قىلغىنىمغا 2يىل بولدى،ھەيىز كەلمىگىلى 6 ئاي بولدى. بىراق مەندە ھامىلدارلىقنىڭ ئالامىتى كۆرۇلمىدى،
سىزنىڭچە بۇ ئەھۋال كېسەللىكنىڭ ئالامىتىمۇ ؟ ئېغىر كۆرمەي ماڭا بىر جاۋاپ بەرگەن بولسىڭىز؟
ئاللاھ ئەجرىڭىزنى بېرەر.
جاۋاپ: ئەسسالامۇ ئەلەيكۇم:
توي قىلغان ئاياللاردا بەزى ئەھۋاللاردا سىزىكلىك ئالامىتى كۆرۈلمىگەن ھامىلىدار بولىدىغان ئىشلار ئۇچرايدۇ.
توي قىلغان ياكى جىنسى ئالاقىدە بولغان ئاياللار ھامىلىدار بولغان بولمىغانلىقىغا كۆپىنچە ئەھۋالدا ئۆزى ھۆكۈم قىلالايدۇ . ھامىلدارلىقنىڭ ئالامەتلىرى:
1- ھەيز توختايدۇ ( نورمال ھەيز كۆرۈپ كىلىۋاتقان ئاياللار ھەيز كۆرىدىغان كۈنلىرى كېلىپ بولسىمۇ ھەيز كەلمىسە ۋە 15- 20 كۈن ئېشىپ كەتكەن بولسا )
2- سىزىك ئالامەتلىرى كۆرۈلۈشكە باشلايدۇ . مەسىلەن كۆڭۈل ئېلىشىدىغان،ياندۇرىدىغان ، باش قايىدىغان ، ئۇيقۇسى كىلىپ تۇرىدىغان، ئاسانلا چارچايدىغان ، مىجەز خاراكتىرىدىمۇ قىسمەن ئۆزگىرىش يۈز بېرىدىغان ئەھۋاللار كۆرۈلىدۇ.
3- كۆكسى چىڭقىلىدۇ ۋە يوغۇناپ قالغاندەك بولىدۇ ، ئەمچەك توپچىسىنىڭ ئەتراپى قازراق قارىدايدۇ.
ئەگەر يۇقارقىدەك ئالامەتلەر كۆرۈلۈپ ھامىلدار بولدۇممىكىن دەپ گۇمان قىلغان ئەھۋالدا ئەڭ ياخشىسى دوختۇرخانىغا بېرىپ ب تىپلىق ئاپاراتتا تەكشۈرۈنۈپ ھامىلدار بولغان بولمىغانلىقىنى، ۋە ھامىلىنىڭ بالىياتقۇ ئىچىدىمۇ ياكى سىرتىدىمۇ؟ شۇنى ئېنىقلىتىش لازىم .

______________سەفىيە