جىغان مۇنچىقىنىڭ جىگەر، تال كېسەللىكلىرىگە بولغان شىپاسى

بۇ تېما جىگەر قېتىشىش كېسىلىگە گېرىپتار بولۇپ 2 يىلدىن بىرى داۋالىنىۋاتقان بىر بىمارنىڭ ھاۋالىسى بىلەن تەييارلاندى. ئەتراپىمىزغا قارايدىغان بولساق بىز ئاددىي قارايدىغان، مال - ئۇلاغلىرىمىزغا ئوزۇق قىلىپ بىرىدىغان ئادەتتىكى بىر ئۆسۈملۈك - كۆكتاتلاردا ئادەمنى ھاياجانلاندۇرغۇدەك ھېكمەتلەر يوشۇرۇنغان بولىدۇ. جىگەر قىتىش كېسىلىگە گېرىپتار بولۇپ جىغان مېۋىسىنى زەپە بىلەن ئىستىمال قىلىپ ياخشى بولۇپ قالغانلارنىڭ بارلىقىنى ئاڭلاپ مەنمۇ جىغان مېۋىسىنى بۇ قىرىندىشىمىزغا تەۋسىيە قىلدىم. ئىستىمال قىلىپ كۆرۈپ باققاي، ئاللاھ ئىگەم ھەممىمىزنىڭ تېنىنى ساق، كۆڭۈللىرىمىزنى خاتېرجەم قىلغاي!
جىغان مېۋىسىنىڭ شىپاسى
بۇ جىگدە ئائىلىسىگە تەۋە جىغان ئۆسۈملىكىنىڭ مېۋىسى بولۇپ دىيارىمىزنىڭ ھەممە جايلىرىدىن بولۇپمۇ خوتەن، قەشقەر، ئاتۇشنىڭ ساي - جىلغىلىرىدا ئۆسىدۇ.
تەبئىتى: ھۆل سوغۇق.
شىپالىق رولى: سۈيدۈك ھەيدەش، يۇمشىتىش، ئىششىق تارقىتىش، بەلغەم بوشىتىش، يۆتەل توختىتىش خۇسۇسىيەتلىرگە ئىگە.
ئىشلىتىدىغان كېسەللىكلەر: جىگەر، تال قىتىشىش ھەم شۇ سەۋەبتىن بولغان سۇلۇق ئىششىقلاردا، كۆڭۈل ئىلىشىش، قۇسۇش، ھەزىم ئاجىزلىقى، يۆتەل، سۈيدۈك تۇتۇلۇش قاتارلىقلاردا ئىشلىتىلىدۇ.
ئىشلىتىش ئۇسسۇلى: جىگەر قېتىش كېسەللىكلىرىدە جىغان مېۋىسىنى مۇۋاپىق مىقداردا زەپە بىلەن قوشۇپ ئىزىپ كۈندە 5 گىرامدىن 3 قېتىم يەپ بەرسە سۈيدۈك ھەيدەپ ئىششىق ياندۇرىدۇ، جىگەرنى يۇمشىتىدۇ.
ھۆل جىغان مېۋىسىنى سىقىپ سۈيى ئىچكۈزىلسە كۆڭۈل ئىلىشىش ۋە قۇسۇشقا پايدا قىلىدۇ.
پايدىلانغان ماتېريال : شىنجاڭ جۇڭيى ئۆسۈملۈك دورىلىرى
تەييارلىغۇچى:مۇھەممەد تۇرسۇن (بىرزات)