قەلبىنۇر : ئەرىشكە تۇتاشقان يوللار [ئۇلانما كۆچۈرۈش]

مەن غېرىپ چۆللۈك بىلەن خوشلاشقاندا  قەلبى قوماچتەك كۆيۈپ ئۆرتەنگەن تاغلار ،  ئۆز ماھىيىتىدىن ياتلاشقان ھالدا  ئالدىمدا نامايان بولدى .
ئۇنىڭ يالاڭاچ تېنىگە قاراپ بىر ئازاپلىق  تالان – تاراجنىڭ  قىسمىتىنى سەزمەكتىمەن.
ئۇنىڭ يۈكسەك سالاپىتىگە تەققاسلىنىدىغان تاشلار، قارىغايلار، ئارچىلار، ھەشەمەتلەر بېغىنىڭ ساختا  كۆرۈنۈشى بولۇشقا يۆتكەلمەكتە...
ئېچىرقاشتا قالغان ئىنسان نەپسى ئۈچۈن كولانغان تاغ يىلتىزى، قىيامەتنى كۈتۈپ تۇرغان ئاپەتتەك كۆرنەتتى .
بىر ۋەھىمىلىك يالماش ئۆڭكۈرى ئالدىدا تۇرغانلىقىمنى   بىلگىنىمدە، تەبىئەتتىن ياتلاشقان ئىنسان نەپسى ئۈچۈن يۈرۈكۈمدىن نەپرەت بۇلدۇقلاپ  كەتتى .

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-28 14:27  

رەھمەت قەلبىنۇر ھەدە، «ئەرشكە تۇتاشقان يوللاردىكى ئەركىن پەرۋازىڭىزغا كۆز تەگمىگەي !



مەنچە بولسا بۇلدۇقلاۋاتقىنى يالغۇز نەپرەتلا بولماسلىقى مۈمكىن . ئاشۇ بۇلدۇقلاشلار مېنىمۇ سىزنىڭ تۇيغۇ كەڭلىكلىرىڭىزگە ئېلىپ كەتتى .

كىچىككىنە تەكلىۋىم :
    يازمىلىرىڭىزدىكى ئېغىز تىلىغا يەنە بىر قاراپ باققان بولساق ، ئاندىن ئىملامۇ نەزەردىن ساقىت قىلىنمىسا....
مەسىلەن : قوماشتەك    ئەمەس ، قوماچتەك ؛   يالاڭاش   ئەمەس ، يالىڭاچ ؛   قارغاي  ئەمەس، قارىغاي ؛  ساقتا ئەمەس ، ساختا ؛ تەبىەتتىن    تەبىئەتتىن ...
   ئاقساقاللىق قىلىپ قالدىم ، قولىڭىزنى مېھرىم بىلەن كۈچەپ سىقىۋاتىمەن ، ھەدە!

كىچىككىنە تەكلىۋىم :
    يازمىلىرىڭىزدىكى ئېغىز تىلىغا يەنە بىر قاراپ باققان بولساق ، ئاندىن ئىملامۇ نەزەردىن ساقىت قىلىنمىسا....
مەسىلەن : قوماشتەك    ئەمەس ، قوماچتەك ؛   يالاڭاش   ئەمەس ، يالىڭاچ ؛   قارغاي  ئەمەس، قارىغاي ؛  ساقتا ئەمەس ، ساختا ؛ تەبىەتتىن    تەبىئەتتىن ...
   ئاقساقاللىق قىلىپ قالدىم ، قولىڭىزنى مېھرىم بىلەن كۈچەپ سىقىۋاتىمەن ، ھەدە!



جۈرئىتىڭىزگە قائىل بولدۇم ئۇكام !
ھەر- بىر ئەسەرگە يېزۋاتقان ئىنكاسىڭىزدىن سۆيۈنگىسى كېلىدۇ   كىشىنىڭ  . سىز كۆرسۈتۈپ بەرگەن نوختىلا نى خىجىللىق ئىلكىدە ئوڭشاپ  قويدۇم ھەم مەمنۇنلىق ئلكىدە سىزگە تەشەككۈر  ئېيتقۇم كەلدى.
سىزگە ئامەت تىلەيمەن!

تاغلارنىڭ بۇقۇلداپ يىغلىشى بىلەن ئېرىپ كەتكەن مۇزلۇقلار باغرى ، ئۆزىنىڭ ئەلمىساقتىن ساخلاپ كەلگەن مەخپىيىتىنى ئاشكارلاپ قويغاندەك بارا- بارا ۋىجىكلىگەن .   گويا سىرلىق تەبىئىتى ئىچىگە يۇشۇرۇنغان بايلىق ئوغۇرلۇنۇپ， قەدرى تۈگىگەن ھىكىمەتتەك...
ئەسىرلىك سۈكۈتنى قەلبىگە يوشارغان  قارلىق چوققىلارنىڭ كۆز ياشلىرىنى،  بىر ۋەھشىي تىراگىديەنىڭ ئاچكۈزلىكى يوشارماقتا.
مەن پارغا ئايلانغان مەۋجۇتلۇقنىڭ چۈشىدەك دەلدەڭشىگەن قۇرام تاشلارنىڭ يىغىسىغا چىدىيالمىدىم .ئۇلارنىڭ جەسۇرلىقىغا تېۋىنغان مۇھەببىتىم تولغانماقتا...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-28 13:13  

قورام تاشلارنىڭ يىغىسىسىزمۇ ئۇ تىراگىدىيەلەر ئاشكارا قەلبىنۇر ھەدە. تولغىنىۋاتقان مۇھەببەتلەرنىڭ يەنىلا تېۋىنىشىنى ئىستىدىم .

مەن ئىدىرلارنى قۇچاقلىغان قاپتاللارغا كەلدىم-دە، ھاردۇق ئېلىش ئۈچۈن بىر پارچە   يېشىللىقنىڭ ئۈستىگە ئۈزۈمنى  تاشلىدىم .
  قۇرغاقلىشىپ كەتكەن  چۆپلۈكلەر مەندىن شەرۋەت تەلەپ قىلغاندەك  بويۇنلىرىنى سوزۇشۇپ، قۇچۇقۇمغا باشلىرىنى قويۇشۋالدى-دە، چاكىلداپ كەتكەن ئاغزىنى ئاچىقىنىچە   ئۈممۈتلۈك كۆزلۈرىنى كۆزۈمگە تىكتى .
شۇ تاپ بىرجۈپ كۆزۈم  بىردىنلا بۇلاققا ئايلاندى. يۈرۈكۈمنىڭ ھىسداشلىق شەربىتى ئۇنىڭدىن ئۇقچۇپ چىقماقتا  ئىدى.
مەن يوپۇرماقلارنىڭ   يالماپ تۇرۇپ كۆز ياشلىرىمنى يۇتۇشلۇرىغا  قاراپ ،ئارام تاپقامدەك بولدۇم . قىرتاق بولسىمۇ بۇ كۆز- ياشلىرىم ئۇلار ئۈچۈن ھاياتلىق شەربىتى بولالىسىلا  ،ئۇلارنىڭ  ھۆرمەت بېىغىدىمۇ قەدرى- قىمىت گۈلۈمنىڭ  بەرگى رەڭلىنەتتى .
مەن بىردىنلا چوڭقۇر ھەدىيەنىڭ لەززىتىنى تېتىغاندەك سۆيۈنۈپ قالدىم.

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-5-2 11:02  

مەنزىل ، ئارمىنىمغا قاراپ  يەنە كۈلۈمسىرىدى .
  ئاقارغان يوللار سىناق  تاشلىرىنى تاپىنىمغا پاتۇرۇشقا باشلىدى .   يول گىرۋىكىدىكى چاقاقلارمۇ قوڭالتاق ھالدا كېتۋاتقان پۇتلۇرۇمغا چىرماشتى . قىمىرلاپ تۇرغان تەنلىرىمدىن ھۈرەكلەر قاينىغاندا،بىر ئاچچىق ئارامسىزلىققا دۇچ كەلگەن تەنلىرىم مۇشاقەت قىيامىدا پىشمىغان سويمىلىقىنى چاندۇردى.
ئازاپ بىلەن ئىڭراپ كەتتىم .بۇ يارامسىزلىقىم ئۈچۈن چىكەتكىلەر چىرىلداپ، پاقىلارمۇ كۇرۇلداپ  كۈلۈشتى .
ـــــ بىر پۈتۈن ئادەم سۈرى بىلەن چىدامسىزلىققا قۇل بولغان ماۋۇ مەخلۇق، ئەرش قىزىغا ئاشىقكەن تېخى ھا..ھا..ھا...
ھاقارەتنىڭ ئېكىگى قەلبىمنى غاجىلىغان شۇ دەقىقىدە ،مەن يارامسىزلىقىمنى دەپنە قىلدىم.
بىر ئۇلۇغۋار ئىشق دەۋرىگەن قەلبىمگە يارىشا، بىر يۈكسەك جەسۇرلىقنى خۇلقۇمغا قوندۇرۇش زۆرۈريىتى مېنى كۈتمەكتە...



بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-5-6 14:45  

مۇشاقەت ھېجرانلىرىمنى قىيام قىلماقتا .
سېغىنىش قۇشلۇرى چوقىلاپ تۇرغان يۈرۈكۈمدە ، بىر تاتلىق كۈتۈشنىڭ ئۇۋىسى بار.
شۇ تاپ ئۇپۇق قېزى لەرزان قاناتلىرى بىلەن ئۇچۇپ كېلىپ، قانىغان جاراھىتىمنى سۆيگۈ بىلەن تاڭڭسا ، باغرىمنىڭ تىلسىم دېڭىزلىرىدا  مىنەتتارلىق قولىلىرىم  مەرۋايىت تۇغماسمىدى؟...
بىراق ئۇ سۈكۈت  قۇچىقىدا بەختىم ئۈچۈن يۈلتۇزلاردىن قىرىق بىرتال تاش تېرىپ، پال سېلىپ ئولتۇرىدىغاندۇ .
مەن  ئېرىگەن سىماپ دەرياسىنى يۇتماقتىمەن .
قەلبىمدىكى پورۇقلىغان ماگمىلاردىن ھاياجان  ئۇرغۇپ ، ئۇپۇق تامام كۆتۈرۈلمەكتە...


بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-5-6 14:49  

لاۋۇلدىغان تۇيغۇغا چۆكۈش،غايەم چىرىغىنى خىرەلەشتۈرمىدى .
روھىمنىڭ ئالماس مۇنارىغا قونغان كەپتىرىم ، ئۇپۇق باغرىدا پەرۋازلىنىپ تۇراتتى.
نۇر پەردىسى ئىچىدە تۇرۇپ، مەسۇلىيىتىم ئۈچۈن تىلەك تىلىگەن ئۇپۇق قىزىنىڭ  خىيالىنى، دەرەخلەر يۇپۇرماقلىرىغا سىزماقاق بولدۇم .بىراق ماغدۇرسىز  دەرەخلەر، سالپايغان يۇپۇرماقلىرىنى مەندىن قاچۇردى.
ئۇلارنىڭ قورقۇمسىرىغان چىرايىدا ئىنسانلارغا  ئۆچلىكى چىقىپ تۇراتتى .   بىر ئۇلۇغۋار ئېكۇلۇگىيەلىك مۇھەببەتىن مەھرۇم قالغان ئورمانلارنىڭ ھەسرىتىگە   يۇتۇلغاندەك بولدۇم .
بىردىنلا دەرەخلەر ھۆڭرەك ئېتىپ يىغلاپ ، كېسىلگەن شاخلارنى، قومۇرۇلغان يىلتىزلارنى  ئالدىمغا تاشلىغىنىچە غەزەپ بىلەن ھۇمايدى .
مەن جىنايەتكار ئىنساننىڭ قىلمىشى ئۈچۈن قان قۇسقان ۋىجدانىمدىن بىر بۇردا توغراپ ، دوستلىرىمغا  يېگىزىش ئۈچۈن  يولۇمنى داۋاملاشتۇردۇم.


بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-5-6 17:01  

قەلبىنۇر نەسىرنى ھەقىقەتەن ياخشى يازىسىز جۇمۇ.

بۇنداق يەڭگىلتەك يازمىلارنى يازمايلى ،نەدىمۇ ئەرىشكە تۇتىشىدىغان يول بولسۇن ...


پاكىزە ئېتىقات  ئەرىشكە تۇتىشىدىغان يولدۇر .
دىننى چۈشەنچىلەردە پەلەكنىڭ ئەڭ يۇقىرى قىسمى ،ئەڭ يۇقىرى ئاسمان دەپ تەرىپلەنگەن ئەرىشنى ئىستەش، ئىنسان رومانتېكىسىنىڭ بىر قىسمى بولۇپ كەلگەن .
ئىنسان تەپەككۈرى ئۈچۈن ئامانەت قىلىنغان ئاي يۇلتۇزلارغا باشقىلار قونۇپ ،بوشلۇقتا لەيلىمە شەھەرلەرنى قۇرغىنى بىلەن بىزدەكلەر ئەرش يولى ھەققىدە سۆزلەشتىن قورقىمىز.
ئويلاشنى مەنىي قىلىمىز .خۇددى تەسەۋۇر قىلىپ بېقىش بىز ئۈچۈن مەھرۇدەك.
مەسنەۋى ئەپەندىمنىڭ نىمىنى كۆزدە تۇتقانلىقىنى ئاڭلاپ باققۇم بار.