قەلبىنۇر : ئەرىشكە تۇتاشقان يوللار [ئۇلانما كۆچۈرۈش]

كەشكى شەپەق قىزىنىڭ ھېلە- نەيرەڭ بىلەن تاڭ ئۇپۇقى سىياقىدا كۆز ئالدىمدا پەيدا بولۇپ تۇيغۇمغا ھوجۇم قىلىشى ، ئىنسانلىق ئىرادەمگە قويۇلغان قاپقان ئىدى .
ئاشۇ قاپقان ئالدىدا ، دەمالىققا تەمتىرەپ قالغان مەنىۋىي ئاجىزلىقىم،  يىگىتلىك دەرىخىمنى سىيپاپ ئۈتكەن شامالدەك روھىمنى سەگىتتى .
مەن گويا ۋىجدان خۇمدانىغا تاشلانغان بىر پارچە كېسەكتەك تاۋلانماقتىمەن .
تۈن قاراڭغۇلىقى شەپەق قىزىنىڭ بىردەملىك ھەۋىسىنى يالماپ كەتتى .
ئالدىنىش خورلىقى  ،ئۇپۇق نۇرانىلىقىغا بولغان مۇھەببىتىمنىڭ يىلتىزىنى چىڭايتماقتا .
مەن شۇ تاپ شەپەق قىزىنىڭ ئالدىمغا ئېلىپ چىققان تەببەسۈم پەتمۇسىغا كۆڭۈلچەكلىكىمنى ئۈزۈپ سېلىپ بەرمىگىنىمدىن مەمنۇن ئىدىم .
قەلبىمدە بولسا ئىبرەتنىڭ بىر تۈپ ئەتىرگۈلى غۇچچىدە غۇنچىلىدى...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-28 11:31  

كۈندۈزنىڭ شاۋقۇن دەرياسى توختاپ ،قاراڭغۇلۇق لېباسىنى چەكسىز چۆللۈكلەرگە يايغاندا ،چارچىغان تۇيغۇلىرىمغا ئۇيقۇ قوشۇنى باستۇرۇپ كەلدى-دە ، بىر جۈپ قاراقلىرىمنى ئولجىغا ئالدى .
پايانسىز قۇملۇقلارنى ياستۇق قىلغان ھالدا ئۇيقىغا غەرىق بولدۇم .روھىم تەن قەپىزىمدىن سۇغۇرلۇپ چىقىپ چۈش ئالىمىگە يۈرۈش قىلدى.
يېشىل نۇرغا ئورۇنۇپ ئۇچۇپ كەلگەن خىزىر بۇۋاي، قولۇمدىن يېتەكلىگەن ھالدا مېنى پايانسىز ئاسمان بوشلىقىغا ئېلىپ چىقتى .
قەلبىمدە بىر يۈكسەك ئېتىقات چايقىلىپ، تېلىمدىن ھەمدۇ- سانالار تۆكۈلەتتى .
يا تەڭرىم ! كۇپۇرلىق قىلىپ يۇلتۇزلىرىڭنى دەسسەپ سالارمەنمۇ؟...
بۇ سۆزىمنى ئاڭلىغان خىزىر بۇۋاي تەبەسۈم بىلەن  دىدى،
ـــــ ئاي يۇلتۇزلارنىمۇ ئىنسان تەسەۋۋۇرى ئۈچۈن ياراتقان
ئەقلىڭ بولسا ئۇنىڭدىن پايدىلان!
بۇ سۆز مەنىۋى نامراتلىقىمنى يادىمغا سالدى .ئىلاجىسىزلىق چېنىپ تۇرغان كۆزلىرىمگە لۈممۈدە يىغا ئولاشتى .چۈنكى يۇلتۇزلارنى ھوجۇر قىلغىدەك ئېقتىدار مەندە نەدىنمۇ بولسۇن  ...
.  

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-16 17:51  

يۇلتۇزلار جىمىرلاپ تۇرغان كۆزلىرى بىلەن، زىمىن باغرىدىن گويا سۇ ھورلىرىدەك كۆتۈرۈلۈپ ،ئۆزىنىڭ ھەيۋەتلىك تاشلىرىغا ئىلىشىپ تۇرىۋاتقان ئىنسانلارنىڭ ئارزۇ- ئارمانلىرىغا ، ئۆزىنى  بەخىت  قوندىقى قىلىش ئۈچۈن چۈشەكەۋاتقان شېرىن رومانتىكىسىغا قاراپ تاتلىقىناڭ كۈلەتتى.
  چۈنكى  ئۇلار ،  يېشىل ياقۇت ئىچىدە بېرلىياتتەك چاخناپ پېقىراۋاتقان يەر شارىنىڭ مۇئەللەقتىكى گۈزەل قىياپىتىدىنلا، ئۇنىڭغا ئاشىقى بىقارار ئىدى.  شۇڭا گويا بىر بۈيۈك بەخىت شامىلىدەك ئۇچۇپ كېلىپ،ئۆز باغرىغا ئاياخ ئىزلىرىنى قالدۇرۋاتقان ئىنسانلارنىڭ  قەدەملىرىگە  نۇر پاياندازىنى سالغان ئىدى.  
خام- خىياللارنى ئۆزىگە كۆمۈش ئۈچۈن،تەپەككۈرنى   گۈرجەك قىلىپ ، باغرىنى سۆيگۈ بىلەن كولاۋاتقان بۇ ئادەملەرگە بولغان ئامراقلىق، يۇلتۇزلارنىڭ چىرايىدىنلا بىلىنىپ تۇراتتى     . چۈنكى بۇ بەخىتلىك يولۇچىلارنىڭ ئۆشنىسىگە ئارتىلغان   خۇرجۇنلىرىدا، بىر سىقىم- بىر سىقىمدىن يېشىل ئۈممۈتنىڭ ئۇرىقى  بار ئىدى .
مەن ئېختىيارسىز ماڭا  تەمە بىلەن تېكىلگەن يۇلتۇزلاردىن كۆزۈمنى قاچۇرۇپ، ۋىللىدە قىزارغىنىمچە  پۇتۇمنىڭ ئۇچىغا قارىۋالدىم. چۈنكى ئۇلارغا سوۋغا قىلغىدەك ھىچنىمەم يوق ئىدى.

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-16 17:51  

يوقسىزلىق دەردى  تۇيغۇلىرىمنى قاناتماقتا. ئەمما مەن مۇھەببەتنىڭ سېھرى  كۈچى بىلەن ياشاپ كەلگىنىمنى بىلىمەن .
قەلب قەپىزىمدىكى   سۆيگۈ  كەپتىرى پۇررىدە ئۇچۇپ چىققىنىچە ئۇپۇق قىزىنىڭ دەرىزىسىنى چەككىلى كەتتى .
يېشىل نۇر ئىچىدە ماڭا ھىممەت كۆرسەتكەن ئاپپاق ساقاللىق بۇۋايمۇ ،غىپپىدە يۇلتۇزلار دالدىسىغا مۆكۈنۋالدى-دە، چۈش ئىلكىدىكى مەسخۇشلىقىمنى ئۆز مەيلىگە قويۋەتتى .
مەن لەززەت دەرياسىدا ئۈزۈش ئۈچۈن پىكىرلىرىمنىڭ يالاڭاش تېنىنى ئاشكارلىغىنىمچە، ئۇپۇق پەردىسىنىڭ ئىچىدە  سۈكۈت بىلەن تۇرغان قىزنىڭ جامالىغا تېۋىدىم .
ئەمما ئۇ ئەخلاق چۈمبىلىنى زادىلا قايرىمىدى .
مەن چوڭقۇر سۆيۈنۈش ئېلكىدە، ئۈزۈم ئېرىشمەكچى بولغان بىر مەنتىقىنىڭ ئىچىدە لېرىكىلىق تەۋرەندىم . باغرىمدىن نۇرانە بىر  ھاياجان نۇر ئۇچقۇنى بولۇپ تاراپ كەتتى.

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-16 17:50  

ھەممەيلەنگە تەشەككۈر !

سالامەت بولۇڭ مېھرىبان !

  

شۇ تاپ ئارلىقىمىز بىرلا قەدەم .
قەلبىمدىكى ھىسسىي مەنالار  سۈزۈك ۋەزىنلەردەك  بۇلدۇقللاپ كۆز بۇلاقلىرىمدىن ئېتىلىپ چىقتى .
تىل قىيامىغا تولغان بېقىشلىرىمدا ،يۈرەكنىڭ پۈتۈپ قويغان تەرجىمھالى كۈلۈمسىرەيتتى .
ئەمما ئارلىقىمىزدا نىپپىز ھايانىڭ گۈللۈك  پەردىسى  رومانتىكىمىز ئۈچۈن  گۈزەللىك بېرىپ يېيىلغان .
مەن ئىپپەت ئۇلۇقلىقىنى بايقىغان چىن ئەركەكنىڭ ئوبرازىدەك ئۇنىڭ شېرىن چۈش ئەلبۇمىغا  قىستۇرۇلدۇم .
ئۇ خۇددى دەۋرەپ تۇرغان  مۇھەببەتنىڭ دولقۇنى بولۇپ ھاياتىمنىڭ پايانىغا  سىڭىپ كەتتى .


بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-12 11:40  

يالقۇنلۇق سۇئاللىرىم  لەۋلىرىم ئارىسىدىن ئوخچۇپ چىقىپ، ئۇنىڭ بۈيۈك جاۋاپلىرى ئارىسىدا قىممىتىنى تاپتى .
ئىبارىلەرنىڭ  ئەۋرىشىملىرىنى تاللاپ تۇرۇپ ، سىپايلىققا ئورىغان ھالدا  ، ئۇپۇق گۈزىلىنىڭ دىلىنى سىيلىماقتىمەن .
ـــ  تاڭ دەرۋازىسىغا قاچاندىن بېرى قاراپ كەلدىڭىز؟
ـــ  ئەلمىساقتىن بېرى.
ـــ تاڭ   پەردىسىنى قايرىش ئىشىڭىزدىن چارچىمىدىڭىزمۇ؟  
ـــ   چارچاش مەن ئۈچۈن مەھرۇدۇر.
__   نىمىدىن   سۆيىنىسىز ؟
ـــ  ئىنسانلارغا تاڭ شەپىسىدىن بېشارەت بېرەلىگىنىمدىن  .
__  نىمىشقا مېنى دەرگاھىڭىزدا قوبۇل قىلدىڭىز؟
ــــ چۈنكى ھىچكىم ئاسمان مۈلكىنى كۆزلىمەيدىغان شەخسىيىتى بىلەن مېنى سىزدەك دېرەكلەپ باقمىغان .
ــــ  ئاۋۇ  باغرى چاك- چاك  يېرىلىپ   تۇرغان بۇلۇتلار  نىمىشقا  كۆز يېشىنى سىزگە كۆرسەتمەي زىمىنغا تۆكىدۇ؟
ــــ يورۇغلۇق ئىشىكىمنىڭ  قۇلۇپىنى  ئاچالمىغىنى ئۈچۈن.
ـــ  ئۇلارغا ئىمكانيەت بەرمىدىڭىزمۇ؟
ــــ ئۇلاردا ئەمەلگە  ئاشۇرالمايدىغان قۇرۇق   ئارزۇ ھەۋەسلا   بولغان.
ــــ  مېنى  چۈشىنەمسىز؟
ــــ سىز بىر ئۆلگەن روھنىڭ تىرىلگەن ئۈممۈدى،قەلبىڭىزدە ئازاپتىن سىقىلغان ئېنتىزارلىق بىلەن لاۋىلداپ تۇرغان مۇھتاجلىق بار.
ــــ بىز ۋىسال قىيامىغا تولغان توي شەربىتىنى ئىچەلەمدۇق؟
ـــ سىز يېشىل چوققىلارغا يامىشىپ ئەقىل بۇلىتى بىلەن رىياللىقىڭىزدا مەن تەرەپكە ئۇچۇپ چىقىڭ ، بىز غايىبى بىر پىلانىتا ئىچىدە مۇنار ياساپ ،ئۇنى   ئەركىنلىك ماكانىغا ئايلاندۇرايلى  .
ـــــ  يالغۇز ئىككىمىزلا  ياشامدۇق؟
ـــــ  سىزنى   ئۆز قەۋمىڭىزدىن ئايرىغىم يۇق. ئۇلارمۇ ئۇچۇپ چىقسۇن. بۇ پايانسىز چەكسىزلىككە ھەممىمىز سىغىمىز...
  شېرىن دىيالۇگلار ئارىسىدا گۈزەل مەخسەتنىڭ گۈللىرى غۇنچىلىدى. تەپەككۈرۈمنىڭ پىشىپ قالغان غولىدا باش ئالغان بىر تۈپ  ئۇرۇقچىنى ئۇپۇق قىزىغا تۇتقازغىنىمچە ئۇيغۇنۇپ كەتتىم . شېرىن چۈشنۈڭ تاتلىق ھوزۇرى تومۇرلىرىمغا تارىماقتا...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-12 11:46  

تىل ئىشلىتىشىڭىز بەك ياخشى بۇلۇپتۇ.

مەن ئۇيغانغاندا ،كۆز ئالدىمدا قايتا زاھىر بولغان بارخانلار، مۆجۈزىلىك چۈشلۈرۈمدىن بېشارەت تىلەپ قاراپ تۇرۇپتۇ .
ئۇنىڭ مۇزدەك باغرىدىن تارىخنىڭ ئىڭرىغان ئاۋازى ئاڭلىنىدۇ .
تاتارغان چىرايىدا سانسىز ئۈممۈتلەرنىڭ سولتايغان ئالامىتى بار .
مەن جانلىق تەپەككۈرۈمنى گۈرجەك قىلىپ، بارخانلار ئىچىدىكى خارابىيلىكلەرنى قازماق بولدۇم .
كېملىك قەبرىسىگە كۆمۈلگەن كەھرىۋالارنى ئۇپۇق قىزى ئۈچۈن تويلۇق سوغىسى قىلىشنى ئىستىگەن ئارمىنىمدا ،بىر گۈزەل فانتازيە
قۇش چۈجىسىدەك يۇمران پەي چىقارماقتا ...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-18 12:26  

دىللارنى لەرزىگە سالىدىغان ئېسىل نەسىرلىرىڭىزنى سۆيۈپ ئوقۇيمەن، گۈزەل تۇيغۇلىرىڭىز يەنىمۇ پەرۋاز قىلسۇن ھەدە، بەرىكەتلىك بولۇڭ!

ماڭا رىغبەت بېرىپ تۇرۋاتقان بارلىق ئوقۇرمەنلىرىمگە ئېھتىرام بولغاي!

  چەكسىز قىيالماسلىق سىزىقىنىڭ ئۈستىدە تۇرۇپ ئاداقى مەنزىلگە تەلپۈنمەكتىمەن .
ۋۇجۇدۇمدا ئىشىق ۋەسۋەسىسى بىلەن زىمىنغا چوڭقۇر  كۆمۈلگەن   ئەقىدە تەڭلا مەۋجۈت .
شۇ تاپ بىر تۈپ دەرەختەك تۇپراققا يىلتىز تارتىپ غايەت بىر سېھرى قۇدرەتتە پەلەككە بوي تاتىپ ، ئۇپۇق قىزىنى لەۋلىگىدەك ئىمكانيەتكە  ئېرشەلىسەم  ، ئارمىنىم ئەرىش بوسۇغىسىدا چىچەكلەيتتى .
بۇ خىل ئىمكانيەتسىزلىك ئالدىمغا دەۋرەپ كەلگەندە ، ئارمىنىم   رىيالىقىم بىلەن  دوستلىشىشى زۆرۈرلىكىنى ھىس قىلماقتا ...


بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-19 11:35  

چەكسىز بارخانلار  قول پۇلاڭلاتقانچە ئارقامدا قالدى .
مەن ئۇنىڭ ھېكىمەت كۆمۈلگەن باغرىغا يەنە بىر قېتىم قايرىلىپ تۇرۇپ ،ئۇزۇن تىكىلدىم .
ئىككى تامچە كۆز يېشىمنى   قۇملۇقلارنىڭ شېرىن لەۋلىرى  شورىۋالدى .
قىيالمىغان بىر كۈتۈش ئۇلانىڭ چېھرىدە چىچەكلەپ تۇراتتى.
مەن  ئەرش يولىنى ئۇنىڭ باغرىدىن ئىزدىگەن ئىدىم .ئۇ، بۇ چوڭقۇر مەنا يوشۇرۇنغان زارىقىشلىرىم ئۈچۈن سۆيۈندى.
ـــــ   تاڭلا بىر كۈنى ئۇپۇققا چىقىدىغان بەخىت شوتىسىنى سېنىڭ باغرىڭغا قويىمەن، چۈنكى ئۇنى تىرەپ تۇرىدىغان ئەجداتنىڭ ئارزۇسى ساڭا كۆمۈلگەن- دېدىم ،تەسەللى ئوقچىغان پىكىرلىرىمنى  ئۇنۇڭغا قالدۇرغان ھالدا ۋاقىتلىق خوشلۇشۇپ .
بىر تاتلىق تەسەلىيدە  ھاياجانلانغان قۇم دۆڭلۈكلىرى  گاھ يۇقاپ ،گاھ چوخچۇيۇپ ئاجايىپ بىر مەنزىرىنى قاراقلىرىمغا  سىغدىغانچە  دولقۇنلاندى ، ئاندىن ئاستا- ئاستا  سۈكۈت ئۇلۇغلىغىنى چۈشەنگەن ھەقىقەتتەك يىراغلاشتى .
ئەمما مەن  ئارىمىزدا مەڭگۈلۈك  يىراغلىشالمايدىغان ئەقىدىنى  سەزمەكتىمەن...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-26 23:40  

يۈرۈكۈمنى ئۈزۈپ ئېلىپ  قوڭغۇراق  قىلدىم.ئۇ تاغۇ- تاشلارغا    ئۇرۇلغانچە جىرىڭلاپ كەتتى . ئۇنىڭ ھەيۋەتلىك ساداسىغا جۆر  بولغان  تۇيغۇلىرىم پەرۋازلاندى .  
مەن كۈكۈم تالقان بولمايدىغان بىر ئىرادىنىڭ روھى دۇنيارىمدا بىخسۈرۈپ چىققىنىنى ھىس قىلدىم-دە ،قۇڭغۇراق ساداسىىنى كۈچلەندۈرگەن غايىبى  شاماللارنى ئەگشكىنىمچە  تىلسىز قۇملۇقلاردىن يېنىپ چىقتىم .
بۇ سادا بىردىنلا بىر پارچە ئوتقا ئايلىنىپ ، ئاندىن سانسىز ئۇچقۇنلارغا ئايلىنىپ ،قەۋىم  بۇلىقىدىن سۇ ئىچۋاتقان قېرىنداشلىرىمنىڭ  باغرىغا  چېچىلىپ كەتسە  ،ئارمىنىم  پايانىدا بىر ئىشىق دەرياسى دەۋرەيتتى .
مەن تەنھا ئاشىقلىق يولىدىن يالتىيىپ ، ئۇپۇق قىزى بىلەن تويلاشقاندا ئۆلەن ناخشىسى بىلەن ۋىسال تەمبۈرىنى چېلىپ ،شاتلىقىمغا كۈلكىسىدىن چاچقۇ چاچىدىغان  دوستلىرىمغا مۇھتاجلىقىمنى  سەزمەكتىمەن.
بىر  سۆيگۈلۈك مېھىر ئۆستىڭى قەلبىمنىڭ مۇنبەت تۇپرىقىدا قېزىلدى . ئۇنىڭ شەربىتىنى ئۈزۈم سۆيگەن زىمىننىڭ قۇچىقىغا باشلىۋەتتىم... بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-22 16:06