قەلبىنۇر : ئەرىشكە تۇتاشقان يوللار [ئۇلانما كۆچۈرۈش]

ئەرىشكە تۇتاشقان يوللار

( چاتما  نەسىرلەر )

ئەرىشكە تۇتۇاشقان  يوللاردا ئۇچىۋاتقان قىز    ،ئالتۇن قاناتلىرىنى كېرىپ ، ئاسمان گۈمبىزىنىڭ پايانسىزلىقىدا  پەرۋازلانماقتا  گويا نۇسرەت تۆكۈلۈپ تۇرغان پاكىزە كۆڭۈلنىڭ قۇشلىرىدەك.
رىياللىق  قەپىزىدە تىپچەكلەپ تۇرغان تورغاينىڭ بوغۇق ئاۋازى .قەپەزلەر تاملىرىنى چاقماقتا .ئۇنىڭ قىز روھىغا ئەگەشكەن ئىنتىزارلىقى  ئۈچۈن،  يۇلتۇزنىڭ باغرى رەشىك ئوتىدا يارىدار .
ئەي! روھ قۇشلىرىغا ئايلانغان، قەلىب مۇنبىرىنىڭ ساھىبجامالى  ، زىمىنغا چېچىش ئۈچۈن سىقىمدىغان ئالقانلىرىڭدا پەزىلەتنىڭ ئۇرىقى  بولسۇن! ...

سېنىڭ يېشىل شوتاڭ ئەرىش گىرۋىكىگە تۇتاشقان .
يۇمشاق تاۋاردەك سېلىنغان پاياندازىڭدا، ئارمىنىمنىڭ مۇلايىم كۈتۈشلىرى بار .
تېۋىشسىز ھىممىتىم بىلەن، ئەقىدە  قۇشلۇرۇمغا قوندۇرۇپ ئۇچۇرۋاتقان ئىلتىپاتىمنىڭ  مەنالىرىنى چۈشەنسەڭ، ئەرىش بوسۇغىسىغا بىر تۈپ مەمنۇنيەت گۈلىڭنى تىك ، ئۇنىڭ خۇش بۇي ھىددى ئاسمان بوشلىقىغا تارالسۇن ...

چاك- چاك يېرلىپ تۇرغان بۇلۇتلارنىڭ باغرىغا سېڭىش ئۈچۈن، بىر تېمىم قەترە بولۇپ تۆكۈلگىنىڭدە ، سەن ئۈچۈن ئارىيەت بەرگەن كۆز يېشىمنىڭ قەدرىنى بۇلۇتلارغا شىۋىرلاپ قوي!

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-5-13 12:00  

ئۈنسىز ئوقۇپ كېلىۋاتىمەن نەسىرلىرىڭىزنى ،قەلمىڭىز بەرىكەتلىك بولسۇن قەلبىنۇر !

ھەربىر سۆزلەردىن لىرىكا تۆكۈلۈپ تۇرغان مېغىزلىق نەسىرلىرىڭنى بەكمۇ ياقتۇردۇم..

قەلىمىڭىز توختاپ قالمىغاي.

چۈشلىرىم ئۈزۈمگە تەۋە،ھەم ئۈزۈمگە ئايان.رەڭ تۈزگەن چۈشلەر قوينىدا مەن ھەر زامان  مۇڭلىنىپ ئولتۇرىمەن .خىياللىرىمدىن تاتلىققىنا بۇۋاقلارنى تۇغدۇرغىنىمداچىچەكلەپ تىنمىغان ھىس تۇيغۇلىرىم ئەرىشكە تۇتاشقان بۇلىدۇ .چۈنكى  زىمىن  بۇنىڭغا تارلىق قىلغان.

قەلبىنۇردەمنىڭ نەسىرلىرى قىسقا ھەم تېتىملىق،ئوقۇغان ئادەم خىياللارغا ئەسىر بولىدۇ،نەسىر ئوقىسا ئىچى پۇشىدىغانلار ئۇنىڭ نەسىرلىرىنى ئوقىسا يەنە ئوقۇغىسى كېلىدۇ،ئىخچام،قىسقا بولۇش ئۇنىڭ نەسىرلىرىنىڭ يەنە بىر ئالاھىدىلىكى...

قەلبىنۇردەمنىڭ نەسىرلىرى قىسقا ھەم تېتىملىق،ئوقۇغان ئادەم خىياللارغا ئەسىر بولىدۇ،نەسىر ئوقىسا ئىچى پۇشىدىغانلار ئۇنىڭ نەسىرلىرىنى ئوقىسا يەنە ئوقۇغىسى كېلىدۇ،ئىخچام،قىسقا بولۇش ئۇنىڭ نەسىرلىرىنىڭ يەنە بىر ئالاھىدىلىكى...

بۇ نەسىرنى ئوقۇغان دەقىقىلەردە شۇنى ھىس قىلدىمكى: تۇرمۇشتىكى چەكسىز يىڭىلىنىشلاردا دەممۇ-دەم يىڭىلىنىۋاتقان ‹‹ مۆجىزە››لەر ئىچىدە ياشاۋاتىمىز. بەرھەق ‹‹ئەي! روھ قۇشلىرىغا ئايلانغان، قەلىب مۇنبىرىنىڭ ساھىبجامالى  ، زىمىنغا چېچىش ئۈچۈن سىقىمدىغان ئالقانلىرىڭدا پەزىلەتنىڭ ئۇرىقى  بولسۇن! ...››

بەكلا ياقتۇردۇم.

     پايانىغا كۆز يەتمەس،بۈيۈكلىكىگە كۆز تەگمەس ھايات بىزنى نەسىر دۇنياسىغا باشلايدۇ، بىز كۈندە نەسىر ئىچىدە ياشايمىز،بىراق بۇنى سىزەلەيدىغان،ھەم يازالايدىغانلا ساناقلىقلا.

   

  

ئۇپۇقنىڭ نېپپىز پەردىسى ئىچىدىن،  ھايا، قىزنىڭ چېھرىدىن كۆرۈنمىسە، جېلۋىگەر ئۇپۇقمۇ ئىس- تۈتەكتىن باشقا نەرسە ئەمەس...

چەكسىز كۈتۈشلەرنىڭ باغرىغا، نىسبىي مۈمكۈنچىلىكنى  سىغدىغىنىڭدا،   شەلپەردەك قىزارغان خىجالەتنىڭ تۈۋىدىن بىر تۈپ ئەتىرگۈل كۆكلەيدۇ.

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-5-13 12:01  

قىسقا ۋە تېتىملىق ،چوڭقۇر نەپىسلىك نەسىرلىرىڭىزنىڭ خىرىدارى بولغىنىمدىن ھاياجانلاندىم ھەدە.
قەلبىم لەرزان بىر مۇزىكىنىڭ رېتىمىغا ماسلىشىپ كېتىپ بارىدۇ. شۇڭا بۇ نەسىرلەرنىڭ ئۈزۈلمەسلىكىنى كۈتىمەن.

   مېنىڭ سەۋىيەم بەك تۆۋەنمۇ ياكى مەن بەك زىغىرچىمۇ ،بىلمىدىم.كۆپلەر ماختاۋاتقان بۇ نەسردە مەن ئىملا خاتالىقلىرىدىن باشقا بەزى سۆزلەر ئۇقۇم جەھەتتە خاتا قولىنىپلا قالماستىن ،دەبدەبىلىك سۆزلەر بىلەن يېزىشقا كۈچەپ كېتىلىپ بەدىئىيلىكىنىڭ تۆۋەن بولۇپ قالغانلىقىنى ھېس قىلدىم.مەسىلەن،بۇ  بۆلەك نەسىرگە قاراپ باقايلى:



چاك- چاك يېرلىپ تۇرغان بۇلۇتلارنىڭ باغرىغا سېڭىش ئۈچۈن، بىر تېمىم قەترە بولۇپ تۆكۈلگىنىڭدە ، سەن ئۈچۈن ئارىيەت بەرگەن كۆز يېشىمنىڭ قەدرىنى بۇلۇتلارغا شىۋىرلاپ قوي!   

بۇ جۈملىنى مەن مۇنداق چۈشەندىم«تەشنالىقتا زارىقىپ تۇرغانلارنىڭ تەشنالىقىنى قاندۇرۇش ئۈچۈن («چاك-چاك يېرىلىپ تۇرغان بۇلۇتلارنىڭ باغرىغا سىڭىش ئۈچۈن» دېگەن جۈملىدىكى «چاك-چاك يېرىلغان بۇلۇتلارنى» مەن تەشنالىقتا قالغۇچىلار ،دەپ چۈشەندىم.ئۇنىڭ ئۈستىگە بۇ پارچىدا «تەشنالىق»نىڭ زادى قانداق تەشنالىق ئىكەنلىكىنىڭ ئۇچۇرى يوق.بولمىسا بۇ تەشنالىق ھەرگىزمۇ ئاپتۇر تىلغا ئالغان بۇلۇتلارنىڭ «تەشنالىقى»ئەمەس،)گىياھلارنىڭ تەشنالىقىنى قاندۇرغان شەبنەملەردەك ئۇلارنىڭ باغرىغا چۈشۈپ ئۇلارنىڭ تەشنالىقىنى قاندۇرغىنىڭدا  مېنىڭ دەۋىتىم بىلەن( «سەن ئۈچۈن ئارىيەت بەرگەن كۆز يېشىمنىڭ قەدرىنى »دېگەن جۈملىنى مەن شۇنداق چۈشەندىم.)شۇنداق قىلغىنىڭنى ئۇلارغا (يەنى«بۇلۇتلارغا»نى)بىلدۈرۈپ قوي.»بۇ گەپلەر بىلەن ئاپتۇر زادىنى قانداق مەنىنى ئىپادىلىمەكچى؟«چاك-چاك يېرىلغان بۇلۇتلار»زادى نېمىگە سىمۋول قىلىنغان؟بۇنى ھەرقانداق بىر «تەشنالىق»چۈشەنگەندە ،بۇنداق تەشنالىقنى قاندۇرغۇچىنى قانداق بىر «ئۇنۋېرساللىق »
دەپ چۈشىنىش كىرەك؟

ئۇپۇقنىڭ نېپپىز پەردىسى ئىچىدىن،  ھايا، قىزنىڭ چېھرىدىن كۆرۈنمىسە، جېلۋىگەر ئۇپۇقمۇ ئىس- تۈتەكتىن باشقا نەرسە ئەمەس...

     بۇ پارچە بىر نەچچە جۈملىدىن تۈزۈلگەن مۇستەقىل بۆلەك،«ھايا»دېگەن سۆز پەش بىلەن ئالدى ھەم كەينىدىكى جۈملىلەردىن ئايرىۋىتىلگەن.بىر پەشنى ئارتۇق قويۇپ سالغان ،دەپ ئۇ سۆزنى ئالدىدىكى جۈملە بىلەن باغلىغاندا زادى ماس كەلمەيدۇ. چۈنكى «ھايا»دېگەن سۆز ئادەمنىڭ ھەركىتىگە قارىتىلغانكى ،ئۇنى ئۇپۇقتىن ئىبارەت تەبىئەت ھادىسسىنى مەلۇم مەقسەت ئۈچۈن سۈپەتلەشكە پەقەت توغرا كەلمەيدۇ.ئەگەر بۇ ھايا دېگەن سۆزنى ئاپتۇر «قىزنىڭ چىھرىدىن كۆرۈنمىسە...»دېگەن  جۈملىدە   «چىھرىدىن »دېگەن سۆزنىڭ كەينىگە قويۇشنى ئۇنتۇپ قالغان دەپ قاراپ ،بۇ جۈملىنى «قىزنىڭ چىھرىدىن ھايا كۆرۈنمىسە» دەپ تۈزىتىپ ئوقۇغان ئەھۋالدىمۇ ،چىھرىدىن ھايا كۆرۈنمەيدىغان قىز سەۋەبىدىن ئۇپۇقنىڭ ئىس-تۈتەكتىن باشقا نەرسە ئەمەس بولۇپ قالىدىغانلىغىنى زادى چۈشەنگىلى بولمايدۇ.ئاپتۇر  بۇ نەسىرلىرىگە قايتا قاراپ باقسىكەن!

سۈرەتكە قاراپ بىر نەرسە يېزىش كۆپ ھاللاردا ئاپتۇرنى تۆۋەن ئورۇنغا  چوشۈرۈپ قويىدۇ. بىزنىڭ خانىملاردا بۇ ئەھۋال بەك ئېغىر. بولۇپمۇ، مەزكۇر تور بەتتە... ھەر كىمنىڭ تاللىغان يولىغا ھۆرمەت قىلىش بىزدىكى كونىراپ كەتكەن يېڭىچە مىزان بولسىمۇ، يەنىلا تۇيغۇمىز بىلەن سىردىشايلى!  

ئەرش ئۇ –بىر گۈزەل رومانتېكىنىڭ پايانىغا يېيىلىپ تۇرغان بوشلۇق.
مەن دەخىلسىز ئىمتىيازنى ئىستەپ تۇرۇپ ، يۇلقۇنۇپ قاچقان بەخىتنى قوغلىغۇچى.

مەن يۇم-يۇم يىغلاپ تۇرۇپ ،ئەتىكى باھارنىڭ بىشارىتىنى سېنىڭدىن ئىزدىدىم .
سەن  سەھەرنىڭ نىقابىنى  قايرىپ، قىزغۇش رەڭدە كۈلۈمسىرىگەندە ، قەدرىڭ ئۈچۈن چېچىلغان نۇر  چەشمىلىرىنى  قوياش سەندىن ئايىمىدى .
مەن گويا قىزلىق جىنىستا يارىتىلغاندەك قان رەڭگىگە ئوخشايدىغان باغرىڭدىن بىر گۈزەل  ئىپپەت پاكىزلىغىنى ئىزدەيتىم.
شۇڭا سۆيگۈلۈك  مەنالاردا ئاستا شىۋىرلىدىم :
____ ئۇپۇق ،دەل مەن ئىزدىگەن قىز ...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-9 14:14