يازغۇچىلار جەمئىيىتى ئەزالىرىغا ئۇقتۇرۇش [ئۇلانما كۆچۈرۈش]

            شىنجاڭ يازغۇچىلار جەمئىيىتى ئەزالىرىغا ئۇقتۇرۇش

         نۆۋەتتە تور، كومپىيۇتېر، يانفۇن قاتارلىق ئېلېكترون، ئالاقە ئۈسكۈنىلىرىنىڭ كەڭ تۈردە ئومۇملىشىشغا ئەگىشىپ، كىشىلەرنىڭ توردا، كومپىيوتېردا، يانفۇندا كىتاب كۆرۈشى ئۈچۈن كەڭ ھەمدە قولايلىق شارائىت يارىتىلدى. كىتابنى ئېلىپ ئوقۇشقا ئۈلگۈرمىگەن كىشىلەر رەقەملىك كىتابنى تاللاپ ئوقۇشتەك يېڭى ۋەزىيەت تەدرىجى بارلىققا كېلىشكە باشلىدى. كىتابلارنىڭ رەقەملىك نۇسخىسىنى نەشر قىلغاندا، مەزكۇر ئەسەرنىڭ تارقىلىش يوللىرىنى تېخىمۇ كېڭەيتكىلى، ئەسەر ۋە ئەسەر يازغۇچىنى تېخىمۇ كەڭ تۈردە تەشۋىق قىلىش مەقسىتىگە يەتكىلى بولىدۇ. ئەمما، يېقىندىن بۇيان بىر قىسىم ئۇيغۇرچە كىتابلارنىڭ سۈپەتسىز كۆچۈرۈلگەن رەقەملىك نۇسخىلىرى تور ۋە باشقا ۋاستىلەر ئارقىلىق كەڭ تارقىلىپ يازغۇچىلىرىمىزنىڭ قانۇنلۇق ھوقۇق مەنپەئەتىگە دەخلى – تەرۇز يەتكۈزمەكتە، شۇنىڭدەك  يازغۇچىلىرىمىزنىڭ قەلەم ھەققى قاتارلىق ئېقتىسادى مەنپەئەتلىرىنى زىيانغا ئۇچراتماقتا. يۇقۇرىقىدەك ئەھۋالنى كۆزدە تۇتۇپ، جەمئىيىتىمىز شىنجاڭ ياشلار – ئۆسمۈرلەر نەشرىياتى بىلەن ئەزالىرىمىز ئارىسىدا ئېلېكترونلۇق نەشر ئەسەرلىرىنى قانۇنلۇق قوغداش ۋە يازغۇچىلارنى مەنپەئەتلەندۈرۈش ئۈچۈن كۆۋرۈكلۈك رول ئويناشنى ئويلاشتۇق.
  شىنجاڭ ياشلار – ئۆسمۈرلەر نەشرىياتى ئاپتونۇم رايۇنىمىزدىكى بىردىن بىر ئېلېكترونلۇق نۇسخىدىكى كىتابلارنى نەشر قىلىش ۋە تارقىتىش ھوقوقىغا ئىگە نەشرىيات بولۇش سۈپىتى بىلەن يازغۇچىلار بىلەن ئۆز ئەسەرلىرىنىڭ ئىلىكترونلۇق نۇسخىسىنى نەشر قىلىش توختامى ئىمزالىماقچى. شىنجاڭ ياشلار – ئۆسمۈرلەر نەشرىياتىدىن ۋە باشقا ھەرقانداق نەشرىياتتىن كىتابلىرى نەشر قىلىنغان بارلىق يازغۇچىلىرىمىز ئىختىيارىلىق ئاساسىدا، شىنجاڭ ياشلار – ئۆسمۈرلەر نەشرىياتى بىلەن ئېلېكترونلۇق نەشر كېلىشىمى ئىمزالىسا بولىدۇ.
ئەسەرلەرنىڭ رەقەملىك نۇسخىسى نەشر قىلىپ تارقىتىلغاندىن كېيىن، توختامدا بەلگىلەنگەن نىسپەت بويىچە يازغۇچىغا تېگىشلىك قەلەم ھەققى نەقلەشتۈرۈپ بېرىلىدۇ.
يازغۇچىلىرىمىزنىڭ ئىجادىي ئەسەرلىرىنىڭ زامانىۋىي ئۇچۇر يولى بىلەن قانۇنلۇق تارقىلىشىنى ئىلگىرى سۈرىدىغان ۋە مەنپەئەتىگە قانۇنلۇق كېپىل بولالايدىغان مەزكۇر خىزمەتنى ئاكتىپلىق بىلەن قوللىشىنى، يازغۇچىلىرىمىز ئىختىيارلىق ئاساسىدا ئېلېكترونلۇق نەشر توختامىغا ئىمزا قويۇپ، شىنجاڭ ياشلار – ئۆسمۈرلەر نەشرىياتقا ئەۋەتىپ بېرىشىنى ئۇقتۇرىمىز.

          ھۆرمەت بىلەن:

شىنجاڭ يازغۇچىلار جەمئىيىتى
2013 – يىلى 5 – ئاينىڭ  7- كۈنى

ئالاقە ئادرېسى: ئۈرۈمچى شەھرى شىمالىي بېيجىڭ يولى 29- نومۇر: شىنجاڭ ياشلار – ئۆسمۈرلەر نەشرىياتى ئۇيغۇر تەھرىر بۆلۈمى. پوچتا نومۇرى: 830012

乌鲁木齐市北京北路29号新疆青少年出版社维文编辑部，
邮编：830012

ئالاقىلاشقۇچى: ياقۇپجان ياسىن
ئالاقە نومۇرى: 13659919013، 0991 – 7833956   

قوشۇمچە: شىنجاڭ ياشلار – ئۆسمۈرلەر نەشرىياتى بىلەن تۈزىلىدىغان ئېلېكترونلۇق نەشر كېلىشىمىنى چۈشۈرۈش ئادرىسى:

بۇ يەرنى بېسىپ چۈشۈرۈڭ

مانا بۇ نەشرىياتچىلىقنىڭ يېڭى بىر چىقىش يولى.
يازغۇچىنىڭ يېڭى بىر سەھنىگە ئىگە قىلغانلىقى.
بۇنىڭدىن ئوقۇرمەنمۇ، نەشرىياتمۇ، يازغۇچىمۇ ئوبدان نەپ ئالىدۇ. بۈگۈنكىدەك ھەر كىم پىدائىي بولۇپ ئەسەر يوللاش، ئەسەر يېزىش، ھەقسىز ئوقۇش ھامان ئاقمايدىغان بىر ئىش. توغرا بولغان مىخانىزىم مېنىڭچە مۇشۇنداق بولىشى كېرەك.

بەك ئەھمىيەتلىك ئىش بولۇپتۇ، ماڭا پوچتىدىن كەپتىكەن، ئىمزا قويۇپ ماڭدۇرۋەتتىم

نەشىرياتچىلىق ساھەسىدە يېڭى بىر باشلىنىش بوپتۇ،

نەشىرياتچىلىقىمىز ئەمدى تەرەققىيات ۋە بازار يولىنى تېپىپتۇ!

نەشىرياتچىلقىمزىنىڭ يېڭى تەرەققىياتى مانا بۇ؟

     ھازىرقى يۈزلىنىش مۇشۇ. 2012 - يىلى 6 -ئايدا مەركىزىي ئاخپارەت- نەشرىيات ئىدارىسى بىز (ئاخپراتچىلار) گە ئاچقان كۇرستا: «بۇندىن كېيىن، كىتاب-ژۇرنالنى ئىككى خىل چىقىرىسىلەر، بىرى، ئېلېكتىرونلۇق نۇسخىسى، يەنە بىرى، قەغەز نۇسخا بولىدۇ...» دېگەننى بەك تولا تەكىتلەپ كەتكەن. بۇ شۇ يوليورۇقنىڭ ئەمەلىيلىشىشى. كىم ئۇيقۇسىنى بۇرۇن ئاچسا، شۇنىڭ نېنى پۈتۈن بولىدۇ... بۇ يازمىنى ئاخىرىدا   ئابدۇرېھىم زۇنۇ تەھرىرلىگەن. ۋاقتى  2013-6-18 17:54  

ئەمدى تور دۇنياسىدىكى ھەتتا ئاپتور ۋە قانۇنىي نەشر ھوقۇق ئىگىلىرىنىڭ رۇخسىتىنىمۇ ئالماي، ئۇلارغا ھېچقانداق ھەقمۇ بەرمەي «پالانچى روماننى چۈشۈرىۋېلىڭلار!» دەيدىغان قانۇنسىز قىلمىشلارنى چەكلەيدىغان ۋاقىت كەلگەن ئوخشايدۇ.
شىنجاڭ ياشلار - ئۆسمۈرلەر نەشرياتىنىڭ خەنزۇ تەھرىر بۆلۈمى ئالدىنقى يىللاردىن باشلاپلا بۇ ئىشنى قولغا ئالغان. ئۇلار ھازىرغىچە خېلى ئەمىلىي خىزمەتلەرنى ئىشلەپ بولدى. ھەرنىمە بولسا بىزنىڭمۇ بەك كېچىكمەپتۇ. بۇ ئىشنىڭ ئوڭۇشلۇق داۋاملىشىشىنى ئۈمىد قىلىمەن.

ئوڭۇشلۇق بولۇشىنى تىلەيمەن

     بارىكاللا.  ئەدەبىياتتا تەرەققىياتلار  زور بولغۇسى !!!

ياخشى ئىش بولۇپتۇ  مانا ...

يازغۇچى،شائېرلارنىڭ ئەسەرلىرى ئەمدى قەدىرىنى تاپىدىغان بولدى. تولىمۇ ئەھمىيەتلىك بىر ئىش بۇلۇپتۇ.

بۇ بىر ياخشى باشلىنىش بولۇپتۇ.

تېخي ئېلان　قىلىنمىغان ئەسەرلىرىمىزمۇ بولىۋېرەمدۇ...