قەلبىنۇر : ئەرىشكە تۇتاشقان يوللار [ئۇلانما كۆچۈرۈش]

يازمىلىرىڭىز ئۈزۈلمىگەي قەلبىنۇر،بەرىكەتلىك بولۇڭ.

قەلىمىڭىزگە بەرىكەت تىلەيمەن .

مېنىڭ سەۋىيەم بەك تۆۋەنمۇ ياكى مەن بەك زىغىرچىمۇ ،بىلمىدىم.كۆپلەر ماختاۋاتقان بۇ نەسردە مەن ئىملا خاتالىقلىرىدىن باشقا بەزى سۆزلەر ئۇقۇم جەھەتتە خاتا قولىنىپلا قالماستىن ،دەبدەبىلىك سۆزلەر بىلەن يېزىشقا كۈچەپ كېتىلىپ بەدىئىيلىكىنىڭ تۆۋەن بولۇپ قالغانلىقىنى ھېس قىلدىم.مەسىلەن،بۇ  بۆلەك نەسىرگە قاراپ باقايلى:........




مۇلاھىزىلىرىڭىزدىن سۆيۈندۈم .ئوي خىيالىمغا يىقىنلىشىشقا تىرشىپسىز .    بەلكىم يازمىلىرىمدا خاتا كەتكەن تەرەپلەر بولىشى مۈمكۈن .ئەلۋەتتە ھىچكىم مۇكەمەللىك ئاسمىنىغا چىقىپ باقمىغان شۇڭا يىتەرسىزلىكلەر ھەقىدە بېرىلگەن مۇشۇنداق سەمىمى پىكىرلەرنى خاتىرلەپ ماڭىمەن بۇ ئىجاديتىم ئۈچۈن تولىمۇ پايدىلىق.
بىراق بۇ ئەسىرىمدە نىمە دىمەكچى بولغىنىمنى ئۈزۈم دەپ ئولتارسام بولمايدۇ شۇڭا مەن سۈكۈتتە تۇرۇپ يازغانلىرىمنى ئوقۇرمەنلەر تەسەۋۇرىغا تاپشۇراي.

ن. ھاشىم   سىزگە  كۆپ تەشەككۈر ! قىمەتلىك پىكىرلىرىڭىزنى يەنە ئاڭلىغۇم بار .

سۈرەتكە قاراپ بىر نەرسە يېزىش كۆپ ھاللاردا ئاپتۇرنى تۆۋەن ئورۇنغا  چوشۈرۈپ قويىدۇ. بىزنىڭ خانىملاردا بۇ ئەھۋال بەك ئېغىر. بولۇپمۇ، مەزكۇر تور بەتتە... ھەر كىمنىڭ تاللىغان يولىغا ھۆرمەت قىلىش بىزدىكى كونىراپ كەتكەن يېڭىچە مىزان بولسىمۇ، يەنىلا تۇيغۇمىز بىلەن سىردىشايلى!



بۇ پىكرىڭىزنىڭمۇ ئاساسى بار . ئىجاديەتنى ئەركىن پەرۋاز قىلدۇرۇش ئۈچۈن بۇ تار دائىرىدىكى كۈزىتىش رامكىسىدىن ھالقىش كېرەك ئەلۋەتتە. بىراق بەددىي رەسىملەرمۇ تۇرمۇش چىنلىقىنىڭ ئوبرازلاشقان  ، تىپىكلەشكەن كۆرۈنىشى بولغاشقا بەزىدە ئادەم بۇ خىل رەسىملەردىن بەددىي زوق ئېلىپمۇ قەلەم تەۋرىتىپ قالىدىكەن.  بەزىدە يازغان لېرىكىلارغا بەزى رەسىملەر شۇنداق ماسلىشىپ قالىدىكەن .

ياخشى پىكىرلەرنى قالدۇرغىنىڭىزدىن سۈيۈندۈم .

ئەسىرىمنى ياختۇرۇپ ئوقىغان بارلىق تورداش قېرىنداشلىرىمغا كۆپتۈن- كۆپ تەشەككۈر!

بۇ ئەسەردىكى سۈرەت ، ئۇقۇملارنىڭ نامۇۋاپىق قوللىنىلىشى ۋە ئەسەر ئىچىدىكى بىر تالاي بىر - بىرىگە زىت مەزمۇنلار ۋە يازمىدىكى مەنىۋى كولتۇر ئاساسلار ئادەمنى ئويلاندۇرىدۇ . جۈملىلەرنىڭ گۈزەل بولۇشى ئەلۋەتتە ياخشى ، مېغىزىنىڭ قايسى تەمدە ئىكەنلىكىنى بىلگىلى بولماسلىق ئادەمنى يەنە  ئويلاندۇرۇپ قويىدۇ .

سېنىڭ سۈبھى قەدىمىنى ئەگىشىپ تۇرۇپ    ساما  بوشلۇقىدا  پەيدا بولۇشۇڭ ئاندىن باغرىڭنى قانىتىپ تۇرۇپ قوياشنى تۇغۇشۇڭدىن ، بىر بۈيۈكلىكنى قىياس قىلغانمەن .
بۇ گۈزەل مەنزىرەڭ قاچان كۆزۈمگە چېلىقتى ، شۇندىن بېرى ئىشقىڭدا بېقارارمەن.

مەن گويا چەكسىز قۇم بارغانلىرى  ئۆزىنى  ئاپتاپقا قاقلاپ تۇرۇپ   قەلبىنى تاۋلىغاندەك، مېھىرلىك تاقەتلىرىم ئىچىگە ئارمىنىمنى سىغدۇرغان ھالدا ساڭا تېۋىندىم .
دىلىمدا  كۈۋەجىگەن ئىنتىزارلىق تۇيغۇلىرى بىلەن ئەرىشكە تۇتاشقان يوللارنى ئىزدىدىم .
سەن قىزغۇش نۇر ئېتەكلىرىڭنى يېيىپ، تاڭ جىيەكلىرىنى قايرىغاندا ،يېنىڭغا ئۇچۇپ  بارغۇدەك قاناتلىرىمنىڭ يوقلىقىدىن ئۇيالدىم.

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-3-26 18:15  

بۇ ئەسەردىكى سۈرەت ، ئۇقۇملارنىڭ نامۇۋاپىق قوللىنىلىشى ۋە ئەسەر ئىچىدىكى بىر تالاي بىر - بىرىگە زىت مەزمۇنلار ۋە يازمىدىكى مەنىۋى كولتۇر ئاساسلار ئادەمنى ئويلاندۇرىدۇ . جۈملىلەرنىڭ گۈزەل بولۇشى ئەلۋەتتە ياخشى ، مېغىزىنىڭ قايسى تەمدە ئىكەنلىكىنى بىلگىلى بولماسلىق ئادەمنى يەنە  ئويلاندۇرۇپ قويىدۇ .



ۋاقىت چىقىرىپ ئەسىرىمگە باھا  يازغىنىڭىزدىن مىنەتتار بولدۇم . ھەر بىر تەنقىدى ئىنكاس مەن ئۈچۈن پايدىلىق ئەلۋەتتە .
بىر- بىرىگە زىت مەنالارنى ئېنىق كۈرسىتىپ بەرسىڭىز  مەن ئۈچۈن قىممەت پىيالىدە شەرۋەت سۇنغاندەك بەلەن ئىش بولاتتى .
بەزىدە ئادەم ئۆز سەۋەنلىكىنى بىلەلمەي قالىدىكەن. بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-3-15 18:34  

قوياشنى تۇغۇشۇڭدىن ،
  بۇ  سۆزگە  سەل ئاڭۋىقىپ قالدىم ئادىشىم...

سەھەر، ئۇپۇقنىڭ لالىرەڭ  پەيزىگە چۆمۈلگەن بىر جۈپ ئاققۇ ، كۈننىڭ قىزغۇچ نۇرىدا ئالتۇندەك تۈسكە كىرگەن لەرزان قاناتلىرىنى كېرىپ ،چەكسىز كەتكەن كۆلنۈڭ ئوتتۇرسىدا ئۇسۇل ئويناشقا باشلىدى.
تىرىكچىلىك غېمىدە   ،ھاياتلىقنىڭ مۇشەققەت تونۇرىغا ئوتۇن قىلىش  ئۈچۈن كەكلەپ قويغان يانتاقلار ئارىسىدا، بۇ مەنزىرىنى كۆرىۋىتىپ، مېنى بىردىنلا غېرىپلىق چۇلغىۋالدى .
ئارزۇ دېڭىزىغا چىلانغان قوللىرىمدا دۈمبىلىرىمنى سىيلاپ باختىم . قوياش نۇر تاغاقلىرىدا تاراپ قويغىدەك پەي- قاناتلىرىممۇ يوق ئىدى . جىمىرلاپ تۇرغان    سۇ  ئۈستىدە ،ئاققۇلارنىڭ ئايىغىدىن تارىلۋاتقان دولقۇن چەمبەرلىرىگە ئىختىيارسىز  بىر تېمىم يېشىم قېتىلىپ كەتتى ...

قەلبىمدە دەۋرىگەن مۇھتاجلىق ئازابى ،قاتتىق ناخولى بىلەن  تەمبىردەك سازلانغان تۇيغۇلىرىمنى ئازاپ بىلەن چەكمەكتە ...
كۈندىن – كۈنگە تارىيىپ كېتۋاتقان زىمىنىڭ قۇچىقىدا قىسىلىپ ياشاش  دەردى بىلەن ‹‹ قانات›› ياسىغىدەك ئەقلى تەپەككۈرنىڭ نامراتلىقى مېنى چوڭقۇر ھىجراننىڭ زىندانىغا سۆرىمەكتە.
ئاھ! ئۇپۇق قىزى ، ۋەسلىڭ مەن ئۈچۈن مەڭگۈلۈك چۈش  بولۇپ قالارمۇ ؟ ....

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-3-26 18:17  

   ياخشى داۋاملىشىش بۇلىۋاتىدۇ.  ھەممىنى ياخشى يازمىدىڭىزغۇ دەپ تۇرىۋالمايمەن،ئىتىراپ قىلىش كېرەك ، ھەر بىر نەسىردە ئۆزگىچىلىك بار.بىراق، بەزى ئىملا جەھەتتە،ھەمدە يوللاش جەريانىدا بەزى يەرلەردە خاتالىق ۋە چۈشۈپ قىلىش بۇلىشى مۈمكىن دەپ قارايمەن.

ئىشق ئازابى  ، قەلبىمنىڭ ئۈممۈت كۆچىتىگە ئۈزۈلمەيدىغان رىشتىنىڭ سۈيىنى قۇيدى .
يىگىتلىك كەمىرىنى باغلاشقا نىيەت قىلغان تىلەكلىرىم ،سانسىز كارۋانلارنىڭ ئىزى قالغان  پايانسىز چۆللۈكلەردىن ، ئەرشكە تۇتىشىدىغان يوللارنى ئىزدىمەكچى بولدى .
ئۇلۇغلۇق مەنزىلىنىڭ پايانىغا تۇتاشقان  بۇ مۇقەددەس كارۋان يوللىرىدا، كولدۇرمىنىڭ ساداسى ئۆچكەن ئىدى. ئەمما ئاياق  ئىزلاردا بولسا   ئۈمچەرەپ تۇرغان بىر كۈتۈش، مۇڭلۇق ئاۋازدا  سۇسقىنا ناخشا ئېيتىۋاتاتى  .
مەن قۇلاقلىرىمنى ئۇ ئاياق ئىزلىرىغا يېقىپ تۇرۇپ  بۇ غېرىپ ئاھاڭلارنى تىڭشاپ باختىم .
ــــ باشقىلار سۇدا ئۈزۈپ ، كۆكتە ئۇچۇپ كەتتى يىراق ،
مەن مىسالىي يالاڭ ئاياغ دەسسەپ تىكەن ماڭارىمەن ....
مېنى بىردىنلا ھەسرەت  چۇلغىۋالدى. قۇمدەك تۆكۈلۈپ تۇرۇپ راسا يىغلىۋالدىم .
تۇيۇقسىز ئۇ ئاياق ئىزلىرىدىن قانداقتۇ بىر ئىس تۈتەكلەرنىڭ   ئاسمان بوشلىقىغا كۆتۈرۈلۈپ كېتىۋاتقانلىقىنى، ئاندىن تۈرگۈم – تۈرگۈم بۇلۇتلارغا ئايلىنىپ  ئۇپۇق باغرىنى چۆرگىلەپ يۈرۋاتقانلىقىنى ھىس قىلدىم .
شۇندىلا ئۇپۇق قىزىغا ئاشىقى بېقارار بولغان سانسىز تىلەكلەرنىڭ ئۇدۇمى بولۇپ يارالغىنىمنى  چۈشەندىم.

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-9 14:18  

ئۆزى قىسقا ھەم لېرىكىلىقى كۈلۈك نەسىرلىرىڭىز ھەرگىز ئۆكسىمىسۇن . قەلىمىڭىزگە بەرىكەت تىلەيمەن .

يەڭگىل ۋە ئويناق تىل،  ئۆزگىچە بايان،دەقىقە ئىچىدە يۈرىكىمىزنى سىيپاپ ئۆتكەن تاتلىق تۇيغۇلارنىڭ بەدىئىي خاتىرىسى.!...يۇقارقى نەسىرلەردە پات-پاتلا كۆزگە چېلىقىپ قالىدىغان ئىملا خاتالىقىنى ھىساپقا ئالمىغاندا مەن تۇلىمۇ ئۆزگىچە تۇيغۇ ئىچىدە ئۇقۇپ چىقتىم.
ئەزگۈ پىچىرلاشلارغا جۆر بولغان ئويناق قەلىمىڭىز ھارمىغاي!

بېتاقەتلىك شامىلى  روھىمنىڭ چوڭقۇر تىندىرمىسىدىكى سەبرى- تاقەتلەرنىڭ ئىشىكىنى چەكتى.
ئەرش يولىنى ئىزدەپ  گۇگۇم تىمتاسلىقىغا ئۇلاشقاندا، جېلۋىگەر شەپەق ناز كەرەشمىلىرى بىلەن ئالدىمغا  كۈلۈپ چىقتى .
ئۇنىڭ بىر جۈپ قاراقلىرىدا ئادەمنى  سېھىرلەيدىغان ئاجايىپ بىر نۇرئۇچقۇنلىرى  دەۋرەيتتى .
مەن دەممالىققا ئۇنى ئۇپۇق قىزىغا ئوخشاتتىمدە،  غۇلىچىمنى كېرىپ   ئۇنىڭغا قاراپ يۈگۈردۈم. ئۇمۇ  ئاشىقىنى ئۇزۇن كۈتكەن مەشۈقتەك ئالدىمغا يۈگرۈپ كەلمەكتە.
ئارلىق يىقىنلاشقانسىرى    سىنچى كۆزلۈرۈم   ئۇنىڭ خۇي پەيلىنى پەملەپ ئۇلگۈردى .

مەن ئىزدىگەن نازىنىن  قېنى ؟...     
مەن توساتىنلا توختاپ قالدىم .چۈنكى ئۇنىڭ ئارقىسىدا تۈن قاراڭغۇلۇقى ئاسمان دەرىزىسىگە پەردە بولۇپ ئېسىلغان ئىدى .
مېنىڭ كۈتكۈنۈم بولسا تاڭ نۇرى ئالدىدىكى ئۇپۇق قىزى  ئەمەسمىدى ؟!...
تىڭىرقاش ئىلكىدە تۇرغىنىمنى كۆرگەن شەپەق قىزى شەھۋەت كۆزلىرىنى ماڭا تىككىنىچە نازلىنىپ  ئالدىمغا كەلدى-دە ،
ــــ مەن سىزنى ئۇزۇن كۈتتۈم ، مەن مەھبۇبىڭىز ئۇپۇقئاي  دىگىنىچە ۋىلىققىدە كۈلدى .
ئۇنىڭ سېھرى لاتاپىتىدە شامدەك ئېرىشقا باشلىغان ئىنسانى ئاجىزلىقىم چوقان سالاتتى .
مەن مەغرۇر ئۈمۈتنىڭ تۇيۇقسىز تاش ئىچىدىن يېرلىپ چىققان مۆجۈزىسىدەك نەپسى بالالار ئۈستىدىن غالىپ كەلدىم-دە،
ــــ مەن سۆيگەن ئۇپۇق سەن ئەمەس  دەۋەتتىم.
ـــ مەن كەشكى شەپەق ، ئۇ تاڭ شەپىقى. بىزئاسمان ئوردىسىنىڭ بىرجۈپ مەلىكىلىرى – دىدى، ئۇ  ئاخىر ئۆزىنى ئاشكارلاپ .
نىمىشقا  بىر قېرىندىشىڭنىڭ مۇھەببىتىنى تارتىۋالماق بولدۇڭ؟
ـــــ شەخسىيەتنىڭ تەبىئىتى بەكمۇ شېرىندۇر - دىدى ، ئۇ يۈرۈكىنى سۇغۇرۇپ ئالقانلىرىدا ماڭا سۇنغانچە .  
ياقۇتتەك جىلۋىگەر نۇرئىچىگە  ھارسىز بىر تۇيغۇنى  يوشۇرۇپ،  ئاسمانپەلەك مەغرۇرلۇق بىلەن  كۆزۈمنى قاماشتۇرغان بۇ شەپەق قىز  نەزىرىمدىن  يۇملىدى .
مەن ئۇنىڭغا پەرۋامۇ قىلماي ئارقامغا بۇرۇلدۇم .
سۆيگۈلۈك ئاي يورىقىنى ، يۇلتۇزلارنىڭ چىرايلىق چاخنىشىنى سىزگە كۆرسىتىمەن- دىدى، ئۇ  يېلىنىپ  تۇرۇپ . ئەمما قەلبىمدە بىر پاكىزە سۆيگۈنىڭ ئىلتىجاسى جاراڭلايتتى . مەن ئۆز قەلبىمنىڭ ئاۋازىغا قۇلاق سالغىنىمچە  كېتىۋەردىم...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2013-4-9 14:24