«چايخانا پاراڭلىرى» پىروگراممىسى

ئەسسالامۇ ئەلەيكۇم مۇنبەردىكى بارلىق دوست-بۇرادەر، ئاكا-ئىنى، ئاچا-سىڭىللار. ھەممىڭلارنىڭ قۇربان ھېيتىغا مۇبارەك بولسۇن.
شىنجاڭ تېلېۋىزىيە ئىستانسىسى بىلەن شىنجاڭ «ئوكيان» ئېلان چەكلىك شىركىتى بىرلىشىپ ئىشلىگەن چوڭ تىپتىكى كۆڭۈل ئېچىش پىروگراممىسى «چايخانا پاراڭلىرى» نىڭ 2-سانى 2015-يىلى 10-ئاينىڭ 5-كۈنى (دۈشەنبە) كەچ سائەت 8:40(ئۈرۈمچى ۋاقتى) دە   شىنجاڭ تېلېۋىزىيە ئىستانسىسىنىڭ 2-يۈرۈش قانىلىدا تۇنجى قېتىم، ئەتىسىدىن باشلاپ 5 -9-  يۈرۈش قاناللىرىدا تەكرار قويۇلىدۇ.
پىروگراممىمىزنىڭ بۇ سانىدا ئەل سۆيگەن سەنئەتكار، ئاتاقلىق كومېدىيە ئارتىسى، كۈكە چولپىنى يۈسۈپ سالى ئاكىمىزنىڭ قىزىقارلىق ماھارەتلىرى ھەمدە يۈسۈپ سالىكامنىڭ شاگىرتى ، ياش سەنئەت مايسىسى شىرئەلى ئېزىزنىڭ نەقمەيداندىكى دوراش ماھارەتلىرى كۆرسىتىلىشتىن باشقا، خوتەن «يېڭى قاشتېشى» سەنئەت ئۆمىىكىنىڭ ئاتاقلىق كومېدىيە ئارتىسى گۈلبەھرەم قېيۇم بىلەن يۈسۈپ سالىكامنىڭ قىزىقارلىق ئېتوتلىرىدىن ھوزۇرلىنىسىز. يەنە نەقمەيداندا مىللىي مۇزىكىلار بىلەن ئورۇنلانغان ئېسىل كۈي يۈرەك-تارىڭىزنى چەكسە، مەيدان سىرتىدا سۈرەتكە ئېلىنغان قىسقا يۇمۇرلۇق ئېتوتلار شاتلىقىڭىزغا شاتلىق ئاتا قىلىدۇ.
قىسقىسى پىروگرامما ئارقىلىق خىزمەت ۋە تۇرمۇشتا چارچىغان جىسمىڭىزغا ۋە روھىڭىزغا ئازراقمۇ بولسا خوشاللىق بېغىشلىيالايمىز دەپ ئويلايمىز.
مۇنبەرداشلارنىڭ پىروگراممىنى كۆرۈپ ئىلمىي ئاساستا پايدىلىق پىكىر-تەكلىپلەرنى بېرىشىڭلارنى قىزغىن قارشى ئالىمەن.

ھۆرمەت بىلەن مۇنبەرداش دوستۇڭلار : تۇرادىن ئابدۇرېھىم تاجدار. (مۇنبەردىكى ئىسمى : چاخچاق)

پىكىرلەرنى مۇشۇ تېمىنىڭ ئاستىغا ئىنكاس شەكلىدە يوللىساڭلار بولىدۇ. ئەگەر ئايرىم پاراڭلىشىدىغانلار بولسا  چ چ  نومۇرۇم:  3158873295
بۇ يازمىنى ئاخىرىدا   Erchin تەھرىرلىگەن. ۋاقتى  2015-10-3 18:24  

بىز ئويلاپ بولالمىغان ئىجادىي پىكىرلەر بولسا ئايىماي تەقدىم قىلىشىڭلارنى ئۈمىد قىلىمەن.:

1-سانمۇ شۇنداق ئۈزگىچە پۇراق بىلەن ياخشى چىقىپتۇ. بۇپىروگىراممۇ ئۇيغۇرچە پىروگىراممىلارنىڭ مەزمۇنىنى بىيىتىپ باغدىكى بىر خۇشپۇراق گۈلگە ئايلانغۇسى!!!

1-سانى تېلېۋىزوردا قويۇلدىما؟

بۇ  ياخشى بوپتۇ، ئەمما تېلىۋىزىيىدە كۆڭۈل ئېچىش خاراكتىرلىق نومۇرلار زىيادە جىق بولۇپ كەتكەندەك تۇيغۇ بېرىپ قويدى. بولسا خەلققە ھەقىقىي بىر روھ بېغىشلايدىغان، ئۆگىنىشكە يېتەكلەيدىغان... نومۇرلارغىمۇ كۈچەپ قويساڭلار.
«جاھان نەدە، ئۆزى نەدە؟ بۇنى ئويلايدىغانلار بەك ئاز»...
بۇ يازمىنى ئاخىرىدا   نەزەر تەھرىرلىگەن. ۋاقتى  2015-10-3 13:21  

بۇ قېتىم ئۈرۈمچى تېلېۋىزىيەسى ئىشلىگەن كۈلكە پىروگراممىسىنى كۆرۈپ، شۇنداق «ھۆ!!!» دەۋەتتىم!

1-سانىنى قەيەردىن تېپىپ كۆرگىلى بولىدۇ؟

قەھرىمانكا، بۇ پىروگراممىنى 9-ئاينىڭ 28-كۈنى(دۈشەنبە) دىن باشلاپ قويۇشقا باشلىدى. تۇنجى سانى ئانچە بەك ياخشىمۇ ئەمەس. ئەمدى ئىككىنچى ساندىن باشلاپ ھەر ھالدا ياخشى چىقتى دەپ ئويلىدۇق. مۇنبەردىكى باشقا دوستلارنىڭ پىكىر-تەكلىپلىرى بولسا بىجانىدىل قوبۇل قىلىمىز. سىزنىڭمۇ ھەم شۇ.
بۇنىڭدىن كېيىن ھەر دۈشەنبە كۈنى 2-قانالدا سائەت 8:40 (ئۈرۈمچى ۋاقتى) دە كۆرسىتىلىدۇ.

سىز ھېلىقى «شادلىق ئاچقۇچى» دېگەننى دەمسىز؟ غېرىب-سەنەم، پەرھاد-شېرىن، لەيلى-مەجنۇنلارنى دوراپ چىققاننى؟ ماڭىمۇ بەك ماز تۇيۇلدى. لېكىن باشتا شۇنداقراق بوپ قالىدىكەن، بارغانسېرى ياخشىلىنىپ كېتەمدۇ تېخى.
بۇ يازمىنى ئاخىرىدا   Erchin تەھرىرلىگەن. ۋاقتى  2015-10-4 15:42  

يۈسۈپجان ئىنىم، مەن ئامال قىلىپ يوللاپ قوياي 1-سانىنى. لېكىن بەك ۋاي دېگۈدەك ئەمەس، مېنىڭچە بەك ناچارمۇ ئەمەس. ھەر ھالدا خەلق ئاممىسىغا يېقىن پىروگرامما بولدى دەپ ئىشىنىمىز. پىكىر-تەكلىپلىرىڭىزنى ئايىمىغايسىز.

مۇشۇنداق پىروگراممىلارنىڭ ئورنىغا 《بىر كىتاب-بىر ئالەم》دېگەندەك پىروگراممىلارنى ئىشلىسە بولمامدىغاندۇ،ھەي……

ئۇ پىروگرامما  دەسلەپتە ياخشى كېتىپ بارغان، كېيىن نەدە بىر ناچار كىتابلارنى، يازغۇچىلار ئۆزىنى  ماختاش بىلەن بوپكەتكەن.

      يەنە بىر يىڭى پىرىگۇراممىنىڭ مەيدانغا كەلگىنىدىن خوش بولدۇم، فىلىم


ئىشلەۋاتقانلارغا،  بۇ پىرىگۇراممىدا  نۇمۇر نۇمۇر قاتناشتۇرۇپ جاپا چېكىۋاتقان قېرىنداشلىرىمغا


چىن دىلىمدىن رەخمەت ئېيتىمەن. ھارمىغايسىلە!

دېمىسمۇ « بىر كىتاب ـ بىر ئالەم » پىروگگىراممىسنى يېڭچە ، بۇرۇنقىدەك ئاخىرغا بارغاندا لاۋىلىشىپ قالمايدىغان ، ئۆزگىچە ئۇسلۇپ بىلەن مەيدانغا كەلتۈگەن بولسىدى ، بەك ياخشى ئىش بولغان بولاتتى دە !

چايخانا پاراڭلىرىنىڭ ئۈزۈلۈپ قالماسلىقىنى ئۈمۈد قىلىمەن. باشتىكى سانلىرىنى سۈرەتكە ئالغاندا نەقمەيداندا باشقىچە ھاياجاندا ئولتۇرۇپ كۆرگەن، تېلېۋۇزۇردىن كۆرۈپ يەنە ھاياجانلاندىم.

رەھمەت ئادىلجان ئاداش. ئاللا خالىسا بۇ وىروگراممىنى «مەشرەپ» پىروگراممىسىدەك ئۇزۇن يىل داۋاملاشتۇرماقچى بىز. تەلەپ-پىكرىڭلارنى ئايىماڭلار.