قاراماي ئەدىبلىرى ئىجادىيەت كۇرسى ئېچىلدى [ئۇلانما كۆچۈرۈش]

9-ماي چۈشتىن بۇرۇن شىنجاڭ پېداگوگىكا ئۇنىۋېرسىتېتىنىڭ پروفېسسورى، ئەدەبىيات تەتقىقاتچىسى ئابدۇبەسىر شۈكۈرى كۇرسانتلارغا بۈگۈنكى ئۇيغۇر رومانچىلىقىمىزدا ساقىلىنىۋاتقان بىر قىسىم مەسىلىلەر، ئەدەبىي تەرجىمە قوشۇنىنى كۆپەيتىش، ئۇيغۇر ئەدەبىياتى مۇھىتىنى ھەقىقىي جانلاندۇرۇش ھەققىدە مول مەزمۇنلۇق لېكسىيە سۆزلەپ بەردى. كۇرسانتلارنىڭ سورىغان تۈرلۈك سوئاللىرىغا ئەتراپلىق جاۋاب بەردى. ئۇنىڭدىن كېيىن، كۇرسانتلارنىڭ بىر قىسىم ئەسەرلىرى ھەققىدە مۇھاكىمە ئېلىپ بېرىلدى.

بىزگە كۆڭۈل بۆلگەن بارلىرىق قەلەمكەشكلەرگە سالام.سىلەرنىڭ كۆڭۈل بۆلۈشىڭلار بىزگە يېڭى ئىلھاملارنى ئاتا قىلغۇسى.

بۇ خىل پائالىيەت ئادەمنىڭ زىھنىنى ئاچىدۇ . چۈنكى بۇ يەردىكى ئەركىن پىكىرلەر قەلەمكەش ئۈچۈن ھاۋادەك مۇھىم ، سۇدەك قىممەتلىك...  نېمىشقا دېگەندە ؟  ئادەم ئۆزى ھېس قىلمىغان نەرسىلەرنى ئۆز- ئارا دىيشىپ ، پىكىر ئالماشتۇرۇپ كۆز قاراشلار چوڭقۇرلىشىدۇ ، ھەم شۇنىڭغا ئەگىشىپ دوستلۇقمۇ تەبىئى ھالدا مۇستەھكەملىنىدۇ . ھەم ئۇنىڭدىن باشقا قەرەلىك چىقىپ تۇرغان مۇتەخەسلىرىمىزنىڭ لېكسىيەلىرىمۇ ئادەمگە يېڭى - يېڭى پىكىرلەرنى ۋە ئىلھاملارنى ئاتا قىلىپ ، ئىجادىيەت ئۈچۈن ئاساس تىكلىنىدۇ . بۇ سىمنارىيەنىڭ خاس ئاۋازى توختاپ قالمىسۇن ! ... بارلىق قارمايلىق قەلەمداش دوستلارغا ئوتلۇق سالام . ئامان بولۇڭلار ، تۇرمۇشۇڭلار كۆڭۈللۈك بولسۇن .

تۇرقىدىن تامامەن شەھەر تۆكۈلۈپ تۇرىدىغان ئەدىبلەرنى كۆرۈپ، ئۇلارغا سەمىمىي سالام بەرگۈم كەلدى!
مېنىڭچە، ئەيبۇ ياقۇپنىڭ تەشكىللىشى ناھايىتى ياخشى بولىۋاتىدۇ. بۇ پائالىيەتكە قاتناشقانلارنىڭمۇ، روھى تېتىك، كەيپىياتى جۇشقۇن ھالدا قاتناشقىنىغا ، ھېچ بولمىغاندا، تەپەككۇرلۇق ئارام ئالغىنىغا ھەر كىمنىڭ ھەۋىسى كېلىدۇ.
ئوسمان ئاكا، مەن سىلەرگە مۇنداق بىر تەۋسىيەنى سۇنماقچى: زادى بىزدە شەھەر ئەدەبىياتى قانچىلىك دەرىجىدە شەكىللەندى؟ بىز قارىمايلىقلارنىڭ روھى قاتلىمىنى قانچىلىك دەرىجىدە قېزىپ چىقالىدۇق؟ قارىمايلىقلاردا قېزىشقا تېگىشلىك يەنە قانداق نوقتىلار بار ؟ شەھەر ئەدەبىياتى ئەدەبىياتىمىزغا قانچىلىك دەرىجىدە تەسىر كۆرسىتەلىدى؟ دېگەندەك تېمىلاردا ئەمەلىي مۇھاكىمە ئېلىپ بارساڭلار، ناۋادا مەزكۇر تېمىدا سۆھبەت ئېلىپ بارغان بولساڭلار، مېنىڭ بۇ سەمىمىي كۆڭلۈمنى توغرا چۈشىنىشىڭلارنى ئۈمىد قىلىمەن!
ھەممىڭلارغا ئامانلىق يار بولسۇن!  

قارىغاندا تولىمۇ ئەھمىيەتلىك لىكسىيىلەر بولىۋېتىپتۇ. گۈزەلنۇر، لەۋزىڭىز بويىچە ئۇستازلارنىڭ مۇبارەك ئاۋازىنى ئۈن ئالغۇغا ئېلىپ كېلىشنى ئۇنتۇماڭ ، ھە ئوماق سىڭلىم .ھەممەڭلارغا ئامانلىق تېلەيمەن !

بىزگە يېقىندىن كۆڭۈل بۆلۈۋاتقان بارلىق تورداشلارغا يالقۇنلۇق سالام!
تىلىگەن سەمىمىي تىلەكلىرىڭلارغا مىڭلارچە تەشەككۇر، بەرگەن سەمىمىي تەكلىپ-پىكرىڭلارغا رەھمەت. بۈگۈن چۈشتىن كېيىنكى مۇھاكىمىمىزمۇ سىلەر ئۈمىد قىلغان تېمىلارنى چۆرىدىگەن ئاساستا ئېلىپ بېرىلدى. بۇنىڭدىن بىزنىڭ پىكىرداشلىق، دىلداشلىق مېھىر-مۇھەببىتىمىز بىلىنىپ تۇرىدۇ. ھەممىڭلارغا يەنە بىر قېتىم سەمىمىي رەھمەت!
دوستۇم نۇربەگ، سىز ئۈمىد قىلغان تېمىلاردا بىز مۇھاكىمنى يىلدىن يىلغا قاراتمىلىققا، چوڭقۇرلۇققا، سىستېمىلىققا ئىگە قىلىش ئۈچۈن تىرىشىۋاتىمىز. بۇ قېتىم ئۆتكۈزۈلمەكچى بولغان 5-قېتىملىق شەھەر ئەدەبىياتى تېمىسىدىكى مۇھاكىمە يىغىنىمىزمۇ چوقۇم ئۇتۇقلۇق بولىدۇ. ئىشلىرىڭىزغا ئۇتۇق تىلەيمىز، ئامان بولۇڭ.

بۈگۈن چۈشتىن كېيىن (9-ماي) شىنجاڭ تېلېۋىزىيە ئىستانسىسىنىڭ دۆلەتلىك 1-دەرىجىلىك رېژىسسورى نىجات نىياز خوجا كۇرسانتلىرىمىزنى يوقلاپ چىقتى ھەمدە بىز ئورتاق كۆڭۈل بۆلۈۋاتقان تېلېۋىزىيە پروگراممىلىرى ۋە مەخسۇس تېمىلار ئۈستىدە نۇرغۇن ياخشى ئۇچۇرلارنى بېرىپ ئۆتتى. كۇرسانتلىرىمىز سورىغان تۈرلۈك سوئاللارغا ئەتراپلىق جاۋاب بەردى.

بىزنى قوللاپ قۇۋۋەتلىگەن بارلىق ئەزىزلەرگە چەكسىز تەشەككۇر!

      قارىماي شەھەر ئەدەبىياتىنىڭ شەكىللىنىش جايى بولۇپ قالدى. شەھەر ئەدەبىياتى، بۇ بىر ھادىسە، يەنە كېلىپ، بۇ ئاتالغۇ ئوتتۇرىغا چىققاندىن باشلاپلا ساغلام داۋاملىشىۋاتقان بىر ھادىسە. ئەلۋەتتە، ئەدىپلەر ئۆز يۇرتلىرىدا بىردىن-ئىككىدىن بولۇپ ئۇچرۇشۇپ، سۆھبەتلىشىپ، كۆرۈشۈپ تۇرىدۇ. لېكىن بۇنىڭدەك مەخسۇس ئەدەبىيات ئۈچۈن توپلىنالىشى، مەخسۇس تېنەدا پىكىرلىشەلىشى ئاسان ئەمەس. قارىماي ئەدەپلىرى ۋەكىللىرىنىڭ جەنۇبىي تاغ ئىجادىيەت بازىسىدىكى كۈنلىرىنىڭ ئۇنتۇلماس خاتىرىلەرگە ئىگە بولىشىنى ئۈمىد قىلىمەن.