قاراماي ئەدىبلىرى ئىجادىيەت كۇرسى ئېچىلدى [ئۇلانما كۆچۈرۈش]

شىنجاڭ يازغۇچىلار جەمئىيىتى بىلەن قاراماي ئەدەبىيات – سەنئەتچىلەر بىرلەشمىسى،«مايبۇلاق» ژۇرنىلى تەھرىر بۆلۈمى بىرلىكتە تەشكىللىگەن «قاراماي ئەدىبلىرى ئىجادىيەت كۇرسى» 2012-يىلى 5-ئاينىڭ 7-كۈنى شىنجاڭ يازغۇچىلار جەمئىيىتىنىڭ نەنسەن (جەنۇبىي تاغ) دىكى ئىجادىيەت – ماتىريال مەركىزىدە باشلاندى. كۇرۇسنىڭ باشلىنىش مۇراسىمىغا ئاپتونوم رايۇنلۇق ئەدەبىيات – سەنئەتچىلەر بىرلەشمىسى،شىنجاڭ يازغۇچىلار جەمئىيىتىنىڭ رەئىسى ئازات سۇلتان، قاراماي ئەدەبىيات – سەنئەتچىلەر بىرلەشمىسى پارتىگۇرۇپىسىنىڭ شۇجىسى دولقۇن تۇرغۇن قاتارلىقلار قاتناشتى. كۇرۇسنىڭ باشلىنىش مۇراسىمىدا ئازات سۇلتان كۇرسانتلارغا ئەدەبىيات، ئىجادىيەت مەسىلىلىرى، ئەدىبلەرنىڭ تەربىيەلىنىشى، ئەدىبلەرنىڭ ساپاسى، پەزىلىتى قاتارلىق تېمىلاردا دوكىلات بەردى ۋە كۇرسانتلار بىلەن كەڭ – كۇشادە سۆھبەت ئۆتكۈزدى.
بىر ھەپتە داۋاملىشىدىغان بۇ كۇرۇستا كۇرسانتلارغا مەخسۇس تېمىلاردا لېكسىيەلەر ئۇيۇشتۇرىلىدۇ، ئاپتورلار يېڭى يازغان ئەسەرلىرى ھەققىدە پىكىر ۋە تۈزىتىشلەرنى ئېلىپ بارىدۇ،ئەدەبىي سۆھبەت، تەلقىنلەردە بولىدۇ.
ئاخىرىدا قاراماي ئەدەبىيات – سەنئەتچىلەر بىرلەشمىسى بىلەن ئۈرۈمچى شەھەرلىك ئەدەبىيات – سەنئەتچىلەر بىرلەشمىسى يىلدا بىر ئۆتكۈزۈپ كېلىۋاتقان «شەھەر ئەدەبىياتى سۆھبەت يىغىنى» ئۆتكۈزىلىدۇ.