قاسىم سىدىق شېئىرلىرى

ق.سىدىق · ۋاقتى: 2015-1-14 18:56:46


	“ئازاتلىق جەڭچىسى رىزۋانگۇلنى خاتىرىلەيمەن!” سەرلەۋھەلىك بۇ تېمىنىڭ ئىگىسى ،تارىخى مەزمۇنغا باي بىركۈندە بۇ تېمىنى ياخشى يوللاپتۇ ۋە خالىغانلارنىڭ بىرەر نەرسە يېزىپ قويۇشىنى تەشەببۇس قىلىپتۇ.مەن بۇ تېمىنى ئوقۇپ چىقىۋاتقان ۋاقتىمىدىلا ھۆرلۈك،دېمۇكىراتىيە ئۈچۈن ،ئىپپىتىنى قوغداش ئۈچۈن جان بەرگەن نۇزۇگۇم،مايىمخان،رىزۋانگۆل قاتارلىق شېھىتلىرىمىز بىر رىشتىگە چىگىلگەن ھالەتتە كۇزئالدىمدا نامايەن بولدى.شۇنىڭ بىلەن بۇ ناخشا تېكسىتىنى يېزىپ قويدۇم.سەنئەت ساھاسىدىكى بۇرادەرلىرىمدىن نۇرمۇھەممەت رۇزى ياكى پەرھات ئابىتنىڭ ۋە ياكى خالىغان بىرسىنىڭ ئاھاڭ ئىشلەپ ئەلگە تەقدىم قىلىشىنى ئۈمىت قىلىمەن. رىزۋانگۆلنى ياد ئەتتىم قاسىم سىدىق (ناخشا تېكسىتى) رىزۋانگۆلنى ياد ئەتتىم، ئۇ ئۆسكەن گۆزەل يورىتتا. ئىزىنى تاۋاپ قىلدىم، ئۆرتەندى يۆرەك ئوتتا. نۇزۇك دار بىلەن كەتتى، ئىپپەت-ئاربىلەن كەتتى. رىزۋانگۈل ئاكوپلاردا، ئىپتىخار بىلەن كەتتى. بوينى كېسىكتە چاپقان، مايىمخاننىڭ بوينىنى. كەڭ ئاچقاندۇ رىزۋانغا، ئۇ ئالەمدە قوينىنى. ئېگىچە -سىڭللارنىڭ، ياتقان يېرى رىزۋاندۇر. ئىپپەت ھەم غۇرۇرىنى، قۇغدىغان چىن ئىنساندۇر!. 2015.1.14 بۇ يازمىنى ئاخىرىدا ق.سىدىق تەھرىرلىگەن. ۋاقتى 2015-1-14 19:36

qaraxan · ۋاقتى: 2015-1-14 21:48:52

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

TAYANQIMBAR · ۋاقتى: 2015-4-20 22:12:38


	شېئىر بىلەن سۆھبەت قاسىم سىدىق شېئىر، ساڭا ئامراقمەن ئەجەپ، دەرت تارتساممۇ ئامراقلىغىمدىن. بىلىسەنغۇ ئامراقلىغىمنى، كېچىلەردە ئويغاقلىغىمدىن. قانچە تۈننى ئۆتكۈزدۇق شۇنداق، سېنىڭ بىلەن مۇڭلۇق سىردىشىپ. سەن نەقەدەر گۈزەل ۋە ئوماق، قانمىدىمغۇ شۈنچە چىرمىشىپ. ئەي ئامرىقىم،يۈرەك باغرىمنىڭ، قىيامەتلىك ھالال جۇپتىسەن. نۇمۇسۇمنىڭ گۈزەل ھۆسنىسەن، ھىسلىرىمنىڭ يالقۇن-تەپتىسەن. ئاھ،بىرزامان قىسىلدىڭ شۈنچە، خۇنخورلارنىڭ دىتىغا ياقماي. مېنىڭ بۆۋەك تۇيغۇلىرىمنى، ئېقىنىڭدا ئوينىتىپ ئاقماي. تۇتمىدىڭسەن چۈنكى قۇلاقتا، ئۇ زاماننىڭ تەلەپلىرىنى. «بەتتە-پولو» دېمىدىڭ ھەرگىز، ئاداپ بىلەن ھەلەپلىرىنى. دەردكە ئىلپەت بولساڭمۇ مەيلى، خەندە ئۇرۇپ كۈلۈپ بەرمىدىڭ. ئاچ قوساققا سېسىق كىكىرىپ، كاناي-سۇناي چېلىپ بەرمىدىڭ. يىرتقۇچلار قىلسا جاللاتلىق، سائادەت دەپ قىلمىدىڭ پەداز. يالىمىدىڭ تاۋاق ۋە يالاق، كۈچۈكلىنىپ كۆرسەتمىدىڭ ناز. تەستەك تەگدى شۇڭا مەڭزىڭگە، شۇسەۋەپتىن گېلىڭ سىقىلدى . شۇ سەۋەپتىن كۆزۈڭ ئويۇلدى ، باشلىرىڭدا ياڭاق چېقىلدى. لېكىن ئەۋزەل بىلدىڭ شۇندىمۇ، چىن قايغۇنى يالغان كۈلكىدىن، بىلدىڭ نۇمۇس بولماقنى ھامان، ھارام زادە، قېرى تۈلكىدىن. ********************* رىيازەتتە كەتمىدىڭ ئۆلۈپ، ياشىدىڭ سەن يەنە مەردانە. باقماي قويدۇڭ زامانغا ھەرگىز، باقمىسىمۇ زاڭا زامانە. بولساڭ گاھى روھىمدا قۇدرەت، گاھى بولدۇڭ ئىلكىمدە ياراق. گاھى تۈننى يورۇتقان مەشئەل، گاھى مەنزىل قوغلىغان بايراق. گاھ تۆكۈلۈپ كۆزدىن ئۇنچىدەك، ئايلاندىڭ سەن ياقۇت تىزىققا. گاھ ھايقىردىڭ يارىدار شىردەك، نەرىلىرىڭ كەتتى ئۇزاققا. ********************* كۆز كۆرگەننى كاللا ئويلايدۇ، ئويلىغاننى سۆزلەيدۇ ئېغىز. زەھەر يېدىم دىمەيدۇ ۋىجدان، چايناپ تۇرۇپ ناۋات ۋە مېغىز. شېئىر، ئەمدى كۈلگىن قاقاھلاپ، مەنمۇ سېنىڭ كۈلكەڭگە رازى. قالسۇن ئەيىپ تاپالماي بىزدىن، تارىخ كېيىن بولغاندا قازى... 1981-يىلى،فېۋرال. بۇ يازمىنى ئاخىرىدا TAYANQIMBAR تەھرىرلىگەن. ۋاقتى 2015-4-20 22:13

ق.سىدىق · ۋاقتى: 2015-11-24 02:59:12


	قارا كۆز لىرىكىلىرى قاسىم سىدىق 1 كىرپىكلىرىڭ نەم بولسا،پۇچۇلىنار يۆرۆگۆم، ئازاپلىما ئامرىغىم،ھەر دەقىقە كۆلۆپ يۆر. كۆلكە كۆرمەك كۆزۆڭدە مېنىڭ ھەر چاغ تىلىگىم، يۆرەكتىكى ئەسۋەمنى كۆلكەڭ بىلەن ئىلىپ يۆر. كۆزۆڭدىكى كۆلكىلەر دەرىتلىرىمنى ئەملەيدۇ، لىۋىڭدىكى شىۋىرلاش سۆيگۆ چېيى دەملەيدۇ. پىيالەڭدە لەۋلىرىم تۆنەپ قالسا بىر ئۆمۆر، شاتلىقلىرىم كۆۋەجەپ،قايغۇلىرىم كەملەيدۇ. كۆزلىرىڭدە دۇنيا بار،شۇنچە سىرلىق،پايانسىز، قاراغىڭغا مۆكۈنگەن قارا مۇدەن سىماسى. نەپەسلىرىڭ يالقۇنلۇق،تاش ئىرىيدۇ تەپتىدە، ھاياتىمنىڭ قوياشى بىرجىلۋەڭنىڭ زىياسى. جىلۋە قىلغىن ئەي دىلبەر،قارا كۆزۆڭ پارلىسۇن، ھەسرەت يۇتقان نىگاھلار قىسقارتىدۇ ئۆمۆرنى. ئارمانلىرىم ئالدىڭدا بويۇن قىسىپ قالمىسۇن، ئۇلاپ كەلگەن مۇھەببەت دەۋىرلەرگە دەۋىرنى. جىلۋە قىلغىن قارا كۆز،ھەسرەتلىرىڭ ئاپەتتۇر، قارچۇغىدىن كۆزۆڭنىڭ قامۇسلارنى قازايمەن. ھەر بىر جىلۋەڭ ئازدۇرار،ئىشقىنامە يازدۇرار، شېرىن ئىكەن بۇ سەۋدا،مەيلى ئازسام ئازايمەن! 2015.11.24 بۇ يازمىنى ئاخىرىدا ق.سىدىق تەھرىرلىگەن. ۋاقتى 2015-11-26 18:06

ق.سىدىق · ۋاقتى: 2015-11-24 12:32:27


	ق.سىدىق يوللىغان ۋاقتى 2015-11-24 02:59 قارا كۆز لىرىكىلىرى قاسىم سىدىق 2 قارا كۆزلەر قايغۇرسا جاھان ماڭا قاراڭغۇ، چۈنكى مېنىڭ قەۋمىممۇ تەڭدىن تولا قارا كۆز. قىلماڭ ھەرگىز كۈندەشلىك،زەڭگەر كۆزلۆك ھەمشىرەم، دېڭىزلارغا شۇڭغىسام سىز بولىسىز پانا كۆز. دېيەلمەيمەن ئۆمرۆمدە زەڭگەر كۆزنى سۆيمىدىم، زەڭگەر كۆزلەر قېتىدا يەنە تونۇش قارا بار. كۆلدۆرگەنمۇ شۇ قارا،ئۆلتۆرگەنمۇ شۇ قارا، قارا بولغاچ ھەسرەتلىك يۆرۆگۆمدە يارا بار. يوقۇلىدۇ قاچانمۇ قارا كۆزنىڭ ھەسرىتى، ئانىسىمۇ بۇ كۆزنىڭ زىمىندىكى بۇلاقلار؟ كىرپىكلەردە شەبنەم بار،سوغۇق ھەمدە سۈكۈتلۆك، شەبنەملەرگە لىق تولغان ئەشۇ ئوماق زىناقلار. يوقۇلىدۇ قاچانمۇ ،قاراكۆزنىڭ ھەسرىتى؟، زەڭگەر كۆزلۆك ھەمشىرەم كۆلگىنىڭدە ئويلاپ قوي. قارا كۆزنى ئايلىنار بۇ دۇنيانىڭ تۆھمىتى، ئەجدادىمىز بىرتىغۇ،ئۆتمۆشۆڭنى بۇيلاپ قوي!... قارا كۆزگە چۈشكەنمۇ بۇ جاھاننىڭ ئالۋىڭى؟، ئالۋاڭلاردىن مۆك بولدى قارا كۆزلۆك دىلبىرىم. مەن يىغلايمەن دىلبەر دەپ،دىلبەر يىغلار مەن ئۈچۈن، يىغا بىلەن ئۆتەمدۇ،مېنىڭ قىسمەت تەقدىرىم؟! كۆرۆنگەنمۇ قارا كۆز بۇ جاھاننىڭ گالۋىڭى، گالۋاڭلارنى ئەپلەشكە بېرىلگەنمۇ ئىجازەت؟ جاۋاپ بەرگىن ئەي قۇرئان،جاۋاپ بەرگىن ئەي ئىنجىل، جاۋاپ بەرگىن ئەي تەۋرات،مۇشۇنداقمۇ "ئادالەت"؟! ....... قارا كۆزۆم قايغۇرما،تەئەججۆپلۆك كۆلۈپ قوي، "ئۆتۆپ كېتەر ھەممىسى"...بۇئىسكەندەر مىراسى. كىم تاشلىدى كىم سۆيدى،كىملەر سادىق كىم ئاسى؟، كۈلكىلەرنى مات قىلار يىغىلارنىڭ قىساسى! 2015.11.24 شېئرلار گۇرۇپپىسى.داۋامى يېزىلىدۇ. بۇ يازمىنى ئاخىرىدا ق.سىدىق تەھرىرلىگەن. ۋاقتى 2015-11-26 18:06

تۇرسۇنجان ھەسەن · ۋاقتى: 2015-11-24 17:37:32


	ھۆرمەتلىك ئۇستازىمىزنىڭ ھەر بىر پارچە شېئىرىدىن ھاياتنىڭ يەنە بىر كەسمە يۈزىنى كۆرگىلى بولىدۇ....

ق.سىدىق · ۋاقتى: 2015-11-25 22:40:15


	3 ئەي قاراكۆز،قارا كۆز، ئوتلۇق نەزەر تاشلىما، ئۇنىڭسىزمۇ يېتىدۇ تارتىۋاتقان سىتەملەر. ئالۋۇن بولۇپ مۇھەببەت دەشىتلىرىگە باشلىما، مېنى تالاي چۈللەردە تاشلاپ كەتكەن سەنەملەر. نىگاھىڭدا سۆيگۆ بار،لىكىن لېۋىڭ سۆكۈتتە، تۇرارتىلىڭ لامۇ- جىم،پەقەت كۆزۆڭ پىچىرلار. پىچىرلاشلارقىينايدۇ،ئۇمۇندۇرۇپ دىلىمنى، ئۆزۆم تەنھا،قولۇمدا قېرى قەلەم غىچىرلار. ئۇمۇندۇرسا كۆزلۆرۈڭ،لېۋىڭ سالار گۇمانغا، چىقمىغاچقا بىر تەستىق،كۆزۆڭدىكى ئوتلارغا. كۆزلۆرۈڭگەئالدىنىپ،تۇتقۇزسام مەن قەلبىمنى، سېتىۋىتىپ قالارمۇ گىلاس لېۋىڭ ياتلارغا؟... كۆزۆڭ بىلەن لېۋىڭنىڭ تۇتقان يولى بىر ئەمەس، بىلەلمىدىم سەن ئۆزەڭ ئىككىمىسەن،بىرمۇ سەن؟ گاھى نازغىپ گاھ بازغىپ قويمۇدۇڭ ئەس-ھوشۇمنى، شەيتانلارمۇ تەلمۆرگەن قالتىس ھۆنەر-سىرمۇ سەن؟! كۇزۇڭدىكى ئوتلۇرۇڭ ئۈمىد بەرگەن،كۆيدۆرگەن، ئوتلۇرۇمغا سۇسەپتى لېۋىڭدىكى سۆكۈتلەر. چاڭقاقلىقنى باسقىدەك تاپالمىدىم بىر جۈملە، ئىنشالىرىڭ گىرىمسەن، لىكىن سانسىز چېكىتلەر... تەنھالىقتا قولۇمدا قېرى قەلەم غىچىرلار، سىياھدانى يۆرۆگۆم — ئەنسىز-ئەنسىز تىپىرلار. ئوپۇغۇمدا بىر ئۈمىد ئۆچۈپ- يېنىپ جىمىرلار، چۈنكى، تىلىڭ جىم تۇرار،پەقەت كۆزۆڭ پىچىرلار... 2015-يىلى 25 نويابىر "قارا كۆز"ـ شېئرلار گۇرۇپپىسى.داۋامى يېزىلىدۇ. بۇ يازمىنى ئاخىرىدا ق.سىدىق تەھرىرلىگەن. ۋاقتى 2015-11-26 18:07

TAYANQIMBAR · ۋاقتى: 2016-1-3 23:39:40


	مومىيىمغا خەت (ئۆمۆرلۈك جاپاكەش ھەمراھىم ساھىپىجامال جالالىدىنغا يېڭى يىل مۇناسىۋىتى بىلەن تەقدىم) قاسىم سىدىق نېمە ئۈچۈندۇر كۆڭلۈم پەرىشان، يېڭى يىلنىڭ بۇ ھارپا كېچىسى. گاھى كەڭرى ئىكەن، گاھى بەكمۇ تار، ئەجەپ سىرلىق ئىكەن ھايات كوچىسى. كەڭرى كوچىلاردا تاقلاپ كەتمىدۇق، تار كوچىلاردا ئالدىراپ ۋايساپ. چۈشىنىش، ئىشەنچتىن شەربەت تۇتۇشقاچ، تونۇردا كۆيسەكمۇ ئۆلمىدۇق ئوسساپ... ھەر قاچان ئىرادە كەمىرى باغلاپ، سەن ماڭا، مەن ساڭا بولۇشتۇق ھاسا. يۈكسەك غايە ئۈچۈن تۆلىدۇق بەدەل، تەتۈر قىسمەتلەرنى جېلە قىپ راسا!... يىللار كېتىپ قالدى، پۈتۈپ كۆپ ھېكمەت، كۆمەلمەس ئۆتمۈشنى كېچە ياققان قار. قار قانچە ياغسۇن، جۇت بولسۇن قانچە، يۈرىكىمدە ساڭا ساقلاقلىق باھار. ئۈرۈمچى ئاسمىنى يەنە گىرىمسەن، ئىلى ئاسمىنىدا كۆرۈنگەندۇ ئاي؟ ئۆرلىگىن پەلەككە ئەي ئايدەك موماي، ئاسمانغا تەلمۈرەر بىر غېرىپ بوۋاي... 2015.12.31 بۇ يازمىنى ئاخىرىدا TAYANQIMBAR تەھرىرلىگەن. ۋاقتى 2016-1-3 23:41

TAYANQIMBAR · ۋاقتى: 2016-1-3 23:42:17


	تەھرىرلەندى.... بۇ يازمىنى ئاخىرىدا TAYANQIMBAR تەھرىرلىگەن. ۋاقتى 2016-1-3 23:44

TAYANQIMBAR · ۋاقتى: 2016-1-3 23:42:23


	كۆرسە قاسىم سىدىق ئىتلار قاۋاشۇر،كارۋاننى كۆرسە، كارۋان ئېزىقماس ھايۋاننى كۆرسە. نادان دەستىدىن داناغا كۈن يوق، قۇترايدۇ شەيتان ئىنساننى كۆرسە... نادان تامچىنى ئوكيان دەپ بىلۆر، دانا تامچە دەر ئوكياننى كۆرسە. يۇنۇس بېلىقتىن قايتا تۆرەلدى، ئاقىل پەم قىلور ئىمكاننى كۆرسە... دانا بىلىمگە تويماس ئەزەلدىن، نادان داپ قىلور بىر ناننى كۆرسە. نادان كۆندۆزى چىراقلىق يۆرۆر، بىر ئەما دانا چولپاننى كۆرسە. نادان زىكرىدە مەنتىق،ھايا يوق، دانا ئاھ ئۇرار ناداننى كۆرسە. ئېچىنار يەنە دانا نادانغا، ناداننى مىنگەن شەيتاننى كۆرسە! 2016.1.1 بۇ يازمىنى ئاخىرىدا TAYANQIMBAR تەھرىرلىگەن. ۋاقتى 2016-1-3 23:43

TAYANQIMBAR · ۋاقتى: 2016-1-3 23:56:41


	ABLAJAN.BOWAKI يوللىغان ۋاقتى 2015-1-9 10:22 قاسىمكامغا بەرىكەتلەر بولسۇن، سەرخىل شېىرلاردىن ھوزۇ ... كېچىكىپ كۆرۈپتىمەن،ئوڭشاپ قويدۇم...

-مەرگەن- · ۋاقتى: 2016-1-4 02:02:45


	تۇرمۇشنىڭ ئوچقىغا ئاتا-ئاناڭ مورا، ئۆزلۈكنى ئىزدېسەڭ ئاتاڭدىن سورا. بولساڭمۇ سەن گەرچە ئالىم-ئېنژىنىر، چوڭلارنىڭ ئالدىدا سەن تېخى غورا. * ئابدۇغوپۇر ئۆمەر مەرگەن ئۆزلۈك ئېڭى يۇقرى ئەسەرلىرىڭىزنى ئوقۇپ دېلىم لەرزىگە كەلدى، ئۇستازنىڭ ھېكمەتكە تولغان شاھانە ئەسەرلىرنى يەنە ئوقۇش نېسىپ بولغىنىدىن چەكسىز ئىپتىخارلاندىم.

qaraxan · ۋاقتى: 2016-1-4 11:00:33

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

qaraxan · ۋاقتى: 2016-1-4 11:07:28

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

qaraxan · ۋاقتى: 2016-1-4 11:09:28

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

qaraxan qaraxan توردا يوق جۇغلانما 4935	ۋاقتى: 2015-1-14 21:48:52 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
qaraxan qaraxan توردا يوق جۇغلانما 4935
	ئىنكاس ئېسىل ناچار جابدۇق پاش قىلىش

qaraxan qaraxan توردا يوق جۇغلانما 4935	ۋاقتى: 2016-1-4 11:00:33 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
qaraxan qaraxan توردا يوق جۇغلانما 4935
	ئىنكاس ئېسىل ناچار جابدۇق پاش قىلىش

qaraxan qaraxan توردا يوق جۇغلانما 4935	ۋاقتى: 2016-1-4 11:07:28 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
qaraxan qaraxan توردا يوق جۇغلانما 4935
	ئىنكاس ئېسىل ناچار جابدۇق پاش قىلىش

qaraxan qaraxan توردا يوق جۇغلانما 4935	ۋاقتى: 2016-1-4 11:09:28 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
qaraxan qaraxan توردا يوق جۇغلانما 4935
	ئىنكاس ئېسىل ناچار جابدۇق پاش قىلىش