قاسىم سىدىق شېئىرلىرى

TAYANQIMBAR · ۋاقتى: 2013-5-24 23:51:08


	قاسىم سىدىق ئەپەندىمنىڭ قەدەم تەشرىپ قىلغانلىقىغا ھەشقاللا،ئىشلىرىڭىز ئوڭۇشلۇق بولسۇن! ‹‹ئامالىم يوق قان ساتىمەن››دېگەن ماۋزۇدىكى بىر شېئىرىڭىز بولىدىغان،مەن ئىزدەپ تاپالمىدىم،مۆمكىن بولسا،شۇنى بىر يوللاپ قويسىڭىز بولۇپتىكەن.

TAYANQIMBAR · ۋاقتى: 2013-5-24 23:54:04


	ئىتلىق بورچۇمنى قىلىمەن ئادا قاسىم سىدىق چۈش دېگەنگە نېمە كىرمەيدۇ، نېمە كەلمەس ياكى خىيالغا. ئامالىم يوق دۈچ كەلدىم بۈگۈن، خىيال سۇرۇپ شۇنداق خىيالغا: قالسام بىردىن ئۆزگىرىپ ئىتقا، ئىككى قولۇم ئايلانسا پۇتقا. يۈز- كۆزۈمنى بېسىپ كەتسە تۈك، كۆنەرمەنمۇ شۇ خىل ھاياتقا؟ بېشىم خېلى قاتتى،بۇرادەر، چۈنكى سوئال ئاسان ئەمەستە. ئۇيان ئويلاپ،بۇيان ئويلىنىپ جاۋاب تاپتىم ئۇنىڭغا تەستە: ئوخلىمايمەن تۈندە،ئەلۋەتتە، ۋەزىپەم شۇ تىنماي قاۋايمەن. مېنىڭ ئۈچۈن ئەيىبى يوقتە، يالاق يالاپ،سۆڭەك غاجايمەن. بەزىلەرنى چىشلەيمەن ماراپ، نىجاسەتنى تاپىمەن پۇراپ. كىمكى بەرسە كىچىككىنە نەپ، ئەركىلەيمەن تەلمۈرۈپ قاراپ. تۈمەن قارغىش يېسەممۇ مەيلى، ئىتلىغىمنى قىلىمەن ئادا. شۇنداق قىلسام بولىدۇ رازى، مېنى ئىت قىپ ياراتقان خۇدا. بۇيرىمايدۇ ئاللا ئەيىپكە، ھەرمەخلۇقنىڭ سەۋدا-كۈيىنى. لېكىن ھېچكىم كەچۈرمەيدىكەن، ئادەم قىلسا ئىتنىڭ خۇيىنى. مەنبە:<<تارىم>>ژۇرنىلى،1981-يىل8-سان بۇ يازمىنى ئاخىرىدا TAYANQIMBAR تەھرىرلىگەن. ۋاقتى 2013-5-24 23:54

ق.سىدىق · ۋاقتى: 2013-5-25 13:33:55


	TAYANQIMBAR يوللىغان ۋاقتى 2013-5-24 23:51 قاسىم سىدىق ئەپەندىمنىڭ قەدەم تەشرىپ قىلغانلىقى ... رەھمەت،ئۇ شېئىر ئۇزەمدىمۇ يوق.

مەرھابا. · ۋاقتى: 2013-5-26 18:58:26


	ھەقىقەتەن بىر -بىردىن ئىېسىل يازمىلاركەن ئەجرىڭىزگە قۇت بولغاي قىرىندىشىم.

TAYANQIMBAR · ۋاقتى: 2013-6-10 02:08:50


	بۇ قەبرىگە يارىم كۆمۈلگەن قاسىم سىدىق ئارىلايمەن قەبرىستانلىقنى، مەيلى كېچە،مەيلى كۈندۈزى. كېتەلمەي قەبرە بېشىدىن، كۆمۈلگەندەك بەختىم يۇلتۇزى. ئاشۇ غەمكىن ھالەتلىرىمنىڭ، ئۇزۇن ئۆتمەي چىقتى گەپ-سۆزى: <<بۇ بالىغا نېمە بولغاندۇ؟ قالمىغاندۇ ياكى ئېلىشىپ. تارتقىنى ئاھ،چەككىنى نالە، قەبرە بىلەن يۈرەر سىردىشىپ. نېمىنىمۇ ھەل قىلىدىغاندۇ، ئۆزى بىلەن ئۆزى گەپلىشىپ؟>> ھەسرەت قوشار يەنە بۇ سۆزلەر، يۈرىگىمنىڭ چەكسىز دەردىگە. كوزلىرىمدىن ياغدۇرۇپ يامغۇر، سۇ سېپىمەن ئاشۇ قەبرىگە. مەن كۈنۈككەن كۆنۈك ئاپتاپقا، زىمىستاننىڭ ئاچچىق قەھرىگە. دوستلار بۇندىن ئون يىل مۇقەددەم، دۇنيا ماڭا گۈدەك بىلىنگەن. شاتلىق بىلەن خوشلىشىپ بېشىم، شۇندىن بېرى غەمگە چۈمۈلگەن. ئېچىلماستىن ئارزۇ غۇنچىسى بۇ قەبرىگە يارىم كۆمۈلگەن. مەنبە:<<تارىم>>ژۇرنىلى،1981-يىل8-سان بۇ يازمىنى ئاخىرىدا TAYANQIMBAR تەھرىرلىگەن. ۋاقتى 2013-6-10 02:09

زۇلفىيە · ۋاقتى: 2013-6-18 09:52:45


	تولىمۇ ھۆرمىتىم ئاشتى ...

ق.سىدىق · ۋاقتى: 2013-8-27 15:05:12


	كولىما ئورا قاسىم سىدىق (ناخشا تېكسىتى) ھەسەتلەردىن كەتمەن سوقۇپ،كولىما ئورا، جان ئالساڭمۇ ماراپ ئالماي،ئۇدۇللا سورا. نۇقسانىم يوق دىيەلمەيمەن،كامىللىق قايدا؟، ئەمەسمىدى مەي باغلىغان ئۆرۆكلەر غورا؟. قېقىۋەرسەڭ پەرۋىش قىلماي غورا چىغىمدا، يېتىلەمتى ئەلگە شەربەت مېنىڭ بېغىمدا؟!. باغلىرىمنى قىلما خازان ھەسەت قۇيۇنى، خالىمايمەن قورۇلۇشنى مەن ئۇز يېغىمدا. كەڭ قوساق بول ،بۇ جاھانغا پېتىپ كىتىمىز. ئىناق بولساق تېتىغانغا تېتىپ كېتىمىز. ئىناقلىقتىن مەنزىللەرگە يېتىپ كىتىمىز، جاڭجاللاشساق تارىختىنمۇ يۆتۆپ كېتىمىز!. 2013.8.27 بۇ يازمىنى ئاخىرىدا ق.سىدىق تەھرىرلىگەن. ۋاقتى 2013-8-27 15:09

ق.سىدىق · ۋاقتى: 2013-8-27 15:06:04


	مۇساپىر ناخشىسى قاسىم سىدىق (ناخشا تېكسىتى) كىممۇ سېغىنماس يورتىنى ، مەنمۇ سېغىندىم ھەر كۆنى. ئەل-جامائەت،يارۇ-دوسىت، زىكرىمدە ھەر كۆن-ھەرتۆنى. ئوچۇرۇرقامقاق قىلىپ، ھەر بانىدا قىسمەت مېنى. گاھ ھەۋەس قىلسا غېرىپ، گاھ قاترىتار خىزمەت مېنى. سەرسانلىغىمنىڭ ۋەجى كۆپ، كىم مۇساپىر -دەردى كۆپ. دەرىتنى يەڭگەن سەبرىچان، بۇ جاھاندا ۋەدە كۆپ. 2013.8.27

ق.سىدىق · ۋاقتى: 2013-8-27 15:07:12


	تېخى نۇرغۇن سەپەر بار قاسىم سىدىق (ناخشا تېكسىتى) مەغرۇرلانما زەپەر قۇچساڭ،ئاندىن يۆكسەك زەپەر بار، بىر ئۆتەڭدە تۇروپ قالما،تېخى نۇرغۇن سەپەر بار. كىچىك پېئىللىق ئەزەلدىنلا ئەلگە ياققان شەربەتتۇر، مەغرۇرلۇقنىڭ قات-قېتىدا شەيتان بىلەن زەھەر بار. سەن ئاتاڭنىڭ گۆھىرىسەن،سەن ئاناڭنىڭ گۆھىرى، ئەل -جامائەت ئەزىز بىلگەن سەندىن كاتتا گۆھەر بار. كەمتەرلىكتە غاپىللىققا ئىھتىيات بار-ھەزەر بار، مەغرۇرلارنى ماراپ ياتقان پالاكەت ھەم خەتەر بار. مەغرۇرلانما زەپەر قۇچساڭ،ئاندىن يۆكسەك زەپەر بار، بىر ئۆتەڭدە تۇروپ قالما،تېخى نۇرغۇن سەپەر بار. قاراتۆننى روپاش قىلغا چ ھۆسنى نۇرلۇق سەھەر بار، ھەربىر تۆننىڭ ۋۇجۇدىدا يورۇق تاڭدىن خەۋەر بار. 2013.8.27

ق.سىدىق · ۋاقتى: 2013-8-27 15:36:11


	ئەتىگەندە پىغانىم ئۆرلەپ قېلىپ 3 ناخشا تېكسىتى يېزىپ قويدۇم.سەل قاپىيەۋازلىقتەك تۇيغۇ بېرىپ قويامدۇ -قانداق،بىلمىدىم.

ئەرتېكىن · ۋاقتى: 2013-8-27 17:02:15


	قاسىم سىدىق ئەپەندىنى مەن بىر شائىر ۋە ئالىم سۈپىتىدە تەسەۋۋۇر قىلاتتىم، كومپۇزىتور ئىكەنلىكىنى ئويلىماپتىمەن...

پەرىدە توختاخۇن · ۋاقتى: 2013-8-27 17:54:15


	TAYANQIMBAR يوللىغان ۋاقتى 2012-4-27 20:09 قۇرۇپ كەتتى بىر گۈلزار بۇ شىئېرنى بەكلا ياقتۇردۇم بەك ئېسىل چىقىپتۇ شائىر قاسىم سىدىقنىڭ ئىجادىيىتىگە تېخىمۇ ئۇتۇقلارنى تىلەيمەن.

پەرىدە توختاخۇن · ۋاقتى: 2013-8-27 18:25:36


	بەك ئسىل شىئېرلار ئىكەن. شائىرنىڭ ئىشلىرىغا ئۇتۇق تېنىگە ساقلىق تىلەيمەن...

TAYANQIMBAR · ۋاقتى: 2013-10-1 21:31:08


	بالىلىقىڭغا قېنىۋال،بالام قاسىم سىدىق بالىلىقىم كەلسەڭچۇ يېنىپ، بالىلىققا ئالساڭچۇ قېنىپ. چاپايمىكىن قۇياش كەينىدىن، بالىلىقنى قوغلاپ ئات سېلىپ. مەن قانمىغان ئەللەيلەر قېنى؟ مەن قانمىغان ۋاللەيلەر قېنى؟ چۈشۈپ قاپتۇ كۆكسۈمگە ساقال، قانداق تاپاي مەن ئەمدى سېنى؟ مەن زارىققان لەگلەكلەر نەدە؟ ساددا،سەبىي تىلەكلەر نەدە؟ بەختىمگە پال تۆتقۇلاق نەدە؟ ئىسىت،مەسۇم يۈرەكلەر نەدە؟ قېنى،ئاتام ھاپاشلاشلىرى، قېنى،ئانام باغاشلاشلىرى، قاندۇرمىغان مېنى ھەممىگە، بۇ ھاياتنىڭ چامپۇتلاشلىرى! زاكامدىلا قېرىغان ئىدىم، بىھۇدىلا خورىغان ئىدىم. تەغدىر شۇنداق،تاغدەك توپاننى، مۇشتتەك تۇرۇپ سورىغان ئىدىم. بالام،ساڭا بىراۋا ئۇ كۈن، تۈنۈگۈنگە ئوخشىماس بۈگۈن. قېنىۋالغىن بالىلىقىڭغا، يۈرىكىڭدە قالمىسۇن تۈگۈن. خۇشلۇقىڭدا سەن بىلەن تەڭمەن، تۆگە-تۆگىلەك ئوينار تۆگەڭمەن. ئوينىغىنا،شادلانسۇن ۋۇجۇد، ئېرىپ كېتەي،ئۈگە-ئۈگەڭمەن. بەختلىكسەن تۆتقۇلاقسىزمۇ، نۇر ئوغلىسەن جىن چىراقسىزمۇ. ئوينا،بالام،سېنى باغاشلاپ، بالىلىققا قانايلى بىزمۇ. مەنبە:ئۇيغۇر تىل-ئەدەبىيات دەرسلىكى،8-يىللىقلار 1-قىسىم بۇ يازمىنى ئاخىرىدا TAYANQIMBAR تەھرىرلىگەن. ۋاقتى 2013-10-1 21:31

ق.سىدىق · ۋاقتى: 2013-10-1 23:11:03


	ئە.خ.ئەرتېكىن يوللىغان ۋاقتى 2013-8-27 17:02 قاسىم سىدىق ئەپەندىنى مەن بىر شائىر ۋە ئالىم سۈپىتىدە ... مىنى خىجىل قىلماڭ،مەن كومپىزىتۇر مۇقامىغا يەتمىدىم.