نۆۋەتتە، ئىت ئەرمەك ئىت بېقىش دۇنيانىڭ ھەرقايسى جايلىرىدا بىر خىل مودىغا ئايلاندى. ئىت كىشىلەرنىڭ ياتاق ئۆيلىرىگىچە كىرىپ. مۇنداقچە قىلىپ ئېيتقاندا، بۇ ئەسلىدىكى غەربتىكى بىر قانچە دۆلەت بىلەن چەكلەنگەن بۇ خىل ھادىسە نۆۋەتتە زور تەسىرىگە ئىگە بولۇپ، ئۆزىگە خاس بىر خىل توپنى شەكىللەندۈردى. بىز تۆۋەندىكى قىسقىغىنا دىئالوگلاردىن بۇلارنى تېخىمۇ ئېنىق كۆرۈپ يېتەلەيمىز:
1
- نەگە ماڭدىڭ؟
- خوالىڭغا.
- نېمىشقا؟
- ئەرمەك ئىتتىن بىرنى سېتىۋالاي دەپ.
- ھە، ياخشى ئويلاپسەن، ئىدارىدىكى خاسىيەتمۇ تېخى قايسى كۈنى ناھايىتى ئوماق ئىتتىن بىرنى سېتىۋالدى، ئاڭلىسام ئېرى ئۇنىڭ بۇ ئىتقا زىيادە كۆڭۈل بۆلۈپ كېتىشىدىن خاپا ئىكەن.
- ھە، مۇنداق-دە! مۇشۇ ئەر كىشىنىڭ نېمە كارى دەيمەن! نېمە باقساق ئۆزىمىزنىڭ ئىشى، تاماقنى ۋاقتىدا ئەتكەندىن بولمىدىمۇ...
2
- ۋاھ! ئىتىڭ ئەجەب چىرايلىقكەن!
- شۇنداق، دادام ئالايىتەن رۇسىيىدىن مېنى دەپ ئېلىپ كەلگەن. ھە،راست سېنىڭ ئىتىڭچۇ؟
- ھە ئۇمۇ بار، چۈشتە ئۇنىڭغا تاماق يېگۈزۈپ بولۇپ، قورۇنىڭ ئىچىدە ئۇنىڭ بىلەن بىللە ئوينايمەن.
- مەنمۇ شۇ، ئۇ بولمىسا ئۆيدە شۇنداق زېرىكىشلىك ھېس قىلىمەن.
3
- بالىنى چوڭلارنىڭ ئۆيىگە ئاپىرىۋەتتۇق.
- نېمىشقا ئەمدى؟
- ئىشقىلىپ، مېنىڭ بۇرۇندىنلا بالىلىق بولغۇم يوق ئىدى، شۇڭا...
- مەن قايسى كۈنى يولدىشىمغا بالىلىق بولۇشنى خالىمايدىغانلىقىنى ئېيتقان ۋاقتىمدا، ئۇ قوشۇلدى، ئوماق كۈچۈكتىن بىرنى ئېلىپ بېرىدىغان بولىدى...
- ۋاي سېنىڭ ئېرىڭ نېمانداق ياخشى، ئەمما مېنىڭ ئېرىم
شۇنداق، ھازىر بۇ خىل يامان ئادەت بىزنىڭ تۇرمۇشىمىزغا خىلىلا سىڭىپ كىردى. خەقنىڭ مۇشۇنداق يامان ئادەتلىرىنى ئامال بار تاشلاپ ئۆزىنىڭ ئۆرۈپ-ئادىتىمىزگە ئۇيغۇن كېلىدىغان ئىش-پائالىيەتلەر بىلەن شۇغۇللانغىنىمىز ياخشى. بۇ خىل يامان ئادەت چەتئەللەردە ناھايىتى ئەۋج ئالغان بولۇپ، تۆۋەندىكى رەسىملەردىن بۇنى ئېنىق كۆرۈۋالغىلى بولىدۇ. ئىت بېقىش ۋە ئىت بىلەن ياشاش ئۇلارنىڭ قىممەت قارىشىدا توغرا بولغان بىلەن بىزنىڭ قىممەت قارىشىمىزغا ئۇيغۇن كەلمەيدۇ. تۆۋەندىكىلەرنى كۆرۈپ بۇنىڭدىن ئىبرەت ئالغايمىز.
