سىرلىقلىقىڭىزنى يوقاتماڭ

سىرلىقلىقىڭىزنى يوقاتماڭ (ئىسھاق تۇردى) ياز كەلدى. يەر-جاھان ئىسسىپ، ھەممە يەر يېشىلىققا، گۈللەرگە پۈركەندى. قىز-چوكانلار بۇ گۈزەللىككە جور بولۇشۇپ، چىرايلىق كۆڭلەكلىرىنى كىيىشتى. ئۇلار شۇ تاپتا خۇددى گۈلزارلىقتىكى پەرىلەرگىلا ئوخشاپ قالغانىدى. ئەنە شۇ گۈزەل قىز-چوكانلارنىڭ ئىچىدە بەزىلەر كۆزگە ئالاھىدە چېلىقتى. شۇنداق ئۇلارنىڭ مەيدىسى، قولتۇقى، قورسىقى، يوتىسى غەرب مودا ئاياللىرىدەك ئوچۇق ئىدى. ئۇلارغا قاراپ بۇ بىز بىلىدىغان ئۇيغۇر قىزلىرىمىدۇ، دەپ ئويلاپ قالىمەن. دەرۋەقە ئۇلار ئۇيغۇر قىزلىرى. بوپتۇ، ئۇلارنىڭ تور ۋە تېلۋىزوردىكى يېڭى ئېقىملارغا ئەگەشكۈسى، شۇنى دوراپ باققۇسى كەلگەندۇ، چۈنكى ئېشەك ئېشەكتىن قالسا قۇلىقىنى كەس دەپتىكەن ئەمەسمۇ، بىراق بۇنداق ئويلاي دىسەم، بۇ بىز ئەرلەرگە يامان بوپتۇ. مودا ئېقىمدىكى قىز-چوكانلار ئەتراپىمىزدا بارغانسېرى كۆپەيدى. ئۇلار يولدا، ئاپتۇبۇستا، ھەتتا ئىش ئورنىمىزدا ماڭدامدا ئۇچرايدۇ. بۇ قارىسا سەت، قارىمىسا دەرت بولىدىغان ئىشتە. ئەڭ يامىنى، خوتۇنىمىز بىلەن كوچا-كويلاردا ئايلانغاندا، كۆزلىرىمىز سەللا كونتىروللىقىنى يوقىتىپ، ئىختىيارسىز شۇنداق گۈزەللەرگە تىكىلىپ قالسا چاتاقنىڭ چىققىنى شۇ. بۇ شۇ كۈنى كەچتىكى ئۇرۇشۇشنىڭ بىر قېتىملىق سەۋەبچىسى بولۇپ قېلىشىمۇ مۇمكىن. ئۇيغۇر قىزلىرى شەرم-ھايالىقلىقى، پاكلىقى بىلەن سىرلىق كۆرۈنىدۇ. دەل بۇ سىرلىقلىق ئۇلارنى گۈزەل قىلىدۇ. ئەرلەر بۇ سىرنى ئېچىشقا ئۆمۈرىنى سەرپ قىلىشقا رازى، ئەمما سىرلىقلىقىنى يوقاتقان نەرسە قىممىتىنى يوقىتىدۇ-دە، قىزىقىشىمىزنى قوزغىيالمايدۇ. قوزغىغان تەغدىردىمۇ بۇ قىزىقىشنىڭ ئۆمرى ناھايىتىمۇ قىسقا بولىدۇ، شۇڭا قىز-چوكانلارغا تەۋسيەم: سىرلىقلىقىڭىزنى يوقاتماڭ، قانچىكى سىرلىق بولسىڭىز، ئەرلەر سىزنى شۇنچە قەدىرلەيدۇ.

كۆرۈلۈشى:3097

قوشۇلغان ۋاقتى:2011/5/29 16:06:27

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..