نېمىنى تاشلىۋەتمەكچى
— مەن ھاراق ئىچىش، تاماكا چېكىشنىڭ زىيانلىق ئىكەنلىكىگە ئائىت نۇرغۇن كىتابلارنى ئوقۇپ، ئاخىرى تاشلىۋېتىش قارارىغا كەلدىم.
— سەن زادى نېمىنى تاشلىۋېتىش قارارىغا كەلدىڭ، ھاراقنىمۇ ياكى تاماكىنىمۇ؟
— ياق، ھېچقايسىسىنى ئەمەس، كىتاب ئوقۇشنى.
دۇنيانى ئۆزگەرتىش
جۇغراپىيە مۇئەللىمى جوندىن سوراپتۇ:
— نېمىشقا دۇنيا خەرىتىسىنى سىزىش تاپشۇرۇقىنى ئىشلىمىدىڭ؟
جون جاۋاب بېرىپتۇ:
— سىزغان خەرىتەمنىڭ دۇنيانى ئۆزگەرتىۋېتىشىدىن قورقتىم.
گرانات
ئىككى ساقچى ئۈچ گىراناتنى بايقاپ قېلىپ، ئۇنى ساقچى ئىدارىسىگە ئاپىرىشقا تەييارلىنىپتۇ. ياش ساقچى سەل قورقۇپ، پېشقەدەم ساقچىدىن سوراپتۇ:
— ئەگەر يولدا گىراناتنىڭ بىرى پارتلاپ كەتسە قانداق قىلارمىز؟
— ئۇنداقتا ئىككىنىلا ئۇچراتتۇق دەيمىز – دە، — دەپتۇ پېشقەدەم ساقچى.
تارازىدىن بىزار بولۇش
— مەن ئاپتوماتىك تارازىدىن بەك بىزار، — دەپتۇ سېمىز ئايال.
— نېمە ئۈچۈن؟ — سوراپتۇ يېنىدىكى ئايال.
سېمىز ئايال ئاچچىقلىنىپتۇ:
— ئۇ ھەر قېتىم پەقەت بىرلا ئادەمنىڭ ئېغىرلىقىنى ئۆلچىگىلى بولىدۇ، دەيدۇ.
بىر كىشىلىك تاماق
خېرىدار مەلۇم بىر ئاشپۇزۇلغا كىرىپ بىر كىشىلىك كالا گۆشى قورۇمىسى بۇيرۇتۇپتۇ. ئۇ تاماقنى يەپ بولاي دېگەندە قورۇمىدىن بىر تال چىۋىن چىقىپتۇ، شۇنىڭ بىلەن خېرىدار مۇلازىمغا كايىپ:
— قاراڭە تاماقتىن چىۋىن چىقتى، بۇنى قانداق چۈشەندۈرىسىز؟ — دەپتۇ.
مۇلازىم قىلچە ھودۇقماي جاۋاب بېرىپتۇ:
— مۇبارەك بولسۇن ئەپەندىم، سىز ئاشپۇزۇلىمىزنىڭ يەنە بىر كىشىلىك ھەقسىز غىزالىنىش مۇكاپاتىغا ئېرىشتىڭىز.
ئوت كەتتى
بىر كىشى ئالاقزادە بولۇپ 119 غا تېلېفون قىپتۇ:
— ئوت كەتتى! ئوت كەتتى!
— نەگە ئوت كەتتى؟
— ئۆيۈمگە ئوت كەتتى!
— بىلدىم، بىراق بىز ئۆيىڭىزگە قانداق بارىمىز؟
— توۋا، سىلەرنىڭ ئوت ئۆچۈرۈش ئاپتوموبىلىڭلار يوقما؟!
قەيسەر ئابلىكىم تەرجىمىسى
( ‹‹شىنجاڭ ياشلىرى›› نىڭ 2009 – يىللىق 7 – سانىدىن ئېلىندى)
