& سەن قانچىلىك ئېگىز چوققىغا چىقىۋالغىنىڭ بىلەن ئىككى پۇتۇڭ يەنىلا يەرنى مەھكەم دەسسەپ تۇرىدۇ .
& شەرەپ تاجىنى ئۆزۈڭ يارىتالايسەن ، بىراق ئۆزۈڭ – ئۆزۈڭگە تاقاپ قويالمايسەن.
& ئادەمنىڭ تەمى سۆز بىلەن ، ئاشنىڭ تەمى تۇز بىلەن .
& گاس دەپ غەيۋەت قىلما ، قارغو دەپ خىيانەت قىلما .
& كۈن نۇرى مەينەت جايغا چۈشكەن بىلەنمۇ ئۆزىگە داغ تەگكۈزمەيدۇ .
& ساختا ھېسداشلىق – تىمساھنىڭ كۆز يېشى قىلىشىدۇر .
& ئابرويىڭنى سۇندۇرغان باشقىلارنىڭ غەيۋىتى بولماستىن ، ئەكسىچە ئۆزۈڭنىڭ قىلمىشىدۇر .
& سۆزۈڭ توغرا بولسا ھۈرمىتىڭ كۆپ بولۇر .
& كىچىك پېئىل بولساڭ كىچىكلەپ كەتمەيسەن .
& نامەرد ۋىجداننى ئۆزگىدىن تىلەيدۇ .
& ئۇ شەھەردىن بۇ شەھەرنى قىلمىغىن ئارزۇ ، ھەممە يەردە باردۇر ئوخشاش ، مىزان –تارازۇ .
& نامىڭنى چىقىردىغانمۇ تىل ، بۇلغايدىغانمۇ تىل ، قىزىل تىل قارا باشقا چىقىدۇ.
& ھەممە تاش ئوخشاش بولسا ، ياقۇتنىڭ نېمە قەدرى ؟
& چوڭ ئادەم گەپ قىلغاندا ، قۇلاققا ياقمىسىمۇ سۈكۈت قىلىپ ئاڭلا .
