« ئادىلجان ئابلىز ھەجۋىي رەسىم كۆرگەزمىسى » 11-ئاينىڭ 6 - كۈنى (شەنبە) ئۈرۈمچى شەھىرى جەنۇبىي باغچە ( يەنى بۇرۇنقى ھايۋاناتلار باغچىسى ئىچىدە) كۆرگەزمە زالىدا ئېچىلماقچى. بۇ قېتىمقى كۆرگەزمىگە ئادىلجان ئابلىزنىڭ يېقىنقى بىر نەچچە يىلدا سىزغان 100 پارچىدىن ئارتۇق ھەجۋىي رەسىم ئەسىرى قويۇلىدىغان بولۇپ، ئەسەرلەرنىڭ %70 تى پورتېرت ئەسەرلىرىدىن تەركىپ تاپقان، قويۇق مىللىي تۈس، تۇرمۇش كارتىنىلىرى ئوبرازلىق گەۋدىلەنگەن بولۇپ، پورتېرت ئەسەرلەرنىڭ كۆپ قىسمى ئاساسلىق ئاپتونوم رايونىمىزدا كۆزگە كورۈنىۋاتقان ياش چولپان ۋە پىشقەدەم سەنئەتكارلارنىڭ تىپىك ئوبرازىدىن تەركىپ تاپقان. ئەسەرلەرنىڭ كۆپ قىسمى Wacom سېفرلىك سىزىش تاختىسىدا تاماملانغان بولغاچقا،ئەسرلەرنىڭ تاماملىنىشى ئىنتايىن سۈپەتلىك ھەم يۇقۇرى ماھارەتتە سىزىلغان بولۇپ، كۆرۈرمەنلەرگە ئۆزگىچە ئىستېتىك زوق ئاتا قىلىدۇ.  
 

     بۇ قېتىمقى كۆرگەزمىنى پىلانلىغان، ھەمكارلىشىپ ئۆتكۈزۈشنى ئۈستىگە ئالغان «قاراماي گېزىتى»، « شىنجاڭ نېفىت گېزىتى » ئىدارىسى، « شەرق غەرىب گۈزەل سەنئەت سارىيى » ، « غەربىي دىيار ئۇسلۇبى گالېرىيىسى » قاتارلىق ئورۇنلارغا ئاپتور نامىدىن ئۇلارغا چىن كۆڭلۈمىزدىن رەھمەت ئېيتىمىز!