قۇربانجان روزى شەيدائى 1969- يىلى 3- ئايدا قەشقەر شەھىرىدە تۇغۇلغان. 1987- يىلىدىن باشلاپ خەتتاتلىق ئىجادىيىتىگە قەدەم قويغان. ئۇنىڭ خەتتاتلىق ئەسەرلىرى ئاپتونوم رايۇندىكى گېزىت -ژۇرناللاردا ئېلان قىلىنىش بىلەن بىرگە ئاپتونوم رايۇنىمىزدا ئۆتگۈزۈلگەن خەتتاتلىق كۆرگەزمىلىرىگە كۆپ تاللىنىپ، مۇكاپاتلانغان. بىر قىسىم ئەسەرلىرى مەملىكىتىمىز ئۇيۇشتۇرغان خەتتاتلىق كۆرگەزمىلىرىگە ۋە شىياڭگاڭ . ئاۋمىن. مالايسىيا قاتارلىق جايلاردىمۇ كۆرگەزمىگە قويۇلغان.1999-يىلىدن ئىتىبارەن ئۇنىڭ شەخسى خەتتاتلىق كۆرگەزمىسى قەشقەر .ئۈرۈمچى . خوتەن. يەكەن قاتارلىق شەھەر ۋە ناھىيلەردە ھەمدە 2007- يىلى خوتەن قەغىزىگە يېزىلغان ھۆسىخەت كۆرگەزمىسى قەشقەردە ئېچىلىپ كەسىپداشلارنىڭ ۋە كەڭ خەلىق ئامىمىسىنىڭ ياخشى باھاسىغا ئېرىشكەن. ئۇ خەتتاتلىق  سەنئىتىگە چوڭقۇر مۇھەببەت باغلاپ، قېتىرقىنىپ ئۇگىنىپ ،ھارماي-تالماي ئىزدىنىپ مول خەتتاتىلىق ئەسەرلىرىنى ياراتقان كۆزگە كۆرۈنگەن مۇنەۋۋەر ياش خەتتاتلارنىڭ بىرى، ئۇ مەدىنيەت مىنىستىرلىكى تەرىپىدىن << جۇڭگۇدىكى كۆزگە كۆرۈنگەن خەلق سەنئەتكارى>> دىگەن شەرەپكە ۋە ئاپتونوم رايۇنلۇق خەتتاتلار جەمئىيىتى ۋە قەشقەر ۋىلايىتى تەرىپىدىن<<ئەخلاق، كەسىپتە تەڭ يېتىلگەن سەنئەتكار>> دىگەن نامغا ئىرىشكەن.

قۇربانجان روزى شەيدائىنىڭ<<شەيدائى ھۆسنىخەت ئەسەرلىرى>>ۋە <<شەيدائى كومپىيۇتىر ھۆسنىخەت ئەسەرلىرى>>دىگەن كىتابلىرى، ھۆسنىخەت شەكلىدە يىزىپ چىققان.<<سەيپىدىن ئەزىزى رۇبائىيلىرى>>ھەمدە<<مەشھۇر شەخسلەرھېكمەتلىردىن>>دىگەن بىر يۈرۈش ھۆسنىخەتلىرى نەشىر قىلىنغان.

ئۇ ھازىر جۇڭگو خەتتاتلار جەمئىيىتىنىڭ ئەزاسى، ئاپتونوم رايونلۇق خەتتاتلار جەمئىيىتىنىڭ ھەيئەت ئەزاسى ۋە مۇئاۋىن باش كاتىپى، قەشقەر ۋىلايەتلىك خەتتاتلار جەمئىيىتىنىڭ مۇئاۋىن رەئىسى.