بىر ئانا جىگەر راكىغا گىرىپتار بولۇپ قالغانلىقىنى كېسىلى ئاخىرقى باسقۇچقا بېرىپ قالغاندا بىلىپتۇ. ئۇ دائىم بەدىنى سىرقىراپ ئاغرىشى بىلەن قارا تەرگە چۆمىدىكەن، بىراق ئۇ نۇرغۇن ئاغرىققا ئوخشاش ئەڭ ئاخىرقى بىر ئاينى نالە – پەرياد بىلەن ئۆتكۈزمەي، ئۈنىنىمۇ چىقارماي بەرداشلىق بېرىپتۇ. دوختۇر: ‹‹ئۇنىڭ كۈنى ئاز قالدى، كۆپ بولغاندا بىر ئاي ياشىيالايدۇ›› دەپتۇ. لېكىن ئانا: ‹‹مەن ئۆلمەيمەن، يالغۇز ئوغلۇم كېيىنكى ئايدا توي قىلىدۇ، مەن ئۇنىڭ توي مەرىكىسىگە قاتنىشىمەن!›› دەپتۇ. بىر ئايدىن كېيىن ئۇنىڭ ئوغلى توي قىپتۇ، شۇ كۈنى ئۇ ئانا كۈلۈمسىرىگەن ھالدا كۆز يۇمۇپتۇ.
ئاقىللار مۇنداق دەيدۇ: بەزىدە ئارزۇ، ئۈمىد ھاياتنى ئۇزارتىدۇ، ھەتتا ھاياتنى بويسۇندۇرالايدۇ. تۇرمۇشتا كىشىلەر نۇرغۇن ئۇلۇغ نەرسىلەرنى بايقىيالمايدۇ، چۈنكى ئۇ ھەمىشە مۈشكۈلات ئىچىدە پەيدا بولۇپ، بايقالغان ھامان كۆزنى قاماشتۇرىدۇ. مانا بۇ ئۇلۇغ نەرسە دەل ئارزۇ – ئۈمىد.
غېنى ئەرشىدىن تەرجىمىسى
