باھار ئەسلى مۇنداق كېلىدۇ
(رەمتىل ھېبىل )
قىزىل ئۇپۇق بىر قىز مىسالى ،
قىزىل كۆينەك كىيىدۇ سەھەر.
قىزىللىققا پۈركۈنۈپ ھەممە،
خىجىللىقتا قىلىدۇ شەھەر.
باھار قۇشى ئۇچۇشۇپ لەرزان ،
كېتىشىدۇ يىراق يىراققا.
ئېرىقلارد ئېقىپ زىلال سۇ،
تولدۇرىدۇ دىلنى شاتلىققا.
سەلكىن شامال سۈيۈپ يۈزىڭنى،
ھىدلىرىڭنى ئىلىپ قاچىدۇ.
مايسا قىزلار چۈشۈپ ئۇسۇلغا ،
كەل باھار دەپ قوشاق قاتىدۇ.
كۆكتى لەرزان ئۈزۈپ ھىلال ئاي،
نىگاھلارغا چاچڭۇ چاچىدۇ.
جىمى ئالەم چۈكۈپ سۈكۈتكە،
ئاشىقلارغا قۇچاق ئاچىدۇ.
رەڭدار چىچەك چېچىپ خۇشپۇراق،
مىسكىن دىلغا تەسكىن بېرىدۇ.
«كەل باھار» دەپ يۈرەكلەرتەشنا،
باھار ئەسلى مۇنداق كىلىدۇ.
