شىۋىرغانلىق كەچكۈز ئاخشىمى،
ئويغانماقتا دىلدا بىر ھاياجان.
قىيناپ ئازاپلايدۇ مەۋجۇتلۇقۇمنى،
ئارام بەرمەي بىر شىرىن ئارمان.
سىڭمەكتى مەن تۈننىڭ قوينىغا،
شۇنچە مۇڭلۇق غەمكىن قەدەمدە.
مەن چىدايمەن ئاخىرقى بىر رەت،
ئۆرتەنسە قەلبىم ئاچچىق ھەسرەتتە
ۋازكەچمىدىم ھاياتتىن مەن ئەسلا،
تۆكۈلسىمۇ كۆزيېشىم قانچە تەكرار.
ياشاش ئۈچۈن بەخىت ئىچىدە مەن،
مەن كۆڭلۈمنى قىلالماي ساڭا ئىزھار.
كەچمىشىمنى ئوۋلىغان ئوۋچى،
ئىزلىرىمنى كۆممەكتە ھەردەم.
چىدايدىكەن ھەممىگە ئاشىغىم،
كۆيدۈرسىمۇ باغرىنى دەرت-ئەلەم.
ئابدۇقاردىر مەخمۇت 2012-3-01
